شينحۋا اگەنتتىگىنىڭ 4 - ايدىڭ 18 - كۇنى بەيجيڭنەن بەرگەن حابارى (ءتىلشى ۋىن جيڭحۋا). مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى تاياۋدا «ۋحاننان شىققانداردى جاڭا تيپتى ايدارشا ۆيرۋس وكپە قابىنۋ ىندەتى بويىنشا تەكسەرۋ جانە سالاماتتىعىن باسقارۋ، قىزمەت وتەۋ قىزمەتىن جاقسى ىستەۋ جونىندەگى حابارلاندىرۋدى» باسىپ تاراتتى، ءتۇيىندى ادامدار شوعىرى ۋحاننان شىعۋدان ىلگەرى ”تەكسەرۋگە تيىستىلەرىن مۇمكىندىكتىڭ بارىنشا تەكسەرۋ“ پرينسيبىنە ساي، جاڭا تيپتى ايدارشا ۆيرۋس نۋكلەين قىشقىلىن تەكسەرتەدى، ۋحاننان شىققاندار نىسانالى جەرىنە جەتكەننەن كەيىن سايكەستى شارتتاردى قاناعاتتاندىرسا جۇمىستى، ءوندىرىستى، وقۋدى قالىپتى قالپىنا كەلتىرۋىنە بولادى.
حابارلاندىرۋدا مىنالار العا قويىلعان: ۋحاننان شىعاتىنداردىڭ اراسىنداعى ءتۇيىندى ادامدار شوعىرى (بارعان جەرىندە الەۋمەتتىك ورىنداردا قىزمەت وتەيتىن، قاتىناس قۇرالدارىندا قىزمەت وتەيتىن جانە قارتتاردى كۇتىمدەۋ قۇرىلىمى، تۇرمە، قاماقحانا سياقتى ەرەكشە ورىنداردا قىزمەت وتەيتىن قىزمەتكەرلەر، وقىتۋشى، ەمدەۋ قىزمەتكەرى، سونداي - اق سالىستىرمالى جابىق ورىنداردا ىستەيتىن قىزمەتكەرلەر) ۋحاننان شىعۋدىڭ الدىندا ”تەكسەرۋگە تيىستىلەرىن مۇمكىندىكتىڭ بارىنشا تەكسەرۋ“ پرينسيبىنە ساي، اۋرۋدان ساقتانۋ جانە تىزگىندەۋ سياقتى تولىمدىلىعى بار قۇرىلىمدارعا بارىپ جاڭا تيپتى ايدارشا ۆيرۋس نۋكلەين قىشقىلىن تەكسەرتۋى قاجەت، تەكسەرۋ اقىسىن حۋبەي ولكەسى، ۋحان قالاسى ءبىر تۇتاس جوسپارلاپ شەشەدى.
باسقا ادامدار شوعىرى ۋحاننان شىعۋدان ىلگەرى، ”تەكسەرتۋدى قالايتىندارىن مۇمكىندىكتىڭ بارىنشا تەكسەرۋ“ پرينسيبى بويىنشا، تولىمدىلىعى بار ەمدەۋ قۇرىلىمدارىنا نەمەسە 3 - جاق تەكسەرۋ قۇرىلىمىنا بارىپ تەكسەرىلۋى قاجەت، تەكسەرىلۋ اقىسىن ءوزى شىعارادى. تەكسەرۋ قۇرىلىمدارى تەكسەرۋ ناتيجەسىنە قاتىستى انىقتاما بەرۋى قاجەت. ىلگەرگى قان سارى سۋىنداعى ەرەكشە ＧｇI انتيتەلونى تەكسەرۋدە ناتيجەسى بولىمدى بولعاندار، نۋكلەين قىشقىلىن تەكسەرتپەسە دە بولادى.
حابارلاندىرۋعا ساي، ۋحاننان شىعار الدىندا تەكسەرۋدى قابىلداعاندار، نىسانالى جەرگە جەتكەننەن كەيىن، تومەندەگى شارتتاردىڭ قايسى ءبىرىن قاناعاتتاندىرسا بولدى جۇمىستى، ءوندىرىستى، وقۋدى قالىپتى قالپىنا كەلتىرۋىنە بولادى: ءبىرىنشى، نىسانالى جەرگە جەتۋدەن 7 كۇن بۇرىنعى نۋكلەين قىشقىلىن تەكسەرۋدە ناتيجەسى بولىمسىز بولعان سىپاتتاماسى بارلار؛ ەكىنشى، وتكەنگى قان سارى سۋىنداعى ەرەكشە IgG انتيتەلونى تەكسەرۋدە ناتيجەسى بولىمدى بولعان سىپاتتاماسى بارلار؛ ءۇشىنشى، جوعارىداعى تەكسەرۋ ناتيجەسى ينفورماتسياسىنىڭ ءبىرى قامتىلعان سالاماتتىق جول كودى سىندى ”جاسىل كودى“ بارلار.
جوعارىداعى سىپاتتامالارى جوق ۋحاننان شىققاندار نىسانالى جەرگە جەتكەننەن كەيىن، سول جەردىڭ ساقتانۋ - تىزگىندەۋ بەلگىلەمەسى بويىنشا، نۋكلەين قىشقىلىن تەكسەرۋىن نەمەسە اۋاشالاپ مەديتسينالىق باقىلاۋىن قابىلداۋى كەرەك. اۋاشالاۋ مەرزىمى تولعان نەمەسە نۋكلەين قىشقىلىن تەكسەرۋ ناتيجەسى بولىمسىز بولعانداردىڭ جۇمىستى، ءوندىرىستى، وقۋدى قالىپتى قالپىنا كەلتىرۋىنە بولادى.
