تيانشان تورى   ›   ۇيرەنۋ   ›   شولۋ

ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتەيىك

حالىق گازەتىنىڭ شولۋشىسى

  جاعداي مىندەتتى بەلگىلەيدى، ارەكەت ونىمدىلىكتى بەلگىلەيدى.

  4 - ايدىڭ 17 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاساپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرۋدى اقىلداسىپ ورنالاستىردى؛ كەزەكتەگى ەكونوميكالىق جاعدايعا تالداۋ جاسادى، اقىلداستى، كەزەكتەگى ەكونوميكالىق قىزمەتتى ورنالاستىردى. وڭىرلەر، تاراۋلار ەل ءىشى - سىرتىنداعى ىندەتتەن ساقتانۋ - تىزگىندەۋ جانە ەكونوميكالىق جاعدايدى ءداپ باسىپ يگەرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋى كەرەك.

  قازىر ەلىمىزدە ىندەتتەن ساقتانۋ - تىزگىندەۋدىڭ جاقسارۋ اۋقىمى اناعۇرلىم بەكەمدەلىپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ەكونوميكالىق، قوعامدىق اينالىم بىرتىندەپ قالىپتى كۇيگە بەت الىپ، ءوندىرىس، تۇرمىس ءتارتىبى جەدەل قالپىنا كەلدى. سونىمەن قاتار حالىقارادا ىندەت ۇزدىكسىز ءورشىپ، دۇنيە ءجۇزى ەكونوميكاسىنىڭ باسەڭدەۋ حاۋىپ - قاتەرى كۇشەيدى، ەلىمىزدىڭ ىندەتتەن ساقتانۋ - تىزگىندەۋ تابىستارىن ساقتاۋ، ىندەتتىڭ قايتالانۋىنان ساقتانۋ مىندەتى اۋىر، ەكونوميكالىق دامۋ بۇرىن بولماعان سىن - سايىستارعا ءدوپ كەلىپ وتىر. قيىن دا كۇردەلى ەل ءىشى - سىرتىنداعى ىندەتتەن ساقتانۋ - تىزگىندەۋ جانە ەكونوميكالىق جاعدايعا سايكەس، ءبىز تومەنگى شەكتە ويلاۋعا تاباندى بولىپ، ءسوزسىز، جەڭىسكە جەتۋ سەنىمىن بەكەمدەپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، وڭاي قولعا كەلمەگەن ساقتانۋ - تىزگىندەۋ ناتيجەسىن بارىنشا قاستەرلەپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، قيىنشىلىقتاردى، حاۋىپ - قاتەرلەردى، تۇرلاۋسىزدىقتاردى تولىق مولشەرلەپ، ەكونوميكالىق، قوعامدىق دامۋ قىزمەتتەرىن شىن مانىندە جاقسى ىستەۋىمىز كەرەك.

  بيىلعى جىلدىڭ 1 -توقسانى جايشىلىقتاعىدان وزگەشە بولدى. توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا بۇرىن بولماعان سوققى اكەلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل ەل حالقى ەل بىرلىگىنەن بەرىك قامال تۇرعىزىپ، قايسارلىقپەن كۇرەسىپ، ىندەتتەن ساقتانۋ - تىزگىندەۋدە كەزەڭدىك ناتيجەگە قول جەتكىزدى، ەكونوميكالىق، قوعامدىق اينالىم ءتارتىبى جەدەل قالپىنا كەلدى. 1 - توقسانداعى نەگىزگى ەكونوميكالىق كورسەتكىشتەر كورنەكتى تومەندەگەنىمەن، ءبىراق 3 - ايداعى نەگىزگى ەكونوميكالىق كورسەتكىشتەردە كوتەرىلۋ جاعدايى جارىققا شىقتى، تومەندەۋ مولشەرى كورنەكتى ازايدى، سونىمەن قاتار نەگىزگى حالىق تۇرمىسى پارمەندى تۇردە قامتاماسىز ەتىلىپ، قوعامدىق جالپى جاعدايدىڭ ورنىقتىلىعى ساقتالىپ، ەلىمىزدىڭ ەكونوميكالىق دامۋىندا وراسان زور توزىمدىلىك جارىققا شىقتى، جۇمىستىڭ، ءوندىرىستىڭ بىرتىندەپ قالپىنا كەلۋى قالىپتى دەڭگەيگە جاقىندادى نەمەسە جەتتى، ىندەتكە توتەپ بەرۋ كوپتەگەن جاڭا كاسىپتەردىڭ، جاڭا كۇيلەردىڭ تەز قارقىنمەن دامۋىن تەزدەتتى ءارى ىلگەرىلەتتى. وسى جولعى ىندەتكە قارسى قاتاڭ كۇرەس ەلىمىزدە مىعىم زاتتىق، تەحنيكالىق نەگىز بەن كۇشتى قامداۋ قۋاتىنىڭ، ۇيلەسۋ قۋاتىنىڭ، قالپىنا كەلتىرۋ قۋاتىنىڭ بار ەكەنىن، ەكونوميكانىڭ ۇزاق ۋاقىت جاقسارۋعا بەت الۋ نەگىزگى جاعىنىڭ وزگەرمەگەنىن بەينەلەدى. بوران - شاشىن العا ىلگەرىلەۋ جولىمىزدى توسا المايدى، ءبىزدىڭ اناعۇرلىم مىعىم سەنىمىمىز بەن جىگەرىمىز بار.

  ىندەتتەن ساقتانۋ - تىزگىندەۋ تابىستارىن ساقتاۋدىڭ، ىندەتتىڭ قايتالانۋىنان ساقتانۋدىڭ اۋىر مىندەتتەرىنە سايكەس، ءبىز، ءسوز جوق، ىندەتتەن ساقتانۋ - تىزگىندەۋ سىندى وسى ارقاۋدى شيراتا ءتۇسىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرۋىمىز كەرەك. سىرتتان كىرۋدەن ساقتانۋدىڭ، ىشتە قايتالانۋدان ساقتانۋدىڭ ءتۇرلى شارالارىن ۋاقىتقا، جاعدايعا قاراي كەمەلدەندىرىپ ءارى شىنايى تياناقتاندىرۋدى ويداعىداي يگەرىپ، حالىق بۇقاراسىن قاجەتتى ساقتانۋ، قورعانۋ جۇمىستارىن جاقسى ىستەۋگە بەلسەنە جەتەكتەپ، ىندەتتىڭ ۇزدىكسىز جاقسارۋ جاعدايىن تىنباي بەكەمدەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا، ەكونوميكالىق، قوعامدىق ءتارتىپتىڭ جاپپاي قالپىنا كەلۋىنە پارمەندى كەپىلدىك ازىرلەۋ كەرەك. حۋبەي ولكەسى مەن ۋحان قالاسى ىندەتتەن ساقتانۋ - تىزگىندەۋ قىزمەتىن ۇزدىكسىز ويداعىداي يگەرۋ كەرەك، بەيجيڭ قالاسىنىڭ ىندەتتەن ساقتانۋ - تىزگىندەۋ قىزمەتىن ۇزدىكسىز كۇشەيتۋ كەرەك، جەر - جەر ىشتە قايتالانۋدان ساقتانۋ قىزمەتىن دالمە - ءدال وداعىداي يگەرىپ، ءالسىز بۋىنداردى بەكەمدەۋى، ولقىلىقتار مەن ساڭلاۋلاردى تولىقتاۋى كەرەك. سىرتتان كىرۋدەن ساقتانۋ شارالارىن كۇشەيتىپ جانە كەمەلدەندىرىپ، باعىتتامالىلىق پەن ونىمدىلىكتى جوعارىلاتىپ، شەكارا سىرتىنداعى ەلىمىز ازاماتتارىنا كوڭىل ءبولۋ مەن قامقورلىق جاساۋدى ۇزدىكسىز كۇشەيتىپ، شەكارا وتكەلىندەگى قالالاردىڭ قورعانىس شەبىن باتىل ساقتاپ، ويداعىداي قورعاپ، شوعىرلى تۇردە اۋاشالانعان ادامداردىڭ حاۋىپسىزدىگىنە قىزمەت وتەۋ قامتاماسىزداندىرۋىن كۇشەيتۋ كەرەك. ىندەتتەن ساقتانۋ - تىزگىندەۋدىڭ حالىقارالىق سەلبەستىگىن ىشكەرىلەي ىلگەرىلەتىپ، دۇنيە جۇزىلىك دەنساۋلىق ساقتاۋ ۇيىمىمەن اۋىس - كۇيىستى، سەلبەستىكتى تەرەڭدەتىپ، قاتىستى مەملەكەتتەرگە ۇزدىكسىز تۇردە قولدان كەلگەنشە كومەك كورسەتىپ، حالىقارالىق ىندەتتەن ساقتانۋ سەلبەستىگىنە كوپ ءتۇرلى تاسىلدەرمەن كۇش - قۋات ارناۋ كەرەك.

  قازىر ەكونوميكالىق دامۋ بۇرىن بولماعان سىن - سايىستارعا ءدوپ كەلىپ وتىر. ءبىز، ءسوز جوق، كوكەي تەستىلىك سەزىمدى جانە قيىنشىلىقتى جەڭۋ سەنىمىن شىن مانىندە كۇشەيتىپ، ەكونوميكالىق، قوعامدىق دامۋداعى ءتۇرلى قىزمەتتەردى ناقتاپ يگەرۋىمىز كەرەك. جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتى استىندا، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما، ەسىك اشۋدى قوزعاۋشى كۇش ەتە وتىرىپ جوعارى ساپالى دامۋدى ىلگەرىلەتۋگە تاباندى بولىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، ”التىنى ورنىقتىرۋ“ قىزمەت سەرپىنىن ارتتىرىپ، تۇرعىنداردىڭ جۇمىستانۋىن قامتاماسىز ەتۋ، نەگىزگى حالىق تۇرمىسىن قامتاماسىز ەتۋ، بازار نەگىزگى تۇلعالارىن قامتاماسىز ەتۋ، استىق، ەنەرگيا حاۋىپسىزدىگىن قامتاماسىز ەتۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتۋ، نەگىزگى ساتىنىڭ جۇمىس جۇرگىزۋىن قامتاماسىز ەتۋ، ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، ەكونوميكالىق دامۋ مەن قوعام ورنىقتىلىعى جالپى جاعدايىن قورعاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋ كەرەك. وڭىرلەر، تاراۋلار قىسىمدى قوزعاۋشى كۇشكە اينالدىرىپ، قيىندىقتان تايسالماي باتىلدىقپەن العا ۇمتىلىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىكپەن ۇشتاستىرا وتىرىپ ناقتى، ەگجەي - تەگجەيلى تياناقتاندىرۋ كەرەك.

  ىشتەن تاۋقىمەت ءتونىپ، سىرتتان جاۋ انتالاعان جاعدايدا دۇنيەگە كەلىپ، قيىنشىلىقتار مەن ساتسىزدىكتەر بارىسىندا جەتىلىپ، قامال الۋ، قيىندىقتاردى ەڭسەرۋ بارىسىندا الەۋەتتەنگەن پارتيامىز كۇرەس جۇرگىزۋگە باتىل بولۋ، جەڭىسكە جەتۋگە باتىل بولۋداي ساياسي ابزالدىلىققا يە. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وسى جولعى ۇلكەن سىناقتا ءبىر تۇتاس جوسپارلاپ تەگىس ءمان بەرەتىن پاراسات - زەردە، باتىل جاۋاپكەرشىلىك ارقالايتىن ەرىك - جىگەردى شىڭاعاندا، ءسوز جوق، قالىڭ حالىق بۇقاراسىن ۋاقىتتىق قيىنشىلىقتاردى بىرگە جەڭۋگە، قيىن وتكەلدەن بىرگە وتۋگە باستاپ، العا باسۋ جولىنداعى بارلىق حاۋىپ - قاتەر، سىن - سايىستاردى جەڭىپ، جەڭىستەن - جەڭىسكە جەتە الامىز.

  (شينحۋا اگەنتتىگىنىڭ 4 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.