شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن، ەرىكتى ءتىلشى لي باۋجۋ
4 - ايدىڭ 13 - كۇنى تاڭەرتەڭ، جەمسارى اۋدانى جەمسارى قالاشىعى اقبۇلاق قىستاعىنىڭ تۇرعىنى ءپازيلا ءوزىنىڭ ەرەن بازارىندا قاربالاستاپ، زات سورەلەرىن رەتتەپ، تاۋارلارىن تۇگەندەپ، دۇكەندى سىپىرىپ تازالاپ جاتتى... ىستەيتىن ءىس كوپ، الايدا ول ىستەگەن سايىن تەبىندەپ، جۇزىنەن ءالسىن - ءالسىن كۇلكى ەسەدى.
”مەنىڭ باقىتتى تۇرمىسىم وڭاي - وسپاق قولعا كەلگەن جوق، اسىرەسە، ي شين سىڭلىمە العىس ايتامىن“. ءپازيلا بۇل ءسوزدى اۋزىنان تاستامايدى. ءپازيلا ايتىپ وتىرعان ي شين ءسىڭلىسى جەمسارى اۋداندىق ساياسي كەڭەستىڭ اقبۇلاق قىستاعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ءارى ونىڭ جۇپ قۇراعان تۋىسى ي شين، ەكەۋىنىڭ تابىسۋى 2018 - جىلدىڭ باسىنان باستالعان.
”العاش اپەكەمنىڭ ۇيىنە كەلگەندە، ەكەۋىمىز ءسال جاتسىندىق، ول كەزدە اپەكەمنىڭ ءۇيىنىڭ تۇرمىس جاعدايى ناشارلاۋ ەدى، ۇيىندە كورىمىرەك جيھازى دا جوق بولاتىن، الايدا قابىرعادا بالالارىنىڭ وقۋدان العان سيلىق قاعازدارى جىپىرلاتا جاپسىرىلىپ، ەرەكشە كوزگە ءتۇسىپ تۇراتىن“، - دەدى ي شين ەسىنە الىپ.
بارىس - كەلىستىڭ تەرەڭدەۋىنە ىلەسە، ي شين ءپازيلانىڭ ءوز ۇلىن باعىپ - قاعۋدان سىرت، ەرتەرەكتە تاعى 2 بالانى اسىراپ العاندىعىن بىلەدى. بۇل 2 بالانىڭ اكە - شەشەسى وقياتتا ارت - ارتىنان كوز جۇمىپ، قاراۋشىسىز قالادى، ىزگى نيەتتى ءپازيلا ولاردى ءوز قۇشاعىنا الىپ، ءوز بالاسىنداي باعىپ - قاعادى. وسىنى بىلگەندە ي شيننىڭ الدىنداعى وسى سىرتتاي قاراعاندا توتەنشە قاراپايىم كورىنگەنىمەن، اسا قايسار اپەكەسىنە دەگەن قۇرمەت سەزىمى ارتا تۇسەدى.
ءپازيلانىڭ كۇيەۋىندە ءبىرشاما سالماقتى بەل ومىرتقا اۋرۋى بولعاندىقتان، دەنە ەڭبەگىن ىستەي المايتىن، وسى جىلداردان بەرى ۇيدەگى تۇرمىستىڭ اۋىر جۇگى تۇگەلدەي ءپازيلانىڭ موينىنا ارتىلادى، بۇعان اسىراپ العان 2 بالا قوسىلعاندا، اسىلىندە ءۇپى - ءتاپى تۇرمىس كەشىرىپ جاتقان وسى وتباسىنىڭ تۇرمىسى ءتىپتى دە مۇشكىل كۇيگە تۇسەدى. ءپازيلا ىلگەرىندى - كەيىندى قوناقجاي كۇتۋشىسى، قۇرىلىس ورنىنىڭ جۇك تاسۋشىسى بولىپ ىستەيدى، الايدا بۇلاردىڭ بارلىعى وتباسىنىڭ مۇشكىل حالىن وزگەرتە المايدى.
ي شين جايشىلىقتاعى جاعداي ۇعىسۋ بارىسىندا، تۇتاس اقبۇلاق قىستاعىندا كورىمىرەك ءبىر دۇكەن جوق ەكەندىگىن بايقايدى. سونىمەن ءپازيلانىڭ قىستاقتا ءبىر شاعىن دۇكەن اشۋىنا كومەكتەسسەم، وسىلاي بولعاندا ونىڭ ۇيىنە قاراۋىنا قولايلى بولۋمەن بىرگە، جان - جاققا شاپقىلاپ جۇمىس ىستەۋىنىڭ قاجەتى بولمايدى دەگەن ويعا كەلەدى.
ويعا العاندى ىستەۋ كەرەك، ءپازيلانىڭ ماقۇلدىعىن العاننان كەيىن، ي شين دۇكەن اشۋدىڭ ىستەرىمەن قاربالاستاي باستايدى.
تيجارات كۋالىگىن ءبىتىرىپ، دۇكەندى ىڭعايلاستىرىپ، تاۋار، زات سورەسىن ساتىپ الىپ، زات كىرگىزۋ ىسىنە دايىندالادى... 2018 - جىلى 6 - ايدا ي شيننىڭ زور كۇشپەن كومەكتەسۋىمەن، ءپازيلا وتباسىنىڭ دۇكەنى اشىلادى. جايشىلىقتا ي شين ۋاقىتى بولا قالسا كەلىپ، ءپازيلانىڭ دۇكەندى تازالاپ جيناستىرۋىنا، زات سورەسىندەگى تاۋارلاردى رەتتەۋىنە كومەكتەسەدى، اپەكەلى - ءسىڭلىلى ەكەۋىنىڭ دوستىق سۇيىسپەنشىلىگى وسىنداي ارالاستىق بارىسىندا ارتا تۇسەدى.
2019 - جىلى 10 - ايدا ي شيننىڭ جانە قىزمەت اترەتىنىڭ تانىستىرۋىمەن ءپازيلانىڭ اسىراپ العان قىزى داشۋەدەن وقۋ بىتىرگەننەن كەيىن قىستاق كادرى بولىپ، قىزمەتى جانە ورنىقتى كىرىسى بولدى.
ءپازيلانىڭ دۇكەنىنىڭ ساۋداسى دا بارعان سايىن كۇسەت بولىپ، تۇرمىسى بارعان سايىن جاقسارادى، وسى كەزدە ول تاعى ءبىر جاڭا ىسكە تالپىنا باستايدى.
2019 - جىلدىڭ سوڭىندا ءپازيلا پارتيا ۇيىمىنا مۇشە بولۋدى ىرىقتىلىقپەن العا قويادى. ”مەن ءسىڭلىمنىڭ بويىنان پارتيا مۇشەسىنىڭ كەلبەتىن كورىپ، ءوزىم دە ول سياقتى ادام بولعىم كەلدى“، - دەدى ءپازيلا. اپەكەسىنىڭ ويىنا ي شين قاتتى قۋانادى، سۇيىنەدى، سونىمەن ول اپەكەسىنىڭ پارتياعا كىرۋدەگى تانىستىرۋشىسى بولادى. جايشىلىقتا باسقالارعا كومەكتەسۋدى قۋانىش سانايتىندىقتان، بۇقارانىڭ اراسىنداعى بەدەلى زور ءپازيلا تاعى قىستاق ايەلدەر بىرلەستىگىنىڭ ورىنباسار ءتوراعاسى بولىپ سايلاندى.
