تيانشان تورى   ›   جاڭالىقتار   ›   وقۋ-اعارتۋ

شينجياڭ تەمىر جولى وقۋدى قالپىنا كەلتىرۋ ءۇشىن ارناۋلى پويەز جۇرگىزىپ، جوعارى مەكتەپ وقۋشىلارىنىڭ مەكتەپكە ورالۋىنا قولايلىلىق جاسادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى شۇي تاۋ ۇرىمجىدەن حابارلايدى. 4 - ايدىڭ 15 - كۇنى ساعات 22دەن 5 مينۋت وتكەندە، 670 ستۋدەنت 6725/K6728 رەتكى كەزەكشى پويەزگە وتىرىپ، قاشقار بەكەتىنەن اتتانىپ، قۇلجاعا قاراي جول الدى، جول بويى ءالى تالاي وقۋشى وسى ارناۋلى پويەزعا وتىرىپ مەكتەبىنە ورالىپ، ساباق باستايدى، بۇل جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ ىلە كاسىپتىك - تەحنيكالىق شۋەيۋانى ءۇشىن جۇرگىزگەن وقۋشىلار ارناۋلى پويەزى، جەر - جەردەگى وقۋشىلاردىڭ امان - ەسەن، ءساتتى تۇردە مەكتەپكە ورالىپ ساباق باستاۋىن دەمەيدى.

  جۋىردا رايونىمىزداعى جوعارى مەكتەپتەر ىركەس - تىركەس وقۋدى قالپىنا كەلتىرە باستادى، شينجياڭ تەمىر جولى الدىڭعى مەرزىمدە تۇڭعىش كەزەكتە حوتاننان كۇيتۇنگە باراتىن 6725/K6728 كەزەكتى وقۋشىلار ارناۋلى پويەزىن جۇرگىزىپ، 1324 وقۋشىنى مەكتەپكە جەتكىزگەن بولاتىن.

  ىندەت كەزىندە وقۋشىلاردىڭ دەر كەزىندە مەكتەپكە حاۋىپسىز ورالۋىنا شىنايى كەپىلدىك ەتۋ ءۇشىن، شينجياڭ تەمىر جولى شينجياڭداعى ءارقايسى جوعارى مەكتەپتەردىڭ وقۋدى قالپىنا كەلتىرۋ ۋاقىتىنا ءجىتى نازار اۋدارىپ، تاسىمال قۋاتىن تىڭعىلىقتى ورنالاستىرىپ، وقۋى باستالاتىن وقۋشىلاردىڭ مەكتەپكە ورالۋ قىزمەتىن بەلسەنە جاقسى ىستەدى. وقۋدى قالپىنا كەلتىرۋ ارناۋلى پويەزىنداعى وقۋشىلاردىڭ پويەزعا شىعۋ ورنى جول بويىنداعى 10 نەشە جولاۋشى تاسىمالى بەكەتىنە بىتىراي ورنالاستىرىلدى، ءاربىر جولاۋشى تاسىمالى بەكەتى ارناۋلى پويەزعا تۇسەتىن وقۋشىلار ءۇشىن ارناۋلى ادام بايلانىس جاساۋ، ارناۋلى تەرەزەدەن بەلەت الۋ، ارناۋلى وتكەل، ارناۋلى اۋماقتا كولىك كۇتۋ، ارناۋلى ادام جەتەكشىلىك ەتۋ سياقتى ”5 ارناۋلى قىزمەت وتەۋمەن“ قامدادى. سونىمەن بىرگە، بەكەتكە كىرەتىن وقۋشىلاردىڭ دەنە تەمپەراتۋراسىن ولشەۋدى، بەكەتتەردى زارارسىزداندىرۋدى جاقسى ىستەۋدى، وقۋشىلاردى تارتىپپەن كولىككە تۇسۋگە ۇيىمداستىرۋدى اناعۇرلىم كۇشەيتتى.

  پويەز قاتىناۋ بارىسىندا، پويەز قىزمەتكەرلەرى ءار 2 ساعاتتا ءبىر رەت جولاۋشى وقۋشىلاردىڭ دەنە تەمپەراتۋراسىن ولشەدى، سونداي - اق پويەزدى زارارسىزداندىرۋ، اۋا الماستىرۋ جانە تازالىق قىزمەتتەرىن ويداعىداي ىستەدى.

  ”وقۋشىلار ارناۋلى پويەزىنا وتىرىپ، مەكتەپكە ورالىپ وقۋ باستايتىندىعىمىزعا مەن جانە ساباقتاستارىم تۇگەل قاباعات قۋاندىق، مەكتەپكە بارعان سوڭ، ۇيرەنۋدى مىقتى ۇستاپ، ۋاقىتتى ۇتامىن“، - دەدى وقۋشى يۇلتۇز ابدۇرەيىم.

  4 - ايدىڭ 18 - كۇنى شينجياڭ تەمىر جولى تاعى دا حوتاننان قۇلجاعا باراتىن باعىتتاعى وقۋدى قالپىنا كەلتىرۋ ارناۋلى پويەزىن ۇزدىكسىز جۇرگىزىپ، ىلە كاسىپتىك - تەحنيكالىق شۋەيۋانى وقۋشىلارىنىڭ مەكتەپكە ءساتتى ورالۋىنا كومەكتەسەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى