شينجياڭ قۇلجا قالاسى قازانشى ۇلتتىق سالت-سانا ساياحات رايونىنداعى اۋاگۇل قادىردىڭ ءۇيىنىڭ سىرتقى كورىنىسى (4-ايدىڭ 8-كۇنى تۇسىرىلگەن).
4-اي، ىلە قازاق اۆتونوميالى وبلىسىنىڭ ورتالىعى قۇلجا قالاسى بىرتىندەپ جىلىنا باستادى، جەرگىلىكتى ورىنداعى ايگىلى ساياحات ورنى قازانشىدان كوكتەم لەبى ەستى.
قازانشى ۇلتتىق سالت-سانا ساياحات رايونى ۇيعۇر ۇلتىنىڭ سالت ـ ساناسىن نەگىزگى تۇلعا ەتكەن كولەمدى بايىرعى ەكولوگيالىق گۋمانيتارلىق كورىنىس ٴوڭىرى، ەجەلدەن ”وڭتۇستىكتە قاشقار گاۋتاي تۇرعىندار تۇراعى، سولتۇستىكتە ىلەنىڭ قازانشىسى بار“ دەگەن ٴسوز بار. 23 شارشى كيلومەترگە جۋىق ساياىات رايونىندا ۇيعۇر، قازاق، حۇيزۋ، تاتار، وزبەك قاتارلى كوپ ۇلت قونىستانعان، جان سانى شامامەن 120 مىڭ.
كورىنىس رايونىنا كىرە قالساڭىز، ءبىرىنشى بەكەت تۇرداحۇن باي اۋلاسى. اۋلادا شيە گۇلى جايقالا اشىلعان، ءدالىزدىڭ ەكى جاعىنداعى ءجۇزىم ەندى عانا بۇرشىك جارا باستادى. 20-عاسىردىڭ 30-جىلدارىندا، بۇل اۋداندى ۇيعۇر ۇلتىنداعى باي ساۋداگەر تۇرداحۇن سالعان، كەيىن يەسى بىرنەشە رەت الماسقان. قۇرىلىستىڭ جالپى تۇلعاسى سولعىن كوك ٴتۇستى بولىپ، ستيلى كوپ نەگىزدى مادەنيەتپەن توعىسقان.