تيانشان تورى
تيانشان تورى   ›   جاڭالىقتار   ›   ماڭىزدى حابارلار

بەلورۋسسيادا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە شي جينپيڭ بەلورۋسسيانىڭ زۇڭتۇڭى لۋكاشەنكوعا حال سۇراۋ تەلەگرامماسىن جولدادى

  شينحۋا اگەنتتىگىنىڭ 4 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 15 - كۇنى بەلورۋسسيانىڭ زۇڭتۇڭى لۋكاشەنكوعا تەلەگرامما جولداپ، جۋىقتا بەلورۋسسيادا جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىعى جونىندە جۇڭگو ۇكىمەتى مەن جۇڭگو حالقى اتىنان بەلورۋسسيا ۇكىمەتى مەن حالقىنان شىنايى حال سۇرادى.

  شي جينپيڭ حال سۇراۋ تەلەگرامماسىندا بىلاي دەپ اتاپ كورسەتتى: وسى رەت ىندەت تۋىلعاننان كەيىن، جۇڭگو - بەلورۋسسيا ەكى ەل ءبىرىن - ءبىرى قولداپ - قۋاتتادى جانە ءوزارا كومەكتەستى، ءوزارا قارايلاسىپ، قيىندىقتى بىرگە وتكەرۋدەي شىنايى دوستىق سۇيىسپەنشىلىكتى ايگىلەدى. جۇڭگو جاق بەلورۋسسيا جاقتىڭ ىندەتكە قارسى اتتانۋداعى قۇلشىنىسىن باتىل قولدايدى، بەلورۋسسيا جاققا قولىنان كەلگەنشە ۇزدىكسىز كومەكتەسەدى. ۆيرۋستا مەملەكەت شەكاراسى بولمايدى، ول بۇكىل ادامزاتتىڭ ورتاق جاۋى. حالىقارالىق قوعام ادامزاتتىڭ تاعدىرلاس ورتاق تۇلعاسى تانىمىنان جازباي، ىنتىماق، سەلبەستىكتى كۇشەيتىپ، ىندەتكە قول ۇستاسا قارسى اتتانىپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن ورتاق قورعاۋى كەرەك.

  شي جينپيڭ بىلاي دەپ باسا دارىپتەدى: مەن جۇڭگو - بەلورۋسسيا قارىم - قاتىناسىنىڭ دامۋىنا وسكەلەڭ ءمان بەرەمىن، لۋكاشەنكو زۇڭتۇڭمەن بىرگە قۇلشىنىپ، ەكى جاقتىڭ ەمدەۋ، دەنساۋلىق ساقتاۋ سياقتى سالالارىنداعى سەلبەستىگىن كۇشەيتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.