تيانشان تورى   ›   جاڭالىقتار   ›   شينجياڭ حابارلارى

ءوز دەنساۋلىعىمىزدىڭ ءبىرىنشى جاۋاپتىسى بولايىق

شينجياڭ گازەتىنىڭ جالپىلىق اقپارات قۇرالدارى تىلشىلەرى

  اقاۋسىز تۇرمىس، باقىتتى بولاشاق. 32 - رەتكى وتانشىلدىق تازالىق ايى كەزىندە، بۇكىل شينجياڭداعى ءار ۇلت بۇقاراسى جاپپاي وزدەرىنەن باستاپ ىسكە كىرىسىپ، ءىس جۇزىندىكتى تياناق ەتىپ، ءوز دەنساۋلىعىنىڭ ءبىرىنشى جاۋاپتىسى بولىپ، وركەنيەتتى، اقاۋسىز، جاسىل، ورتانى قورعايتىن تۇرمىس ءتاسىلىن ۇستانىپ، ىندەتتەن ساقتانۋ - تىزگىندەۋ تابىستارىن بەكەمدەۋ ءۇشىن ءوز ۇلەستەرىن قوستى.

  4 - ايدىڭ 15 - كۇنى ساباق ارەدىگىندە ءۇرىمجى قالالىق 1 - ورتا مەكتەپ تولىق ورتا 3 - جىلدىعى (7) كلاسىنىڭ وقۋشىسى ياڭ حۇي - ي جاراقسىز قاعازدى ”قايتارىپ الۋعا بولاتىن زاتتار“ دەگەن بەلگى بار قوقىر - قوقسىق ساندىعىنا تاستادى. ىندەتتەن ساقتانۋ - تىزگىندەۋ اتقارىلعاننان بەرى، ياڭ حۇي - ي مەن ونىڭ ساباقتاستارى وركەنيەتتى، اقاۋسىز، جاسىل، ورتانى قورعايتىن تۇرمىس ءتاسىلىن ورناتۋ جونىندە شىت جاڭا تانىمعا يە بولدى. ۇيرەنۋ جانە تۇرمىس بارىسىندا كوپشىلىك جاسىل، ورتانى قورعايتىن تۇرمىس ءتاسىلىن اتقارۋدىڭ امالياتتا ايگىلەۋشىسى بولۋعا بەلسەنە قۇلشىندى.

  ”اقاۋسىز تۇرمىس ءتاسىلى − ءومىر حاۋىپسىزدىگىن قامتاماسىز ەتۋدىڭ ماڭىزدى نەگىزىنىڭ ءبىرى. ءاربىر ادام ءوز دەنساۋلىعىنا، الدىمەن، ءوزى جاۋاپتى بولۋ كەرەك، ال تۇتاس قوعامنىڭ وركەنيەتتى اقاۋسىزدىعى كوپشىلىكتىڭ بىرگە قۇلشىنۋىن قاجەت ەتەدى. قايتالاي پايدالانۋعا بولاتىن زات ساتىپ الۋ دورباسىن ىستەتەمىن، قوقىر - قوقسىقتى دەن قويا ەگجەي - تەگجەيلى ويداعىداي تۇرگە ايىرامىن... مەن ءوز ارەكەتىم ارقىلى توڭىرەگىمدەگى ادامداردى جەتەكتەپ، جاسىل، ورتانى قورعايتىن تۇرمىسقا قاراي بىرگە قادام تاستاۋدى ءۇمىت ەتەمىن“، - دەدى ياڭ حۇي - ي.

  ءبىر ستاكان سيىر ءسۇتى، ءبىر تاۋىق جۇمىرتقاسى جانە بادام، مەيىز سياقتى كەپتىرىلگەن جەمىستەر حوتان قالاسى يۇرۇڭقاش قالاشىعى ىگەرشى قىستاعىنىڭ تۇرعىنى ءماريامنيسا يمىنتوحتىنىڭ تاڭعى اسى، كۇننەن - كۇنگە جاقسارىپ كەلەدى.

  ”بۇرىن وتباسىمىز تاڭعى استا نان جەيتىن، تۇسكى تاماقتا كوبىندە پالاۋ، لاڭمان سياقتىلاردى ىستەيتىنبىز، ءتۇرى ەداۋىر جالاڭ، مايلى بولاتىن، ۋاقىت ۇزارا كەلە جوعارى قان قىسىمى، قانتتى نەسەپ اۋرۋى سياقتى سوزىلمالى اۋرۋلار دا بىرتىندەپ پايدا بولدى. ىندەتتەن ساقتانۋ - تىزگىندەۋ ساۋاتتارىن ۇيرەنگەننەن كەيىن، قىستاق تۇرعىندارى دەنساۋلىقتارىنا بۇرىنعىدان ارمان ءمان بەرىپ، قورەكتىك بىركەلكى بولماۋداي ازىقتانۋ ادەتىن جاپپاي وزگەرتتى. جاڭعاق، شىلان، ءجۇزىم ءبارى ءوز جەرىمىزدە ەگىلگەن، لايىقتى تاماقتانۋمەن قاتار، ۇيلەسىمدى ارەكەتتەنسەم، ونە بويىم سەرگىپ قالعانداي سەزىنەمىن“، - دەدى ءماريامنيسا.

  4 - ايدىڭ 16 - كۇنى تاڭعى شىنىعۋدى اياقتاتقاننان كەيىن، تولى اۋدانى تولى قالاشىعى بايگەتوبە الەۋمەتتىك اۋماعىندا تۇراتىن 62 جاستاعى پارتيا مۇشەسى ايتىكەن توقتارقان كۇندەگىسىنشە گازەت وقي باستادى.

  ”ءبىز قارتتار شىنىعىپ، دەنە قۋاتىمىزدى كۇشەيتىپ قانا قويماي، جاڭا ينفورماتسيالاردى قابىلداپ، ۇزدىكسىز وي جۇگىرتۋ ارقىلى ۇلكەن ميدىڭ ومىرشەڭدىگىن ساقتاپ، تىنىش وتىرۋ مەن ارەكەتتى ۇشتاستىرىپ، كوڭىل كۇيدىڭ تۇراقتىلىعىن ساقتاۋىمىز كەرەك. اقاۋسىز دەنساۋلىق بولعاندىقتان عانا باقىتتى تۇرمىسقا كەنەلىپ وتىرمىز عوي!“، - دەدى ايتىكەن.

  كۇنەس اۋدانى ساربۇلاق قالاشىعى حۇڭتۋباي قىستاعىنىڭ 45 جاستاعى قىستاق تۇرعىنى اۋدانبەك مولدان تەمەكى قۇمار ادام بولاتىن، تاياۋدا بالالارىنىڭ قۋزاۋىندا تەمەكىسىن تاستادى.

  ”بالالار ماعان وسى اي وتانشىلدىق تازالىق ايى، ءاربىر ادام ءوزىنىڭ دەنساۋلىعىنا جاۋاپتى بولۋعا ءتيىس دەپ، ىلە - شالا مەنىڭ تۇرمىس ادەتىمدى وزگەرتۋىمدى، تەمەكىنى، اراقتى تاستاۋىمدى تالاپ ەتتى“. اۋدانبەك كۇلىپ تۇرىپ بىلاي دەدى: 4 - ايدىڭ باسىنان باستاپ، تەمەكى تارتۋدى بىرتىندەپ ازايتتىم، قازىر نەشە ون كۇن بولدى تەمەكىگە جولاعان جوقپىن.

  ”تەمەكىنى ازايتۋ باستابىندا قيىنداۋ بولعانىمەن، دەنەم جەڭىلدەپ قالعانداي سەزىندىم. بالالاردىڭ ايتقانى ءجون، مەن ءوز دەنساۋلىعىمنىڭ ءبىرىنشى جاۋاپتىسىمىن، ءاربىر ادامنىڭ اقاۋسىزدىعى وتباسىنىڭ باقىتى“، - دەدى اۋدانبەك .

  (ءتىلشى جاۋ چۇنحۋا، جازۋعا قاتىناسقان تىلشىلەر ۋي حۇڭپيڭ، ءپاريزات ابدۇل، چىڭ يۋەيۋە، ءجازيرا نەسىپبەك)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى