تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”الاقانداي جەر“ ”كىرىستى ارتتىراتىن باقشاعا“ اينالدى

حوتاندا 410 مىڭ ەگىنشى وتباسى اۋلا شارۋاشىلىعىنا سۇيەنىپ، وتباسىنىڭ جىلدىق ورتاشا كىرىسىن 1000 يۋان ارتتىرۋعا قۇلشىنۋدا

  شينجياڭ گازەتىنىڭ جالپىلىق اقپارات قۇرالدارى تىلشىلەرى پاريزات ابدۇل، سۇڭ يا - ۋىن 4 - ايدىڭ 16 - كۇنى حوتاننان حابارلايدى. ءوز اۋلاسىنداعى شاعىن دوعاشا لاپاس ىشىندەگى شومىر مايساسىن كورگەن حايىرنيسا احىمەتتوحتى قاباعات قۋاندى، ”بىلتىر تەك شاعىن دوعاشا لاپاستىڭ وزىنەن كىرىسىم 1200 يۋان ارتتى، مۇنى بۇرىن ويلاپ تا كورمەگەن ەدىم“، - دەدى 4 - ايدىڭ 14 - كۇنى قاراقاش اۋدانى ۇرچى اۋىلى بازاربويى قىستاعىنىڭ تۇرعىنى حايىرنيسا.

  حوتان ايماعىندا جان باسىنا تۋرا كەلەتىن ەگىستىك جەر ءبىر مۋعا جەتپەيدى، بۇرىن جەرگىلىكتى ەگىنشىلەردىڭ اۋلادان پايدالانۋ سالىستىرماسى %30كە جەتپەيتىن. كەدەي بۇقارانىڭ كىرىستەرىن ارتتىرۋىنا جاڭا جول اشۋ ءۇشىن، 2017 - جىلدان باستاپ، حوتان ايماعى اۋلانىڭ ءىشى - سىرتىنداعى، ءۇيدىڭ الدى - ارتىنداعى، تۇرعىن ءۇيدىڭ ماڭىنداعى ”الاقانداي جەردەن“ پايدالانىپ، ”شاعىن دوعاشا لاپاس، شاعىن باقتاشىلىق“ سياقتى اۋلا شارۋاشىلىعىن دامىتىپ، ەگىنشىلەردىڭ كىرىستەرىن ءۇرتىس، ورنىقتى ارتتىرۋىنا كومەكتەستى.

  ”تاعى 10 نەشە كۇندە، شومىر بازارعا شىعارىلادى، ونان كەيىن مەن بۇرىش ەگەمىن، ءبىر جىلدا 3 − 4 مارتە ەگە الامىن، ءوزىمىز جەپ تاۋىسا الماعان كوكونىستەردى ساتىپ، اقشاعا اينالدىرۋىما بولادى“، قازىرگى تاڭداعى وزگەرىستەردى حايىرنيسا اۋىز جاپپاي القادى.

  تاياۋ جىلداردان بەرى، حوتان ايماعى ”ەگىن شارۋاشىلىعىنا ۇيلەسسە ەگىن شارۋاشىلىعىمەن اينالىسۋ، باعىمشىلىققا ۇيلەسسە باعىمشىلىقپەن اينالىسۋ، مانەرلەۋ كاسىبىنە ۇيلەسسە مانەرلەۋ كاسىبىمەن اينالىسۋ، ساۋداعا ۇيلەسسە ساۋدامەن اينالىسۋ“ پرينسيبىنە بويسۇنىپ، كەدەي بۇقارانىڭ اۋلا ورنالاستىرۋىن ويداعىداي جوسپارلاۋىنا كومەكتەسىپ، ولارعا ەگىمشىلىك تەحنيكاسى مەن باسقارۋ ءادىسىن ۇيرەتتى. جەرگىلىكتى ورىن ”ءبىر قىستاقتا ءبىر ءونىم بولۋ“ وي جەلىسىنە ساي، ءارقايسى قىستاقتى بۇرىش، شومىر، قاۋىن - قاربىز، ءلايلى گۇل سياقتى ەكونوميكالىق قۇنى ءبىرشاما جوعارى ەگىس داقىلدارىن ەگۋگە جەتەكتەپ، اۋلا شارۋاشىلىعىنىڭ ەكونوميكالىق ونىمدىلىگىن جوعارىلاتىپ، ەگىنشىلەردىڭ كىرىسىن ارتتىرۋ ارناسىن اناعۇرلىم كەڭەيتتى.

  ”بۇگىنگى تاڭدا، اۋىلىمىزدا ’شاعىن كولەم، ۇلكەن شوعىر، شاعىن ءونىم، ۇلكەن كاسىپ سالاسى‘ دامۋ جۇلگەسى العاشقى قادامدا قالىپتاستى، ءاربىر قىستاقتاعى ەگىنشى وتباسىلارى اۋلاسىنىڭ وزىندىك ەرەكشەلىگى، ءاربىر قىستاقتىڭ بارلىعىندا وزدەرى باستى ەگەتىن كوكونىس سورتى بار بولىپ، ۇتىمدى اينالمالى دامۋدى قالىپتاستىردى“، - دەدى ۇرچى اۋىلىنىڭ باستىعى قايرات جۇماحۇن.

  شاعىن اۋلا مول كىرىسپەن ساباقتاستى. حوتان ايماعىندا اۋلا شارۋاشىلىعىنىڭ ەگىنشىلەردىڭ كىرىستەرىن ارتتىرۋعا دەم بەرۋ ونىمدىلىگى اناعۇرلىم كورنەكتىلەنە ءتۇستى.

  حوتان اۋدانى باقچي قالاشىعى يۇڭ - ان قىستاعىنىڭ تۇرعىنى يمىت يمامنياز حوتان ايماعىنداعى كوپتەگەن اۋلا شارۋاشىلىعىن دامىتۋدىڭ يگىلىگىنە كەنەلگەندەردىڭ ءبىرى. ول تىلشىگە بۇرىندارى ونىڭ اۋلا جوباسىنىڭ ۇيلەسىمدى بولماعاندىعىن، اۋلاداعى جەردىڭ بوس جاتقاندىعىن، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ كومەگىندە، اۋلادا تاۋىق باعا باستاعاندىعىن ايتتى. ”30 نەشە تاۋىق باقتىم، جىل باسىنان قازىرگە دەيىن، تەك جۇمىرتقا ساتۋدىڭ وزىنەن 750 يۋان كىرىس كىرگىزدىم“، - دەدى يمىت قۋانا.

  قازىرگە دەيىن، حوتان ايماعىندا 410 مىڭ ەگىنشى وتباسى اۋلاسىن جاڭالاپ، ۇيلەرىنىڭ الدى - ارتىنداعى جەردەن 200 مىڭ مۋ جەردى رەتتەدى. مىنە وسىلايشا ىلگەرتىندە ەشكىم نازار سالمايتىن ءۇيدىڭ الدى - ارتىنداعى ”الاقانداي جەر“ ”كىرىستى ارتتىراتىن باقشاعا“ اينالدى.

  ”ەندىگى جەردە، ءبىز ’ءبىر قىستاق، ءبىر كاسىپ سالاسى، ءبىر وتباسى، ءبىر اۋلا‘ نىساناسىن ارقاۋ ەتىپ، 2020 - جىلى اۋلا كوكونىسى ەگىلگەن جەردى 100 مىڭ مۋعا جەتكىزۋگە كۇش سالامىز“. حوتان ايماقتىق اۋىل شارۋاشىلىعى، اۋىل - قىستاق مەكەمەسىنىڭ تەكسەرۋ - زەرتتەۋشى قىزمەتكەرى لي فۋحوۋ بىلاي دەدى: ”ءبىز الدا اۋلا شارۋاشىلىعىنىڭ كومەسكى كۇشىن اناعۇرلىم ساۋلەلەندىرىپ، ءاربىر اۋلادان تۇسەتىن جىلدىق كىرىستى 1000 يۋان ارتتىرۋ نىساناسىن جۇزەگە اسىرۋعا قۇلشىنامىز“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى