شينحۋا اگەنتتىگىنىڭ 4 - ايدىڭ 16 - كۇنى ۋحاننان بەرگەن حابارى (تىلشىلەر لي يۇن، جيا چيلۇڭ). ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن ارميانىڭ حۋبەيعا كومەككە بارعان ەمدەۋ اترەتى مىندەتىنە العان ۋحان حوشىنشان شيپاحاناسىندا، ۋحان قالالىق تايكاڭ تۇڭجي شيپاحاناسىندا، حۋبەي ولكەلىك انا - بالالار دەنساۋلىعىن قورعاۋ شيپاحاناسىنىڭ گۋاڭگۋ شيپاحاناسى رايونىندا دياگنوزى تۇراقتانعان ناۋقاستاردى ەمدەۋ - قۇتقارۋ مىندەتىن تابىسپەن ورىنداعاننان كەيىن، حالىق اۆياتسيا ۇشاعىن جالداۋ جانە تەمىر جول تاسىمالى ارقىلى جەتكىزۋ تاسىلىمەن ىركەس - تىركەس ۋحاننان قايتتى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، حالىق ارمياسى ءتوراعا شي جينپيڭنىڭ ماڭىزدى نۇسقاۋىن باتىل دايەكتىلەندىردى، 1 - ايدىڭ 24 - كۇنىنەن باستاپ، قۇرلىق ارمياسىنان، تەڭىز ارمياسىنان، اۋە ارمياسىنان، زىمىران ارمياسىنان، ستراتەگيالىق كومەك كورسەتۋ اسكەري بولىمىنەن، بىرلەسكەن ارتقى شەپ قامداۋ اسكەري بولىمىنەن، قارۋلى ساقشى اسكەري بولىمىنەن كوپتەگەن ەمدەۋ ورىندارى 3 توپقا ءبولىپ، 4000نان استام ەمدەۋ قىزمەتكەرىن ۇيىمداستىرىپ، ۋحاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كومەكتەستى. ۋحان جينيىڭتان شيپاحاناسىنا، ۋچاڭ شيپاحاناسىنا جانە حانكوۋ شيپاحاناسىنىڭ ناۋقاستار رايونىنا كومەكتەسۋدەن ۋحان حوشىنشان شيپاحاناسىندا، ۋحان قالالىق تايكاڭ تۇڭجي شيپاحاناسىندا، حۋبەي ولكەلىك انا - بالالار دەنساۋلىعىن قورعاۋ شيپاحاناسىنىڭ گۋاڭگۋ شيپاحاناسى رايونىنا تۇراقتاپ تۇرعانعا دەيىن، ارميانىڭ ەمدەۋ قىزمەتكەرلەرى حالىق ارمياسىنىڭ باس ماقساتىن ەستەرىندە بەرىك ساقتاپ، بۇيرىقتى الا سالىسىمەن اتتانىسقا كەلىپ، اۋىر مىندەتتى باتىلدىقپەن ارقالاپ، جۇرەكتىلىكپەن قيان - كەسكى شايقاس جۇرگىزىپ، ۋاقىتپەن جارىسىپ، اۋرۋمەن ايقاسىپ، ىندەتتەن ساقتانۋ - تىزگىندەۋ شايقاسىندا ارت - ارتىنان اتوي سالىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قورعادى. ءار دارەجەلى پارتيا ۇيىمدارى مەن قالىڭ پارتيا مۇشەلەرى اتويلاپ الدا ءجۇرىپ، ەرلىكپەن شايقاسىپ، جاۋىنگەر قورعاندىق رولدارى مەن اۆانگارد ۇلگىلىك رولدارىن تولىق ساۋلەلەندىرىپ، سۇراپىل شايقاستا اۋەلگى ماقساتتارىن، بورىشتارىن امالياتتا ايگىلەدى، تولىمدى جاۋاپ قايتاردى.
مىندەت اتقارۋ كەزىندە، ارميانىڭ حۋبەيعا كومەككە بارعان ەمدەۋ اترەتتەرى ۇيىمدىق باسشىلىقتى كۇشەيتىپ، ارميا مەن جەرگىلىكتى ورىن سەلبەستىگىن نىعايتىپ، عىلمي ەمدەۋگە تاباندى بولىپ، وزدەرىن ويداعىداي ساقتاپ - قورعاپ، ەمدەۋ، كۇتىمدەۋ، ساقتانۋ - تىزگىندەۋ، قامتاماسىز ەتۋ سياقتى قىزمەتتەردى جالپى بەتتىك ويداعىداي ىستەپ، گرۋپپا جىبەرىلگەن 3 شيپاحاناعا 2856 توسەك ورنالاستىرىپ، دياگنوزى تۇراقتانعان جالپى 7198 ناۋقاستى ەمدەۋگە الىپ، ەمدەۋ - قۇتقارۋ مىندەتىن تابىسپەن ورىنداپ، ”جەڭىستى شايقاس جۇرگىزۋدى، جۇعىمدالماۋدى“ جۇزەگە اسىردى. ارميانىڭ الدىڭعى شەپ ماماندار گرۋپپاسى شيپاحانانىڭ ىندەتتەن ساقتانۋ - تىزگىندەۋ جانە ەمدەۋ - قۇتقارۋ قىزمەتىنە جۇمىس باسىندا جەتەكشىلىك ەتىپ، جاڭا تەحنيكالاردى، جاڭا ەمدەۋ ءادىسىن بەلسەنە جالپىلاستىرىپ، جۇڭگوشا، باتىسشا شيپاگەرلىكتى ۇشتاستىرۋعا تاباندى بولىپ، وزگەشە ساۋىقتىرۋ جوباسىن العا قويىپ، جاسى ۇلعايعان ناۋقاستاردى جانە قاتەرلى، سالماقتى ناۋقاستاردى ەمدەۋ - قۇتقارۋدى كورنەكتىلەندىرە ويداعىداي ىستەپ، ەمدەۋگە الۋ مولشەرى مەن ەمدەپ ساۋىقتىرۋ مولشەرىن ءونىمدى جوعارىلاتتى، ءولۋ مولشەرىن ءونىمدى تومەندەتتى. ءبىرىنشى شەپتەگى عىلمي زەرتتەۋ ۇجىمى ۋاقىت ۇتا عىلمي زەرتتەۋدەن قامال الدى، زەرتتەلىپ - جاسالىپ قايتا ۇيىمداستىرىلعان جاڭا تيپتى ايدارشا ۆيرۋس ۆاكسيناسى كلينيكالىق زەرتتەۋدەن ءوتىپ، تىركەۋگە الىنىپ، ساراپتالىپ، رەسمي كلينيكالىق تاجىريبە جۇرگىزۋگە رۇقسات الىپ، كەزەڭدىك جەتىستىككە قول جەتكىزىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە ماڭىزدى ۇلەس قوستى. ارميانىڭ الدىڭعى شەپ قولباسشىلىق ەتۋ، سايكەستىرۋ گرۋپپاسى ءبىر تۇتاس جوسپارلاپ جەتەكشىلىك ەتۋدى كۇشەيتىپ، ءبىرىنشى شەپ ەمدەۋ - قۇتقارۋ قىزمەتىنىڭ جەدەل، جوعارى ءونىمدى اتقارىلۋىنا شىنايى كەپىلدىك ەتتى.
ۋحاننان اتتانار الدىندا، ارميانىڭ حۋبەيعا كومەككە بارعان ەمدەۋ اترەتى شيپاحانالاردىڭ، جاتىن ورىنداردىڭ ءتۇرلى كەرەك - جاراقتارىن دەن قويا رەتتەپ، ەمدەۋ قۇرىلعىلارىن ءسۇرتىپ، زارارسىزداندىرىپ، كاسىپتىك كۇشتەردى دەر كەزىندە سايكەستىرىپ تۇبەگەيلى زارارسىزداندىرۋ جۇرگىزدى ءارى زاتتىق ماتەريالداردى اداقتاۋ، ماتەريالداردى ارحيۆكە الۋ، شيپاحانانى تابىستاۋ سياقتى قىزمەتتەردى مۇقيات ىستەپ، حالىق ارمياسىنىڭ داڭقتى ءداستۇرى مەن تاماشا ستيلىن ۋحان سىندى وسى قاھارمان قالاعا قالدىردى. سونىمەن بىرگە، ىندەتتەن ساقتانۋ - تىزگىندەۋ كەزىندە ۋحان قالاسىنىڭ تۇرمىستىق زاتتىق ماتەريالدارىن تاسىمالداۋ، قامتاماسىز ەتۋ مىندەتىن ۇستىنە العان حۋبەيدا تۇراتىن اسكەري ءبولىمنىڭ ىندەتكە قارسى اتتانۋ تاسىمال كۇشىنىڭ كومەك كورسەتۋ اترەتى دە مىندەتتەرىن تابىسپەن ورىنداپ قايتتى.
