شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ شييا، ەرىكتى ءتىلشى يە سۇي، ياڭ جيڭ - ي 4 - ايدىڭ 16 - كۇنى ۇرىمجىدەن حابارلايدى. رايونىمىزدىڭ جەر - جەرى كۇندەلىكتى وقۋ - وقىتۋدى باسقارۋ جانە ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي جاقسى ىستەۋمەن بىرگە، وقۋ - اعارتۋ ءتۇيىندى نىساندارىنىڭ جۇمىس باستاۋىن قاتاڭ بەلگىلەمە بويىنشا مەرزىمگە، توپقا ءبولىپ ىلگەرىلەتىپ، 2020 - جىلعى وقۋ - اعارتۋ سالاسىنداعى ينجەنەريالىق نىساندارىنىڭ اتقارىلۋ اياق الىسىنا شىنايى كەپىلدىك ەتتى.
4 - ايدىڭ 14 - كۇنى قۇلجا قالالىق 18 - ورتا مەكتەپتى كەڭەيتۋ نىسانىنىڭ قۇرىلىس ورنىندا جۇمسشىلار 1 - قاباتتىڭ تۇلعالىق قۇرىلىسىن سالۋ جۇمىسىن قاۋىرت جۇرگىزىپ جاتىپتى. ىلە قازاق اۆتونوميالى وبلىسى تۇڭچىڭ قۇرىلىس ينجەنەرياسى شەكتى جاۋاپكەرشىلىك سەرىكتەستىگىنىڭ جۇمىس باسى تەحنيكاسىنا جاۋاپتى ادامى وۋ جيانيۇڭ ىندەتتەن ساقتانۋ قىزمەتىن ويداعىداي ىستەۋ العى شارتىندا، سەرىكتەستىكتىڭ جۇمىسشى - قىزمەتشىلەردى ساپاعا كەپىلدىك ەتۋگە، اياق الىستى تەزدەتۋگە ۇيىمداستىرعاندىعىن ايتتى. قازىر 30 نەشە جۇمىسشى جۇمىس ورنىنا كەلگەن، سوڭىنا الا ءتىپتى دە كوپ جۇمىسشى اكەلىپ، ساپاعا، سانعا كەپىلدىك ەتە وتىرىپ، نىسان قۇرىلىسىن 7 - ايدىڭ اياعىندا ورىنداپ بولۋعا كۇش سالادى ەكەن.
ۇعىسۋعا قاراعاندا، بيىل قۇلجا قالاسىنىڭ وقۋ - اعارتۋ جۇيەسى جيىنى 17 نىساندى جاڭادان جانە جالعاستىرىپ سالادى ەكەن، جالپى 180 ميلليون يۋان قارجى قوسىلعان، قازىر جالعاستى سالىناتىن نىساندار جاپپاي جۇمىس باستاعان، جاڭادان سالىناتىن نىساندار دا ىركەس - تىركەس جۇمىس باستاۋدا ەكەن.
”جالپى 12 ميلليون 500 مىڭ يۋان قارجى قوسىلعان قۇمىل قالالىق 1 - ورتا مەكتەپتىڭ وقۋشىلار جاتاعى عيماراتىنىڭ نەگىزدىك قۇرىلعىلار قۇرىلىسى جانە جابدىقتار ساتىپ الۋ نىسانى قازىر جابدىقتاردى ورناتۋدا؛ 12 ميلليون 500 مىڭ يۋان قارجى قوسىلعان قۇمىل قالالىق 2 - ورتا مەكتەپتىڭ 3 - مەرزىمدىك قۇرىلىس نىسانىنىڭ جاڭادان سالىنعان جاۋىن - شاشىننان تاسالانۋ الاڭىنىڭ جابدىقتارىن ساتىپ الۋ، مەكتەپ اۋلاسىنىڭ كوپ مەديالى جابدىقتارىن ساتىپ الۋ جۇمىسى بيىل ءتۇيىندى تۇردە ورىندالادى“. قۇمىل قالالىق وقۋ - اعارتۋ مەكەمەسى جوسپار - قازىنا ءبولىمىنىڭ جاۋاپتىسى ما فۋچياڭ بيىل قۇمىل قالاسى وقۋ اعارتۋ جۇيەسى جاڭادان 21 نىسان سالاتىندىعىن، قازىر ءبىر ءبولىم نىساندار الدەقاشان جۇمىس باستاعاندىعىن تانىستىردى.
قۇمىل قالاسىنداعى ورتا - باستاۋىش مەكتەپتەردىڭ وقىتۋ شارت - جاعدايىن اناعۇرلىم جوعارىلاتۋ، تەز ارادا ونىمدىلىگىن ساۋلەلەندىرۋ ءۇشىن، قۇمىل قالالىق وقۋ - اعارتۋ مەكەمەسى ينجەنەريا نىساندارىنىڭ تەز ارادا جۇمىس باستاۋىن بەلسەندىلىكپەن ىلگەرىلەتتى. 4 - ايدىڭ باسىنا دەيىن، وقۋ - اعارتۋ سالاسىنداعى جۇمىس باستاعان نىساندار 18 بولىپ، جۇمىس باستاۋ مولشەرى ％100كە جەتكەن، 34 مەكتەپتى قامتىعان.
اقسۋ قالاسىنىڭ ءتۇرلى وقۋ - وقىتۋ نىساندارى دا ورنىقتى ىلگەرىلەۋدە. بيىل اقسۋ قالاسىنىڭ تۇراقتى مۇلىكتەرگە قارجى قوسۋ ىستەرى تۇرىندەگى 13 وقۋ - وقىتۋ نىسانى 3 - ايدىڭ ورتاسىندا مەردىگەرلىككە شاقىرۋدى ورىنداپ بولىپ، قۇرىلىس باستاۋ ساتىسىنا كىرگەن، بيىل قۇرىلىستى اياقتاتىپ، پايدالانۋعا بەرۋ جوسپارلانعان. ۇعىسۋعا قاراعاندا، قالاعا قاراستى ءتۇيىندى حالىق تۇرمىسى نىسانى بولعان، جالپى 400 ميلليون يۋان قارجى قوسىلعان، قۇرىلىس مازمۇنى جاڭادان سالىناتىن وقىتۋ عيماراتى، وقۋشىلار جاتاعى عيماراتى، اسحانا، دارەتحانا، مونشاحانا، دەنە تاربيە الاڭى جانە قوسىمشا قۇرىلىس سياقتىلاردى قامتىعان قۇرىلىستار پايدالانۋعا بەرىلگەننەن كەيىن، اقسۋ قالاسىنىڭ مىندەتتى وقۋ - اعارتۋ مەكتەپتەرىنىڭ وقىتۋ شارت - جاعدايىن ءونىمدى جاقسارتىپ، مىندەتتى وقۋ - اعارتۋدىڭ بەكەمدەلۋ مولشەرى مەن قالا - اۋىلدىڭ ءبىر تۇلعالانىپ تەپە - تەڭ دامۋ ورەسىن اناعۇرلىم جوعارىلاتادى ەكەن.
