گۇما قازى ۇرىمجىگە ۇشاقپەن جەتكىزىلدى
تيانشان تورىنىڭ حابارى (ٴتىلشى ليۋ شيا، ەرىكتى ٴتىلشى ۋاڭ ليلي حابارلايدى) ” مىناۋ حوتان ايماعى گۇما اۋدانى ديقان وتباسىلارىنىڭ بىتىراندى باققان قازدارى، تاتىپ كورىڭىزدەر، ٴدامى ٴتىل ۇيىرەدى !“ 4-ايدىڭ 14-كۇنى شينجياڭ بىرلەسپە حابارلاسۋ سەرىكتىگىنىڭ جۇمىسشى-قىزمەتشىلەر اسحاناسىندا قىزمەتكەرلەر ٴبىر جاعىنان كوپشىلىككە تاماق اكەلىپ بەرسە، ەندى ٴبىر جاعىنان ايعايلاي باستادى. وسى سەرىكتىكتىڭ اسحاناسىنا تۇڭعىش رەت شىعارىلعان تورە تاباق قاز ەتى، كوپشىلىكتىڭ ەرەكشە قارسى الۋعا يە بولدى.
شينجياڭ بىرلەسپە حابارلاسۋ سەرىكتىگىنىڭ قىزمەتكەرى ۋاڭ ليشان بىلاي دەدى: ”اسحانادا گۇمانىڭ بىتىراندى باعىلعان قازىن جەدىك، راسىندا وتە ٴدامدى ەكەن، سەرىكتىك كوپشىلىكتىڭ ۇيگە قايتىپ پىسىرا الماۋىنان الاڭداپ، جاناشىرلىقپەن پىسىرۋ ٴتاسىلىن بىزگە جولدادى، كەشتە ۇيگە قايتىپ ٴوزىم ازىرلەپ كورەيىن دەپ تۇرمىن“.
شينجياڭ بىرلەسپە حابارلاسۋ سەرىكتىگىنىڭ قىزمەتكەرلەرى وزدەرى دايىنداعان تورە تاباق قاز ەتى(داپان-ى)
ٴدامى ٴتىل ۇيىرەتىن قاز ەتى گۇما اۋدانىنان ۇشىپ ٴۇرىمجىنىڭ داستارقانىنا جەتتى، بۇنى كەدەيلەردى سۇيەمەلدەۋ قىزمەتىنەن باستاپ سويلەۋگە تۋرا كەلەدى. بىرنەشە كۇننىڭ الدىندا، شينجياڭ بىرلەسپە حابارلاسۋ سەرىكتىگى گۇما اۋدانى اۋىل شارۋاشىلىعى ونىمدەرىنىڭ ساتىلۋى قيىن بولۋىن ۇعىسقاننان كەيىن، الدىمەن بۇكىل شينجياڭداعى 16 ايماق، قالاداعى بولىمشە سەرىكتىكتەر مەن قالىڭ كادر، جۇمىسشى-قىزمەتكەرلەردى بەلسەنە اتتانىسقا كەلتىرىپ، گۇما اۋدانىنىڭ اۋىل شارۋاشىلىعى ونىمدەرىنىڭ ىندەتتىنىڭ ىقپالىنان ساتۋ قيىن بولۋ ماسەلەسىن شىنايى سۇيەمەلدەپ، شەشىپ، جەرگىلىكتى ورىننان 15 تونناعا جۋىق 6500 قاز ساتىپ الۋدى ۇيعاردى. بۇل قازداردىڭ قۇنى 500 مىڭ يۋانعا تايايدى.
شينجياڭ بىرلەسپە حابارلاسۋ سەرىكتىگى توڭازىتىپ تاسۋ تىزبەگىنىڭ وزىندىك قۇنىن تولىق ويلاسىپ، تاسىمال لەنياسى باسىپ وتەتىن حوتان، قاشقار، اقسۋ، بايىنعولين، تۇرپان، سانجى، ٴۇرىمجى سياقتى سەگىز بولىمشە سەرىكتىك، سونداي-اق اۆتونوميالى رايوندىق سەرىكتىكتىڭ ٴوز تاراۋىن كەڭ كولەمدە اتتانىسقا كەلتىرىپ، تۇتىنۋ ارقىلى كەدەيلەردى سۇيەمەلدەۋ تاسىلىمەن گۇما اۋدانىنىڭ كاسىپ سالاسىنىڭ دامۋى مەن كەدەيلىكتەن ارىلتۋدان قامال الۋىنا دەم بەردى.
تۇتىنۋ ارقىلى كەدەيلەردى سۇيەمەلدەۋدە، ٴبىز ارەكەتكە كەلدىك
ۇعىسۋعا قاراعاندا، شينجياڭ بىرلەسپە حابارلاسۋ سەرىكتىگى بىلتىردىڭ وزىندە باسىمدىلىقتارىن ساۋلەلەندىرىپ، تۇتىنۋ ارقىلى كەدەيلەردى سۇيەمەلدەۋدە جاڭالىق اشىپ، قىستاق تۇرعىندارىنىڭ «وسايشي» ديقانداردىڭ ەلەكتروندى ساۋدا سەلبەستىك كووپەراتيۆىن قۇرۋىن جەبەۋ نەگىزىندە، ٴبىر تۇتاس قوراپتاۋ، زات اينالىمى تاسىمالىنىڭ ىركىلىسسىز بولۋىنا ىزدەنىس جاساۋ، شىعىس، باتىس بولەك بىرلەسپە حابارلاسۋ سەرىكتىكتەرىنىڭ تۇتىنۋ ارقىلى كەدەيلەردى سۇيەمەلدەۋ سەلبەستىگىن كۇشەيتۋ، بىرلەسپە حابارلاسۋ سەرىكتىگىنىڭ رەسمي ميكروبلوگى ارقىلى سەلبەسىپ ۇگىت جۇرگىزۋ، كاسىپتىك جەتەكشىلىك ەتۋ، توراپ دۇكەنىن قۇرۋعا سەلبەسۋ، ەرىكتىلەردى قابىلداۋ سياقتى تاسىلدەر ارقىلى كەدەيلەردى سۇيەمەلدەۋ اۋىل شارۋاشىلىق ونىمدەرىن ساتۋعا كومەكتەسىپ، گۇما اۋدانىنداعى ٴتۇرلى اۋىل شارۋاشىلىق ونىمدەرىنەن جيىنى 150 توننادان استام ساتىپ، ساتۋ سوماسى 6 ميلليون يۋانعا تاياعان.
شينجياڭ بىرلەسپە حابارلاسۋ سەرىكتىگى پارتكومىنىڭ مۇشەسى، ورىنباسار باس ديرەكتورى، حوتان ايماعى گۇما اۋدانىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باس جەتەكشىسى لۋ يۇڭپيڭ بىلاي دەدى : « تۇتىنۋ ارقىلى كەدەيلەردى سۇيەمەلدەۋ قيمىلىن ورىستەتۋ » رۋحىنا بەلسەنە ٴۇن قوسۋ ٴۇشىن، شينجياڭ بىرلەسپە حابارلاسۋ سەرىكتىگى تۇتىنۋ ارقىلى كەدەيلەردى سۇيەمەلدەۋ تەبىنىن اناعۇرلىم ارتتىرىپ، تۇتىنۋ ارقىلى كەدەيلەردى سۇيەمەلدەۋ جىلدىق نىسانا مىندەتتەرىن ٴارقايسى ورىندارعا ٴبولىپ، تۇتىنۋ ارقىلى كەدەيلەردى سۇيەمەلدەۋدىڭ تۇلعالىق جاۋاپكەرشىلىگىن قاتايتامىز. اسحانا تىكەلەي ساتىپ الۋ، جۇمىسشى-قىزمەتكەرلەردىڭ مەرەكەلىك حال سۇراۋ بۇيىمدارىن ساتىپ الۋ، قاريدارلارمەن بايلانىستى توعىستىرۋدى ساتىپ الۋ، ناق مايداندا كورمەگە قويىپ ساتۋعا ۇيىمداستىرۋ، ولكەلىك بولىمشە سەرىكتىكپەن تۇتىنۋ ارقىلى كەدەيلەردى سۇيەمەلدەۋ سەلبەستىگىن كۇشەيتۋ سياقتى كوپ ٴتۇرلى جەلىدەگى جانە جەلىدەن تىس تاسىلدەر ارقىلى كەدەي اۋدانداردىڭ ەرەكشە ونىمدەرىن ساتىپ الىپ نەمەسە ساتۋعا كومەكتەسىپ، كەدەي وڭىرلەردىڭ ەرەكشە، ساپالى كاسىپتەرىن كەڭەيتۋىن، كۇشەيتۋىن سۇيەمەلدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل دەم بەرەمىز. 2020 ـ جىلى شينجياڭ بىرلەسپە حابارلاسۋ سەرىكتەستىگى گۇما اۋدانىنا جاردەمدەسىپ، 8 ميلليون يۋاندىق اۋىل شارۋاشىلىق ونىمدەرىن ساتۋدى ورىنداماشقى بولىپ وتىر.
شينجياڭ بىرلەسپە حابارلاسۋ سەرىكتەستىگىنەن سىرت، ٴبىر قىدىرۋ كاسىپورىندار دا تۇرلىشە تاسىلدەرمەن تۇتىنۋ ارقىلى كەدەيلەردى سۇيەمەلدەۋ تاسىلىمەن گۇما اۋدانىنىڭ كەدەيلىكتەن ارىلتۋدان قامال الۋىنا دەم بەردى. جۇڭگو وڭتۇستىك اۆياتسيا سەرىكتىگى 2018-جىلدان باستاپ، جەرگىلىكتى ورىننىڭ ٴبىرىنشى شۋجيى، قىزمەت اترەتىنىڭ باستىعى ارقىلى ۇزدىكسىز جان-جاققا شاپقىلاپ، ساۋداگەرلەر، كاسىپورىنداردىڭ جەرگىلىكتى ورىننىڭ اۋىل شارۋاشىلىق ەرەكشە ونىمدەرىن ساتىپ الۋىنا بايلانىس جاسادى.
2019 ـ جىلى، « بروۋن مىرزا » سەرىكتىگىٴار ايدا شارۋالاردان 2 توننا جاڭعاق ٴدانىن ساتىپ الۋعا زاكاز بەردى؛ جاڭا اقپارات قۇرالدارى ۇگىتىنەن پايدالانىپ، ” جاڭعاق ٴدانىنىڭ ٴدامىن تاتىڭىز “ قيمىلىن ورىستەتىپ، كەدەيلىكتەن ارىلتۋدان قامال الۋعا دەم بەرىپ، جاڭعاق ٴدانىن بەيجيڭ، شاڭحاي، گۋاڭجوۋ، شىنجىن، حۋبەي، گۇيلين، بيحاي سياقتى 45 قالاعا ساتىپ، بۇل 23 ولكە ورتالىعى مەن توتە قاراستى قالانى قامتىدى. گۇمانىڭ جەرگىلىكتى جاڭعاعىن سىرتقا شىعارىپ ساتۋ ٴتاسىلى ارقىلى 2018 ـ جىلى قىستاق تۇرعىندارىنىڭ ساتىلماي قالعان جاڭعاقتارىنان كىرگەن كىرىسى جالپى 600 مىڭ يۋاننان استى، 2019 ـ جىلى 10 ـ ايدىڭ باسىنان 2020 ـ جىلى 3 ـ ايعا دەيىن قىزمەت اترەتى ٴتۇرلى جولدار ارقىلى 17.7 توننا جاڭعاق ٴدانىن ساتىپ، ساتۋ كىرىسى 780 مىڭ يۋاننان استى.
كەدەيلەردى سۇيەمەلدەۋدەن قامال الۋ تۇتاس قوعامنىڭ بىرگە قۇلشىس جاساۋىن قاجەت ەتەدى، ٴارى كاسىپورىنداردىڭ قوعامدىق جاۋاپكەرشىلىگى مەن مىندەتى دە وسىندا. قازىر تۇتىنۋ ارقىلى كەدەيلەردى سۇيەمەلدەۋ دە كاسىپورىنداردىڭ جاۋاپكەرشىلىك ارقالاۋى مەن جاۋاپكەرشىلىكتى ايگىلەۋدەگى ماڭىزدى تاسىلىنە اينالدى. اناعۇرلىم كوپ كاسىپورىنداردىڭ، توپتاردىڭ، ۇيىمداردىڭ تۇتىنۋ ارقىلى كەدەيلەردى سۇيەمەلدەۋگە ات سالىسۋىن، شينجياڭداعى كەدەي اۋدانداردىڭ كەدەيلىكتەن ارىلىپ، كىرىسىن ارتتىرۋىنا دەم بەرۋىن ٴۇمىت ەتەمىز. ( اۋىل شارۋاشىلىعىنا كومەكتەسۋ كەڭەس سۇراۋ تەلەفونى : 2336742 – 0991)
اۋدارعان: قادىر ماقان
