تيانشان تورى   ›   جاڭالىقتار   ›   شينجياڭ حابارلارى

جۇڭگونىڭ قىرعىزستانعا باراتىن بىرلەسكەن قىزمەت گرۋپپاسى اتتاندى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 20 - كۇنى ۇرىمجىدەن حابارلايدى. قىرعىزستان ۇكىمەتىنىڭ ۇسىنىسىمەن، شينجياڭ ۇيعۇر اۆتونوميالى رايونى ۇيىمداستىرىپ قۇرعان جۇڭگونىڭ قىرعىزستانعا باراتىن بىرلەسكەن قىزمەت گرۋپپاسى ءۇرىمجى ديوپۋ حالىقارالىق اۋەجايىنان 4 - ايدىڭ 20 - كۇنى جولعا شىعىپ، ىندەتتەن ساقتانۋ - تىزگىندەۋ قىزمەتىن ورىستەتۋ ءۇشىن قىرعىزستانعا اتتاندى.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اۋەجايعا بارىپ اتتاندىرىپ سالدى ءارى اۆتونوميالى رايوندىق پارتكوم مەن ۇكىمەت اتىنان كوپشىلىكتەن حال سۇرادى جانە ولارعا العىس ايتتى.

  بىرلەسكەن قىزمەت گرۋپپاسىنىڭ 10 مۇشەسىنىڭ ىشىندە 6 ەمدەۋ مامانى بار، جەكە - جەكە اۆتونوميالى رايوندىق حالىق شيپاحاناسىنان، شينجياڭ مەديتسينا داشۋەسىنە قاراستى 1 - شيپاحانادان، اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعىنان جانە قىزىلسۋ ق−ىرعىز اۆتونوميالى وبلىستىق حالىق شيپاحاناسىنان كەلگەن، ماماندىق سالاسى تىنىس جولى، سالماقتى اۋرۋلار، جۇڭگوشا شيپاگەرلىك، كۇتىمدەۋ، الەۋمەتتىك دەنساۋلىق ساقتاۋ سياقتىلاردى قامتيدى. بىرلەسكەن قىزمەت گرۋپپاسى ەلىمىزدىڭ قىرعىزستاندا تۇراتىن حۋاچياۋلارىنا، جۇڭگو قارجىلاندىرعان قۇرىلىمداردىڭ قىزمەتكەرلەرىنە، كۇڭزى شۋەيۋانىنىڭ ەرىكتى وقىتۋشىلارى مەن وسىندا وقىپ جاتقان وقۋشىلارىنا ىندەتتەن ساقتانۋ - تىزگىندەۋ بويىنشا كەڭەس بەرەدى جانە جەتەكشىلىك ىستەيدى ءارى عىلىم جالپىلاستىرۋ تاربيەسى مەن ساقتانۋ - قورعانۋ بىلىمدەرى جونىندە ۇگىت جۇرگىزەدى، سونداي - اق قىرعىزستان ۇكىمەت تاراۋلارىمەن، اۋرۋدىڭ الدىن الۋ - تىزگىندەۋ تاراۋلارىمەن، شيپاحانالارمەن جانە ماماندارمەن ىندەتتەن ساقتانۋ - تىزگىندەۋ تاجىريبەلەرىن ورتاقتاسادى جانە پىكىر اۋىستىرادى.

  بىرلەسكەن قىزمەت گرۋپپاسى تاعى شينجياڭ ۇيعۇر اۆتونوميالى رايونى اتاعان ىندەتكە قارسى اتتانۋ ەمدەۋ زاتتىق ماتەريالدارىن جانە ءبىر توپ ىندەتەن ساقتانۋ دارىلەرىن دە الا باردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى