شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 17 - كۇنى جۇڭگو ۇكىمەتىنىڭ پاكيستانعا كومەككە بارعان ىندەتكە قارسى ەمدەۋ ماماندار گرۋپپاسىنداعى 8 ادام بەلگىلەنگەن مىندەتتى تابىسپەن ورىنداپ، جالعا العان ۇشاقپەن جۇڭگوعا قايتىپ، سول كۇنى ساعات 20دان 45 مينۋت وتكەندە ءۇرىمجى ديوپۋ حالىقارالىق اۋەجايىنا جەتتى.
3 - ايدىڭ 28 - كۇنىنەن 4 - ايدىڭ 16 - كۇنىنە دەيىن ەمدەۋ ماماندار گرۋپپاسى ىلگەرىندى - كەيىندى پاكيستاننىڭ استاناسى ءىسلامابادقا، پەنجاپ ولكەسىنىڭ لاحور قالاسىنا، سيند ولكەسىنىڭ كاراچي قالاسىنا بارىپ، جەكە - جەكە فەدەراتسيالىق ۇكىمەتپەن، ارميا جاعىمەن، مەملەكەتتىك دەنساۋلىق ساقتاۋ ورتالىعىمەن، جەرگىلىكتى دەنساۋلىق ساقتاۋ اكىمشىلىك تاراۋلارىمەن، شيپاحانالارمەن جانە مەديتسينا شۋەيۋاندارىمەن، قىزىل جاڭا اي قوعامىمەن كاسىپتىك اۋىس - كۇيىس جاساسىپ، تالاي رەت بەينەەكران ءماجىلىسىن اشىپ، جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ، كلينيكالىق ەمدەۋ، عىلمي ساقتانۋ - تىزگىندەۋ، تارالعىش اۋرۋلاردى زەرتتەۋ، سالماقتى اۋرۋلاردى قۇتقارۋ - ەمدەۋ جانە جۇڭگوشا ءدارى - دارمەكتەردەن پايدالانۋ، شيپاحانادا جۇعىمدالۋدان ساقتانۋ - قورعانۋ، تاجىريبەحانادا تەكسەرۋ، فاڭساڭ شيپاحاناسى قۇرىلىسى سياقتىلار جونىندە اۋىس - كۇيىس جاساستى ءارى تىڭعىلىقتى قىزمەت ارقىلى پاكيستان جاققا كوپ تۇردە شىنايى اتقارىلاتىن ناقتى ۇسىنىستار بەرىپ، جۇڭگونىڭ ىندەتكە قارسى اتتانۋ تاجىريبەلەرىن ورتاق پايدالاندى.
ماماندار گرۋپپاسى تاعى پاكيستاننىڭ ەمدەۋ قىزمەتكەرلەرىنە جەكەلىك ساقتانۋ - قورعانۋ، تاجىريبەحانادا تەكسەرۋ، سالماقتى اۋرۋلاردى جانە قاتەرلى اۋرۋلاردى ەمدەۋ، ت.ب جاعىندا باۋلۋ جۇرگىزىپ، پاكيستاننىڭ «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ دياگنوز قويۋ - ەمدەۋ باعدارناماسىن» كەمەلدەندىرۋىنە جاردەمدەسىپ، پاكيستاننىڭ ىندەتتەن ساقتانۋ - تىزگىندەۋ جۇيەسى قۇرىلىسىن ۇزدىكسىز كەمەلدەندىرۋىنە، سارالاپ تەكسەرۋ قابىلەتىن جوعارىلاتۋىنا، ت.ب ءونىمدى كومەكتەستى. سونىمەن بىرگە، ماماندار گرۋپپاسى ەلىمىزدىڭ پاكيستاندا تۇراتىن ەلشىحاناسىنا، جۇڭگو قارجىلاندىرعان كاسىپورىندارعا، حۋارىن، حۋاچياۋلارعا جانە ەلىمىزدىڭ پاكيستاندا وقىپ جاتقان وقۋشىلارىنا، ت. ب ىندەتتەن ساقتانۋ جونىندە جەتەكشىلىك ەتتى جانە عىلىم جالپىلاستىرۋ ۇگىت - تاربيەسىن جۇرگىزدى.
پاكسيتانداعى كەزدە ماماندار گرۋپپاسى 21 مايدان ءماجىلىس اشىپ، 14 مايدان (رەت) باۋلۋ جۇرگىزىپ، 134 رەت تەحنيكالىق جاقتان جەتەكشىلىك ەتىپ، ءىس جۇزىندىك ارەكەتى ارقىلى جۇڭگو مەن پاكيستاننىڭ قۇرىشتاي بەرىك دوستىق سۇيىسپەنشىلىگىن تەرەڭدەتىپ، پاكيستانمەن قول ۇستاسا وتىرىپ جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانۋعا كورنەكتى ۇلەس قوسىپ، پاكيستانداعى ءار سالا قايراتكەرلەرىنىڭ جاپپاي القاۋىنا يە بولدى. پاكيستاننىڭ زۇڭتۇڭى الۆي ەمدەۋ ماماندار گرۋپپاسىنداعىلارمەن كەزدەسكەندە مىنالاردى ءبىلدىردى: جۇڭگو جاقتىڭ پاكيستان جاققا قىرۋار ىندەتكە قارسى اتتانۋ زاتتىق ماتەريالدارىن كومەككە بەرگەندىگىنە ءارى ماماندار گرۋپپاسىن پاكيستانعا ىندەتكە قارسى اتتانۋ قىزمەتىنە كومەكتەسۋگە، جەتەكشىلىك ەتۋگە جىبەرگەندىگىنە العىس ايتامىز، بۇل جۇڭگو مەن پاكيستاننىڭ تۇتاس بارىستىق ستراتەگيالىق سەلبەستىك سەرىكتەستىك قارىم - قاتىناسىن جانە ۇزاق سىننان وتكەن تەرەڭ دوستىق سۇيىسپەنشىلىگىن تولىق ايگىلەدى. پاكيستان جاق جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ شارالارىن القايدى، جۇڭگونىڭ تاجىريبەلەرى پاكيستان جاقتىڭ ىندەتتى جەڭۋىنە كومەگى تيەدى.
