شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 16 - كۇنى كەشتە رەسەيدىڭ زۇڭتۇڭى پۋتينمەن تەلەفوندا سويلەستى.
شي جينپيڭ مىنالاردى اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋى ىندەتى بۇكىل الەمگە تارالىپ، ءار ەل تۇگەلدەي ىندەتكە قارسى اتتانۋدىڭ جاپالى مىندەتىنە ءدوپ كەلدى. ءبىز ءبىر ايدا 2 رەت تەلەفوندا سويلەسىپ، ىندەتتەن ساقتانۋ - تىزگىندەۋ سەلبەستىگىن جاقسى ورىستەتۋ جونىندە اۋىس - كۇيىس، سەلبەستىك جاساپ، جۇڭگو مەن رەسەي قارىم - قاتىناسىنىڭ جوعارى ورەسىن تاعى ءبىر رەت ايگىلەدىك. ءسىز ىندەتكە قارسى اتتانۋ قىزمەتىنە تىكەلەي ورنالاستىرۋ جاساپ جانە قولباسشىلىق ەتىپ، ءبىر سىپىرا پارمەندى ساقتانۋ - تىزگىندەۋ شارالارىن العا قويدىڭىز. ءبىز رەسەي جاقتىڭ ءسىزدىڭ پارمەندى باسشىلىعىڭىزدا، ءسوز جوق، ىندەتتىڭ تارالۋىن تەز ارادا تىزگىندەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتىپ، ەكونوميكانىڭ، قوعامنىڭ دامۋىن قالپىنا كەلتىرەتىندىگىنە سەنەمىز.
شي جينپيڭ مىنالاردى باسا دارىپتەدى: جۇڭگو مەن رەسەيدىڭ تاۋ - وزەنى جالعاسقان، ەكى ەل حالقىنىڭ جۇرەكتەرى توعىسقان. جۇڭگو جاق ىندەتكە قارسى اتتانۋدىڭ توتەنشە قيىنشىلىق قىسپاعىندا تۇرعان كەزدە، رەسەي جاق زور كۇشپەن كومەك جاسادى، بۇنى ءبىز ەسىمىزدە بەرىك ساقتايمىز. سوڭعى كۇندەرى، جۇڭگو ۇكىمەتى جىبەرگەن ەمدەۋ ماماندار گرۋپپاسى ماسكەۋدە بەلسەنە قىزمەت ورىستەتىپ، رەسەي جاقپەن اۋىس - كۇيىس جاساپ، ىندەتكە قارسى اتتانۋ تاجىريبەلەرىن ورتاق پايدالانۋدا. جۇڭگو جاق رەسەي جاققا ءبىر قىدىرۋ كومەك كورسەتتى، سونداي - اق رەسەي جاقتىڭ جۇڭگودان ىندەتكە قارسى اتتانۋ مەديتسينالىق زاتتىق ماتەريالدارىن ساتىپ الۋىنا بەلسەنە سايكەستى. جۇڭگو جاق رەسەي جاققا ۇزدىكسىز تاباندى قولداۋ كورسەتەدى. رەسەي جاقتىڭ رەسەيدەگى جۇڭگو ازاماتتارىنا ىستەگەن بەلسەندى قىزمەتىنە العىس ايتامىز. رەسەي جاقتىڭ جۇڭگو ازاماتتارىنىڭ رەسەيدە قالىپتى قىزمەت ىستەپ، تۇرمىس كەشىرۋىن بۇرىنعىداي قامتاماسىز ەتەتىندىگىنە سەنەمىز. شي جينپيڭ مىنالاردى باسا دارىپتەدى: ىندەتتى ساياسيلاندىرۋ، بىرەۋگە تاۋەلدەۋ حالىقارالىق سەلبەستىككە ءتيىمسىز، جۇڭگو مەن رەسەي قول ۇستاسا سەلبەسىپ، الەمدىك دەنساۋلىق ساقتاۋ ىستەرىنىڭ حاۋىپسىزدىگىن بىرگە قورعاۋى ءتيىس.
شي جينپيڭ مىنالاردى باسا دارىپتەدى: بيىل 1 - توقساندا جۇڭگو مەن رەسەيدىڭ ەكى جاقتى ساۋدا سوماسى سايكەس مەزگىلدەگىدەن ％3.4 ارتتى، بۇل دۇنيە ءجۇزى ەكونوميكاسى تۇتاس تۇلعالىق جاقتان باسەڭدەگەن جاعدايدا ىستەلگەن تارتىمدى ءىس. جۇڭگو مەن رەسەي ەكى جاق ىندەتتەن ساقتانۋ - تىزگىندەۋدى ۇدايىلاندىرۋ بارىسىندا يكەمدى، كوپ ءتۇرلى جاڭا سەلبەستىك تاسىلدەرىن قولدانۋدى تالقىلاپ، ەكى جاقتى سەلبەستىكتىڭ ۇزدىكسىز دامۋىن ىلگەرىلەتۋى كەرەك. ىندەت تاجىريبەلەرى ارقىلى جۇڭگو مەن رەسەيدىڭ ستراتەگيالىق سەلبەستىگى اناعۇرلىم بەرىك تە قۋاتتى بولىپ، ەكى ەل حالىقتارى دوستىعىنىڭ، ءسوز جوق، ۋاقىت ۇزارعان سايىن بەكەمدەلە تۇسەتىندىگىنە سەنەمىن.
پۋتين مىنالاردى ءبىلدىردى: جۇڭگو ۇكىمەتى مەن جۇڭگو حالقى ءبىر نيەتپەن ىنتىماقتاسىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعىندا ماڭىزدى ناتيجەگە قول جەتكىزدى، سونداي - اق دۇنيە جۇزىندەگى كوپتەگەن ەلدەردىڭ ىندەتكە قارسى اتتانۋىنا قولداۋ كورسەتتى جانە كومەكتەستى. ىندەت تۋىلعاننان بەرى، رەسەي مەن جۇڭگو ەكى ەل باستان - اياق ىنتىماقتاسىپ، سەلبەسىپ، ءوزارا قولداۋ كورسەتىپ، رەسەي - جۇڭگو قارىم - قاتىناسىنىڭ ستراتەگيالىق سيپاتى مەن جوعارى ورەسىن ايگىلەدى. كەيبىرەۋلەردىڭ ىندەتتىڭ قاينارى ماسەلەسىندە جۇڭگوعا كۇيە جاعۋعا ۇرىنعان قىلىعىن قۇپتامايمىز. رەسەي جاق جۇڭگو جاقپەن بىرگە ىندەتكە قارسى اتتانۋ سياقتى ءتۇرلى سالادا اۋىس - كۇيىستى، سەلبەستىكتى ۇزدىكسىز كۇشەيتىپ، بىرلەسكەن مەملەكەتتەر ۇيىمى سياقتى جۇلگەدە ءجيى بايلانىس جاساپ، سايكەسۋدى قالايدى.
ەكى ەلدىڭ مەملەكەت باسشىلارى يكەمدى، كوپ ءتۇرلى تاسىلدەرمەن ۇزدىكسىز ءجيى بارىس - كەلىس جاساپ تۇرۋعا قوسىلدى.
