ەل ءىشى - سىرتىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرۋدى اقىلداسىپ ورنالاستىردى، كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى، زەرتتەۋ جۇرگىزدى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 4 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 4 - ايدىڭ 17 - كۇنى ءماجىلىس اشىپ، ەل ءىشى - سىرتىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاساپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرۋدى اقىلداسىپ ورنالاستىردى؛ كەزەكتەگى ەكونوميكالىق جاعدايعا تالداۋ جاساپ، زەرتتەۋ جۇرگىزىپ، كەزەكتەگى ەكونوميكالىق قىزمەتتەردى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
4 - ايدىڭ 15 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىنەن جانە كەزەكتەگى ەكونوميكالىق جاعدايدان بەرىلگەن مالىمەتتى تىڭداپ، كەزەكتەگى ىندەتتەن ساقتانۋ - تىزگىندەۋ مەن ەكونوميكالىق قىزمەتتى اقىلداسىپ، قاتىستى پىكىرلەردى ورتالىق كوميتەت ساياسي بيۋروسى ماجىلىسىندە قاراۋعا ۇسىنۋدى ۇيعاردى.
ءماجىلىس مىنالاردى اتاپ كورسەتتى: كەزەكتە ەلىمىزدە ىندەتتەن ساقتانۋ - تىزگىندەۋدىڭ جاقسارۋ اۋقىمى اناعۇرلىم بەكەمدەلدى، الايدا ىندەتتەن ساقتانۋ - تىزگىندەۋدىڭ جەتىستىگىن ساقتاۋ، ىندەتتىڭ قايتالانۋىنان ساقتانۋ مىندەتى اۋىر، ءسوز جوق، وڭاي - وسپاق قولعا كەلمەگەن ساقتانۋ - تىزگىندەۋ ناتيجەسىن بارىنشا قاستەرلەپ، ساقتانۋ - تىزگىندەۋ شايقاسىنىڭ جەتىستىگىن بەكەمدەپ، ىندەتتەن ساقتانۋ - تىزگىندەۋ سىندى وسى ارقاۋدى مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، ۋاقىتقا، جاعدايعا قاراي سىرتتان كىرۋدەن ساقتانۋدىڭ، ىشتە قايتالانۋدان ساقتانۋدىڭ ءتۇرلى شارالارىن كەمەلدەندىرىپ ءارى تياناقتاندىرۋدى شىنايى ويداعىداي يگەرىپ، حالىق بۇقاراسىن قاجەتتى قورعانۋدى ويداعىداي ىستەۋگە بەلسەنە جەتەكتەپ، ىندەتتىڭ ءۇرتىس جاقسارعان جاعدايىن ۇزدىكسىز بەكەمدەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعى، ەكونوميكالىق، قوعامدىق ءتارتىپتىڭ جالپى بەتتىك قالپىنا كەلۋى ءۇشىن پارمەندى قامتاماسىزدىق ازىرلەۋ كەرەك.
ءماجىلىس مىنالاردى باسا دارىپتەدى: حۋبەي ولكەسى مەن ۋحان قالاسى ىندەتتەن ساقتانۋ - تىزگىندەۋ قىزمەتىن ۇزدىكسىز ويداعىداي يگەرىپ، سالماقتى ناۋقاستاردى دەن قويا ەمدەپ، بار پەيىلىمەن كۇتىمدەپ، الەۋمەتتىك اۋماقتىڭ ساقتانۋ - تىزگىندەۋىن ناقتى يگەرىپ، كاسىپورىن، ءىسورىنداردىڭ ساقتانۋ - تىزگىندەۋ جاۋاپكەرشىلىگىن قاتايتىپ، ءتۇيىندى ادامدار شوعىرىنا قاراتا نۋكلەين قىشقىلى تەكسەرۋ - ولشەۋى بويىنشا تەكسەرۋگە تيىستىلەرىنە مۇمكىندىكتىڭ بارىنشا تەكسەرۋ جۇرگىزۋ، باسقادا ادامدار شوعىرىنا قاراتا تەكسەرتۋدى قالايتىندارىنا مۇمكىندىكتىڭ بارىنشا تەكسەرۋ جۇرگىزۋ كەرەك. باسقا وڭىرلەر ۋحاننان قايتقان ادامداردى باسقارۋ جانە سالاماتتىق باقىلاۋ - ولشەۋ بەلگىلەمەسىن يكەمدى رەتتەپ، حۋبەي ولكەسىمەن جانە ۋحان قالاسىمەن نۋكلەين قىشقىلى تەكسەرۋ - ولشەۋى، اۋاشالاپ باقىلاۋ سياقتى جاقتارداعى ينفورماتسيالاردى ءوزارا اۋىستىرۋ، ءوزارا مويىنداۋ كەرەك. حۋبەي ولكەسى مەن ۋحان قالاسىنىڭ ەكونوميكالىق، قوعامدىق دامۋىنا جانە حالىق تۇرمىسىن قامتاماسىز ەتۋىنە ساياساتتىق قولداۋ كورسەتۋدى كۇشەيتىپ، بۇقارانىڭ جۇمىستانۋ، كىرىس كىرگىزۋ، وقۋعا ءتۇسۋ سياقتى جاقتارداعى ءىس جۇزىندىك قيىنشىلىعىن شەشۋىنە كومەكتەسۋ كەرەك. بەيجيڭ قالاسىنىڭ ىندەتتەن ساقتانۋ - تىزگىندەۋ قىزمەتىن ۇزدىكسىز كۇشەيتۋ كەرەك. جەر - جەر ىشتە قايتالانۋدان ساقتانۋ قىزمەتىن دالمە - ءدال ويداعىداي يگەرىپ، جاڭادان ارتقان جەرگىلىكتى ورىنداعى دياگنوزى تۇراقتاندىرىلعان ناۋقاستارعا ەپيدەميولوگيالىق تەكسەرۋدى كۇشەيتىپ، وندا اشىققا شىققان ساقتانۋ - تىزگىندەۋگە قاتىستى ماسەلەلەردى دەر كەزىندە بايقاپ، ءالسىز بۋىنداردى بەكەمدەۋ، ولقىلىقتاردى، شالاعايلىقتاردى تولىقتاۋ كەرەك.
ءماجىلىس مىنالاردى تالاپ ەتتى: سىرتتان كىرۋدەن ساقتانۋ شاراسىن كۇشەيتىپ جانە كەمەلدەندىرىپ، باعىتتامالىلىق پەن ونىمدىلىكتى جوعارىلاتۋ كەرەك. شەكارا سىرتىنداعى ەلىمىز ازاماتتارىنا كوڭىل ءبولۋدى، قامقورلىق جاساۋدى ۇزدىكسىز كۇشەيتۋ كەرەك، شەتەلدە تۇراتىن ەلشىلىكتەر مەن كونسۋلحانالار كونسۋلدىق قورعاۋدى جانە ساقتانۋعا جەتەكشىلىك ەتۋدى ويداعىداي ىستەپ، چياۋباۋلار ۇيىرمەسى، شەتەلدە وقيتىن وقۋشىلار ۇيىمى سياقتىلاردىڭ رولدارىن ويداعىداي ساۋلەلەندىرۋ كەرەك. شەكارا وتكەلدەرىندەگى قالالاردىڭ قورعانىس شەبىن باتىل ساقتاپ، ويداعىداي قورعاپ، ەمدەۋ بايلىعى مەن قۇتقارۋ - ەمدەۋ كۇشتەرىنىڭ جايعاسۋىن ساپالىلاندىرىپ، كارانتيندەۋ، تەكسەرۋ - ولشەۋ قابىلەتى قۇرىلىسىن كۇشەيتۋ كەرەك. شوعىرلى اۋاشالانعان ادامداردى حاۋىپسىز قىزمەت وتەۋمەن قامتاماسىز ەتۋدى كۇشەيتىپ، سالاماتتىق باقىلاۋ - ولشەۋىن جانە گۋمانيتارلىق قامقورلىقتى ويداعىداي ىستەۋ كەرەك. ىندەتتەن ساقتانۋ - تىزگىندەۋدىڭ حالىقارالىق سەلبەستىگىن ىشكەرىلەي ىلگەرىلەتىپ، دۇنيە جۇزىلىك دەنساۋلىق ساقتاۋ ۇيىمىمەن اۋىس - كۇيسىتى، سەلبەستىكتى تەرەڭدەتىپ، قاتىستى ەلدەرگە قولدان كەلگەنشە ۇزدىكسىز كومەك كورسەتىپ، كوپ ءتۇرلى تاسىلدەر ارقىلى حالىقارالىق ىندەتتەن ساقتانۋ سەلبەستىگىنە كۇش قوسۋ كەرەك.
ءماجىلىس مىنالاردى اتاپ كورسەتتى: بيىل 1 - توقسان اسا قالىپسىز بولدى، توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا بۇرىن بولماعان سوققى اكەلدى. پارتيا ورتالىق كوميتەتىنىڭ پارمەندى باسشىلىعىندا بۇكىل ەل حالقى ەل بىرلىگىنەن بەرىك قامال تۇرعىزىپ، قايسارلىقپەن شايقاس جۇرگىزىپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ەكونوميكالىق، قوعامدىق اينالىم بىرتىندەپ قالىپقا ءتۇسىپ، ءوندىرىس، تۇرمىس ءتارتىبى جىلدام قالپىنا كەلدى. ەلىمىزدىڭ ەكونوميكاسى زور توزىمدىلگىن ايگىلەدى، جۇمىستى، ءوندىرىستى قالپىنا كەلتىرۋ قالىپتى دەڭگەيگە بىرتىندەپ تاياپ نەمەسە جەتىپ، ىندەتتىڭ ۇدەۋىنە توتەپ بەردى ءارى كوپتەگەن جاڭا كاسىپ سالاسىنىڭ، جاڭا كاسىپ كۇيىنىڭ جىلدام دامۋىن ىلگەرىلەتتى.
ءماجىلىس مىنالاردى باسا دارىپتەدى: كەزەكتەگى ەكونوميكالىق دامۋ ءدوپ كەلگەن سىن - سايىس بۇرىن بولىپ كورمەگەن، ءسوز جوق، قيىنشىلىقتى، حاۋىپ - قاتەردى جانە تۇراقسىزدىقتى تولىق شامالاپ، كوكەي تەستىلىك سەزىمدى شىنايى كۇشەيتىپ، ەكونوميكالىق، قوعامدىق دامۋدىڭ ءتۇرلى قىزمەتتەرىن ناقتى يگەرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي دوڭگەلەك داۋلەتتى قوعام ورناتۋدىڭ نىسانالارىن، مىندەتتەرىنەن كوز جازباي، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتە وتىرىپ جوعارى ساپالى دامۋدى ىلگەرىلەتۋگە تاباندى بولىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، ”التىنى ورنىقتىرۋ“ قىزمەت تەبىنىن ارتتىرىپ، تۇرعىنداردىڭ جۇمىستانۋىن قامتاماسىز ەتىپ، نەگىزگى حالىق تۇرمىسىن قامتاماسىز ەتىپ، بازار نەگىزگى تۇلعاسىن قامتاماسىز ەتىپ، استىق، ەنەرگيا حاۋىپسىزدىگىن قامتاماسىز ەتىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتىپ، نەگىزگى ساتىنىڭ اينالىمىن قامتاماسىز ەتىپ، ىشكى سۇرانىستى كەڭەيتۋ ستراتەگياسىن باتىل اتقارىپ، ەكونوميكالىق دامۋ مەن قوعامدىق ورنىقتىلىقتىڭ كەلەلى جاعدايىن قورعاپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانالارىن، مىندەتتەرىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋ كەرەك.
ءماجىلىس مىنالاردى باسا دارىپتەدى: ورنىقتىلىق بارىسىندا ىلگەرىلەۋ قىزمەت جالپى ارناسىنان جازباۋ كەرەك. ورنىقتىلىق − كەلەلى جاعداي، ءسوز جوق، ىندەتتىڭ قايتالانباۋىنا شىنايى كەپىلدىك ەتىپ، ەكونوميكانىڭ نەگىزگى كۇيىن ورنىقتىرىپ، حالىق تۇرمىسىن تومەنگى شەكتەن تۇسىرمەۋ كەرەك. ورنىقتىرۋ نەگىزىندە بەلسەنە ىلگەرىلەپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا جۇمىستى، ءوندىرىستى قالپىنا كەلتىرۋدى، ءوندىرىس قۋاتىنا جەتۋدى جالپى بەتتىك ىلگەرىلەتىپ، قالىپتى ەكونوميكالىق، قوعامدىق ءتارتىپتى قالپىنا كەلتىرىپ، جاڭا ارتۋ ءتۇيىنىن، ارتۋ ۇيەگىن جەتىلدىرىپ، زورايتىپ، دامۋدىڭ ىرىقتىلىق ۇقىعىن مىقتاپ يگەرۋ كەرەك.
ءماجىلىس مىنالاردى اتاپ كورسەتتى: اناعۇرلىم زور ماكرولىق ساياسات تەبىنى ارقىلى ىندەت ىقپالىن تەڭگەرۋ كەرەك. بەلسەندى قازىنا ساياساتى اناعۇرلىم بەلسەندى ۇتىمدى بولىپ، قىزىل سيفر مولشەرىن جوعارىلاتىپ، ىندەتكە قارسى اتتانۋدىڭ ەرەكشە زايومىن تاراتىپ، جەرگىلىكتى ۇكىمەتتەردىڭ ارنايى زايومىن ارتتىرىپ، قارجىنىڭ پايدالانۋ ونىمدىلىگىن جوعارىلاتىپ، ەكونوميكانى ورنىقتىرۋدىڭ شەشۋشى رولىن شىنايى ساۋلەلەندىرۋ كەرەك. ورنىقتى اقشا ساياساتى اناعۇرلىم يكەمدى بولىپ، لايىقتى بولىپ، ولشەمدى تومەندەتۋ، ءوسىمدى تومەندەتۋ، قايتالاي قارىز اقشا بەرۋ سياقتى شارالاردى قولدانىپ، اينالىمنىڭ ۇيلەسىمدى، جەتكىلىكتى بولۋىن ساقتاپ، قارىز اقشا بازارىنىڭ ءوسىم مولشەرىن تومەندەتۋىنە ءجون سىلتەپ، قارجىنى ناقتى ەكونوميكانى، اسىرەسە، ورتا، شاعىن، ۇساق كاسىپورىنداردى قولداۋ جاعىنا پايدالانۋ كەرەك.
ءماجىلىس مىنالاردى باسا دارىپتەدى: ەل ءىشى سۇرانىسىن بەلسەنە كەڭەيتۋ كەرەك. تۇتىنۋ كومەسكى كۇشىن اشىپ، جۇمىستى، ءوندىرىستى قالپىنا كەلتىرۋدى، ساۋدا سارايلارىن، بازارلاردى قالپىنا كەلتىرۋدى ويداعىداي ىستەپ، تۇرعىنداردىڭ تۇتىنۋىن كەڭەيتىپ، الەۋمەتتىك تۇتىنۋدى ۇيلەسىمدى ارتتىرۋ كەرەك. ءونىمدى قارجى قوسۋدى بەلسەنە كەڭەيتىپ، ەسكىرگەن، كونە شاعىن اۋماقتاردى جاڭالاپ، ءداستۇرلى نەگىزدىك قۇرىلعىلارعا جانە جاڭاشا نەگىزدىك قۇرىلعىلارعا قارجى قوسۋدى كۇشەيتىپ، ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى جەبەپ، ستراتەگيالىق سيپاتتى جاڭادان گۇلدەنگەن كاسىپ سالاسىنا قارجى قوسۋدى كەڭەيتۋ كەرەك. حالىقتىق قارجى قوسۋدىڭ بەلسەندىلىگىن جۇمىلدىرۋ كەرەك. كاسىپورىنداردىڭ ەكسپورت ەتۋدەن ەل ىشىندە ساتۋعا قاراي بۇرىلىس جاساۋىنا قولداۋ كورسەتۋ كەرەك. ورتا، شاعىن كاسىپورىنداردىڭ قيىن وتكەلدەن وتۋىنە كۇش سالا كومەكتەسىپ، ءتۇرلى ساياساتتاردى جىلدام تياناقتاندىرىپ، سالىقتى ازايتۋدى، اقىنى تومەندەتۋدى ىلگەرىلەتىپ، قارجى قۇراۋدىڭ وزىندىك قۇنىن جانە ءۇي جالاقىسىن تومەندەتىپ، ورتا، شاعىن كاسىپورىنداردىڭ ءومىر ءسۇرۋ جانە دامۋ قابىلەتىن جوعارىلاتۋ كەرەك. ەلىمىزدىڭ كاسىپ تىزبەگىنىڭ، قامداۋ تىزبەگىنىڭ ورنىقتىلىعى مەن باسەكەلىك قۋاتىن ساقتاپ، كاسىپ تىزبەگىنىڭ سايكەستى جۇمىستى، ءوندىرىستى قالپىنا كەلتىرۋىن، ءوندىرىس قۋاتىنا جەتۋىن جەبەۋ كەرەك. حالىق تۇرمىسىن قامتاماسىزداندىرۋ قىزمەتىن شىنايى ويداعىداي ىستەپ، كەدەيلىكتەن ارىلتۋدان قامال الۋ تەبىنىن ارتتىرىپ، جۇمىستى، ءوندىرىستى قالپىنا كەلتىرۋ بارىسىندا كەدەي وڭىرلەردەگى ەڭبەككۇشتەردى الدىمەن ىستەتىپ، كەدەيلىكتەن ارىلتۋدان قامال الۋ مىندەتىن دەر كەزىندە جالپى بەتتىك ورىنداۋعا شىنايى كەپىلدىك ەتۋ كەرەك. ءتۇيىندى كاسىپتەردى يگەرىپ، ءتۇيىندى ادامدار شوعىرىن جۇمىستاندىرۋ قىزمەتىن ويداعىداي ىستەپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىن اسا ماڭىزدى ورىنعا قويۋ كەرەك. قوعامدىق قامتاماسىزداندىرۋدى كەمەلدەندىرىپ، ەڭ تومەنگى تۇرمىستى قامتاماسىز ەتۋ قىزمەتىن ويداعىداي ىستەپ، باعا ۋاقىتتىق تولىقتاما قاراجاتىن دەر كەزىندە تاراتىپ، بۇقارانىڭ نەگىزگى تۇرمىسىنا شىنايى كەپىلدىك ەتۋ كەرەك. ەلىمىزدە استىق حاۋىپسىزدىگى تولىق قامتاماسىز ەتىلگەن، اۋىل شارۋاشىلىق ءوندىرىسىن جانە ماڭىزدى قوسىمشا ازىق - تۇلىكتەرمەن قامداۋدى قامتاماسىز ەتۋدى، باعانى ورنىقتىرۋدى ويداعىداي يگەرىپ، اۋىل شارۋاشىلىعى نەگىزىن بەكەمدەۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزۋ كەرەك. ءۇيدى ساۋدالاۋعا ەمەس، قايتا تۇرۋعا پايدالانۋدىڭ ورنىن تۇراقتاندىرۋعا تاباندى بولىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك.
ءماجىلىس مىنالاردى اتاپ كورسەتتى: ورايدى قولدان بەرمەي رەفورمانى ىلگەرىلەتىپ، رەفورما ادىستەرى ارقىلى دامۋ بارىسىنداعى ماسەلەلەردى شەشۋگە شەبەر بولىپ، نەگىزگى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن كەمەلدەندىرۋ كەرەك. سىرتقا ەسىك اشۋدى كەڭەيتۋدەن بۇلجىماي، حالىقارالىق زات اينالىمىنىڭ ىركىلىسسىزدىگىن قامتاماسىز ەتىپ، ىندەتتەن ساقتانۋ زاتتىق ماتەريالدارىن ەكسپورت ەتۋدىڭ ساپا وتكەلىن قاتاڭ يگەرىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
