تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ ءتۇيىندى حالىق تۇرمىسى نىساندارى جەدەل قۇرىلۋدا

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 4 - ايدىڭ 17 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، اۆتونوميالى رايون ”فاكتورلار نىساندارعا ىلەسۋگە“ تاباندى بولىپ، نىسانداردى العاشقى مەرزىمدىك ىلگەرىلەتۋ بارىسىنداعى جوبا بويىنشا جەر تاڭداۋ، جەردەن پايدالانۋ، قورشاعان ورتانى باعالاۋ، ورمان، جايلىم، سۋ - توپىراقتى ساقتاۋ سياقتىلارعا قاتىستى ماسەلەلەردى كۇش سالا شەشىپ، ءتۇيىندى حالىق تۇرمىسى نىساندارىنىڭ جۇمىستى قالپىنا كەلتىرىپ قۇرىلىس جۇرگىزۋىن بار كۇشپەن ىلگەرىلەتتى.

  4 - ايدىڭ 17 - كۇنى ءۇرىمجى قالاسى شۇيموگوۋ رايونى حۇڭگۋاڭشان كورمە اۋماعىنا ورنالاسقان ءۇرىمجى قالالىق اۋىز قۋىسى شيپاحاناسى قۇرىلىسى نىسانى تۇسكەن جەردە باستارىنا حاۋىپسىزدىك قالپاعىن كيىپ، ماسكى تارتقان جۇمىسشىلار تارتىپپەن جۇمىس ىستەۋدە. بيىل نىساندا، باستىسى، جالپى تۇلعالىق قۇرىلىم بويىنشا جۇمىس جۇرگىزىلىپ، كەلەر جىلدىڭ سوڭىندا ىسكە قوسىلىپ پايدالانۋعا بەرىلەدى دەپ جوسپارلانۋدا.

  وسى شيپاحانانىڭ باستىعى نيە بين بىلاي دەپ تانىستىردى: نىساننىڭ جالپى قۇرىلىس اۋماعى 65 مىڭ شارشى مەتر، مۇندا ءتىس اۋرۋلارى ءبولىمى ورىندىعىنان 260ىن، اۋرۋ توسەگىنەن 100ىن ورنالاستىرىپ، تۇتاس رايونداعى ەڭ تاڭداۋلى ەمدەۋ، وقىتۋ، عىلمي زەرتتەۋ، الدىن الۋ، سالاماتتىق ءبىر تۇلعالانعان 3A دارەجەلى اۋىز قۋىسى ارناۋلى ماماندىعى شيپاحاناسى سالىنادى. سالىنىپ بولعان سوڭ، ءۇرىمجى قالاسىنداعى ءار ۇلت بۇقاراسىنىڭ اۋىز قۋىسى سالاماتتىعى اناعۇرلىم پارمەندى قامتاماسىز ەتىلەدى.

  وسىمەن ءبىر ۋاقىتتا، ءۇرىمجى قالاسى لياڭحى جولى قالا اكىمشىلىگى ينجەنەرياسى، ءۇرىمجى قالاسى لياڭحى اۋماعىنىڭ جانە 1 - ءنومىرلى تۇعىرمەن تۇتاساتىن جول قۇرىلىسى نىسانى دا قاۋىرت جۇمىس جۇرگىزىپ جاتتى.

  ءۇرىمجى قالاسىنداعى حالىق تۇرمىسى نىساندارىنىڭ جەدەل ىلگەرىلەتىلۋى اۆتونوميالى رايوننىڭ حالىق تۇرمىسى ينجەنەرياسى قۇرىلىسىن مىقتاپ يگەرگەندىگىنىڭ ىقشام كورىنىسى. بيىل اۆتونوميالى رايون حالىق تۇرمىسى تۇرىنە ساياتىن جالپى 88 ءتۇيىندى نىسان ورنالاستىردى، بۇعان جالپى 167 ميلليارد 700 ميلليون يۋان قارجى قوسىلادى، وسى جىلدا 53 ميلليارد يۋان قارجى قوسىلاتىنى جوسپارلانىپ وتىر. مۇنىڭ ىشىندە عىلىم - تەحنيكا، وقۋ - اعارتۋ نىساندارىندا جۇندۇڭ ەكونوميكالىق - تەحنيكالىق اشۋ رايونى كاسىپتىك وقۋ - اعارتۋ عيماراتى، شينجياڭ عىلىم - تەحنيكا شۋەيۋانى، شينجياڭ جاراتىلىستىق عىلىمدار شۋەيۋانىن، اقسۋ وقۋ - اعارتۋ شۋەيۋانىن كوشىرۋ قۇرىلىسى سياقتى نىساندار قامتىلادى؛ مادەنيەت - ساياحات نىساندارى كوكتوعاي قىزىل تاربيە بازاسى، كۇسان مادەنيەتى جاسامپازدىعى شاعىن قالاشىعى قۇرىلىسىنىڭ 1 - مەرزىمى، باعراش اۋدانى تۇتاس وڭىرلىك ساياحات نەگىزگى قۇرىلعىلارىنىڭ دەڭگەيىن جوعارىلاتۋ ينجەنەرياسى (2 - مەرزىمى) سياقتى نىساندار قامتىلادى؛ دەنساۋلىق ساقتاۋ، دەنە تاربيە نىساندارىندا شينجياڭ مەديتسينا داشۋەسىنە قاراستى 7 - شيپاحاناسىنىڭ امبولاتوريا، مەديتسينالىق تەحنيكا، بالنيتسا ۋنيۆەرسال عيماراتى، قاشقار جۇڭگوشا دارىگەرلىك شيپاحاناسى (ۋنيۆەرسال شيپاحانا) سياقتى نىساندار بار؛ ەكولوگيالىق قورشاعان ورتا نىساندارىندا ۇلىڭگىر كولىن اينالدىرا جاسىلداندىرۋ، شينجياڭ 2020 - جىلعى ءتۇيىندى كومىر الاپتارىندا ورتەنىپ جاتقان وڭىرلەردە ءورت ءسوندىرۋ ينجەنەرياسى، 2020 - جىلى ءتۇيىندى ىقتاسىن ورمانى ينجەنەرياسى سياقتى نىساندار بار؛ قالا - قالاشىق قۇرىلىسى نىساندارىندا ازيا وركەندەتۋ بانكەسىنىڭ قارىز اقشاسىمەن سالىناتىن سانجى وبلىسى قالا - اۋىلداردىڭ نەگىزدىك قۇرىلعى قۇرىلىسىن ءبىر تۇتاس جوسپارلاۋدان ۇلگى كورسەتۋ نىسانى، بايىرعى، كونە شاعىن اۋماقتاردى جاڭالاۋ ينجەنەرياسى مەن اۋىل - قىستاقتارداعى تۇرمىستىق قوقىر - قوقسىقتاردى ءبىر جاقتى ەتۋ قۇرىلعى قۇرىلىسى، كۇنەس اۋدانىندا جاڭا ەنەرگيالى كولىكتەردىڭ تۇعىرىن ءبىر تۇلعالاندىرۋ قۇرىلىسى سياقتى نىساندار بار.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى