حالىق قۇرىلتايى ۋاكىلدەرى كەدەيلىكتەن ارىلتۋدان قامال الۋدا ارەكەتكە كەلدى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن

　　اۆتونوميالى رايوندىق حالىق قۇرىلتايى تۇراقتى كوميتەتى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ كەلەلى ساياسي جاۋاپكەرشىلىگىن باتىل ارقالاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، ءار دارەجەلى حالىق قۇرىلتايى ۋاكىلدەرىن كەدەيلىكتەن ارىلتۋدان قامال الۋ قىزمەتى بارىسىندا زاڭ بويىنشا مىندەت اتقارۋعا، جاۋاپكەرشىلىك ارقالاپ، ىسكەرلىك كورسەتۋگە، رولدارىن ساۋلەلەندىرۋگە ۇيىمداستىردى، جەتەكتەدى. بۇكىل رايونداعى ءار دارەجەلى حالىق قۇرىلتايى ۋاكىلدەرى بەلسەنە ءۇن قوسىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە باتىلدىقپەن كىرىسىپ، ءار ۇلت بۇقاراسىن ىنتىماقتاستىرىپ جانە باستاپ، قيىندىقتاردان قامال الۋدىڭ قۋاتتى وڭ ەنەرگياسىن ۇيىستىردى.

　　بيىل اۆتونوميالى رايوندىق حالىق قۇرىلتايى تۇراقتى كوميتەتى بۇكىل رايونداعى حالىق قۇرىلتايى ۋاكىلدەرىن ۇيىمداستىرىپ، حالىق قۇرىلتايى ۋاكىلدەرى ”كەدەيلىكتەن ارىلتۋدان قامال الۋدا ارەكەتكە كەلدى“ ۋاكىلدەردىڭ نەگىزگى تاقىرىپتىق قيمىلىن ورىستەتىپ، ءار دارەجەلى حالىق قۇرىلتايى ۋاكىلدەرىنىڭ ءبىرىنشى شەپكە تامىر تارتۋ جانە بۇقارامەن ەتەنە بايلانىس ورناتۋ سىندى ارتىقشىلىقتارىن تولىق ساۋلەلەندىرىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋگە دەم بەردى.

وزدەرى ونەگە كورسەتىپ، كەدەيلىكتەن ارىلتۋدان قامال الۋعا دەم بەردى

　　1 - ايدىڭ 19 - كۇنى مەملەكەتتىك حالىق قۇرىلتايى ۋاكىلى، ەرەكشە ترانسفورماتور سەرىكتەستىگى پارتكومىنىڭ شۋجيى، باس جوراسى جاڭ شين سەرىكتەستىك پارتكومى مۇشەلەرىن باستاپ حوتان قالاسىنا كەلىپ، ارناۋلى كەدەيلەردى سۇيەمەلدەۋ قىزمەتىن ورىستەتتى. بيىل 1 - توقساندا شينجياڭ ەرەكشە ترانسفورماتور شەكتى جارنا سەرىكتەستىگى 6 ميلليون يۋاننان استام قارجى قوسىپ، باعىتتامالى كومەكتەسەتىن، سۇيەمەلدەيتىن ەكى قىستاقتىڭ جاڭعاق وڭدەۋ كاسىبىن، ماي تارتۋ سەلبەستىك كووپەراتيۆىن، سىركە سۋ زاۆودىن، اۋلا باعىمشىلىعىن، ت. ب دامىتۋىن ۇزدىكسىز بەكەمدەپ، دارەجەسىن جوعارىلاتىپ، كاسىپ سالاسى ارقىلى كەدەيلەردى سۇيەمەلدەۋدى، وقۋ - اعارتۋ ارقىلى كەدەيلەردى سۇيەمەلدەۋدى تەرەڭدەتتى.

　　2017 - جىلدان باستاپ، ەرەكشە ترانسفورماتور شەكتى جارنا سەرىكتەستىگى مەن حوتان قالالىق ۇكىمەتى يۇرۇڭقاش قالاشىعىنىڭ التىلا قىستاعى، قىرىقەرىق قىستاعى سىندى 2 اۋىر كەدەي قىستاققا باعىتتامالى كومەكتەسۋ - سۇيەمەلدەۋ كەلىسىمىنە قول قويىستى، سەرىكتەستىك ساياسيدا بەرىك، قابىلەتى ىسىلعان، قوس ءتىل بىلەتىن 14 كادردى ۇزاق ۋاقىت قىستاقتا تۇرىپ، تۇيىندە كومەكتەسۋگە، سۇيەمەلدەۋگە تاڭداپ جىبەردى، 2019 - جىلعا جەتكەندە، 2 قىستاققا كومەكتەسىپ تۇتاس تۇلعالىق كەدەيلىكتەن ارىلۋدى جۇزەگە اسىردى.

　　كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ بارىسىندا ءار دارەجەلى حالىق قۇرىلتايى ۋاكىلدەرى كەدەي وتباسىلارىنىڭ كوز الداعى ەكونوميكالىق كىرىسىن جوعارىلاتۋعا نازار اۋدارىپ قانا قالماستان، كەدەيلەردى سۇيەمەلدەۋدە ەرىك - جىگەردى شىڭاۋمەن، اقىل - پاراسات جاعىنان سۇيەمەلدەۋمەن ۇشتاستىرۋعا دا دەن قويدى.

　　اۆتونوميالى رايوندىق حالىق قۇرىلتايىنىڭ ۋاكىلى، شاعانتوعاي اۋدانى جاڭا جەر اۋىلى اقتوبە قىستاعىنىڭ كادرى ءپاريدا مۇحتارحان ەرىك - جىگەردى شىڭاۋ، اقىل - پاراسات جاعىنان سۇيەمەلدەۋدەن كىرىسىپ، كەدەي وتباسىلارىن ميكروبلوگ، ۋيچات ارقىلى جەرگىلىكتى ورىننىڭ كەپتىرىلگەن جىلقى ەتى، ءشۇبات، جەرگىلىكتى تاۋىق جۇمىرتقاسى، قۇرت سياقتى مال شارۋاشىلىعى، ءۇي قۇستارى ونىمدەرىن ساتۋعا جەتەكتەپ، بۇقارانىڭ ينتەرنەتتەن ءوندىرىس، تۇرمىس بۇيىمدارىن ساتىپ الۋىنا كومەكتەستى.

　　بۇرىن ”اقشاعا جارامايتىن“ جەرگىلىكتى ەرەكشە ونىمدەردىڭ ەلەكتروندى ساۋدا ارقىلى بۇكىل ەلدىڭ جەر - جەرىنە جاقسى باعادا ساتىلعاندىعىن كورگەن سوڭ، بۇقارا باستابىندا قابىل كورمەسە دە كەيىن ىرىقتىلىقپەن ات سالىساتىن بولدى. بۇل كۇندەرى قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ ورتاق قۇلشىنىسىندا، اقتوبە قىستاعى تۇتاس قىستاق بويىنشا كەدەيلىكتەن ارىلۋدى جۇزەگە اسىردى.

كەدەيلەردى سۇيەمەلدەۋ ساياساتىن ۇگىتتەپ، حالىق تۇرمىسىمەن جاناستى

　　بۇل كۇندەرى مەملەكەتتىك حالىق قۇرىلتايىنىڭ ۋاكىلى، بيڭتۋان 1 - شىسى 13 - تۋانى 11 - ليانىنىڭ قىزمەتكەرى يوۋ لياڭيىڭ جاڭا سالاۋاتقا يە بولدى − ارال قالالىق سالىق مەكەمەسىنىڭ سالىق كىرىس ۇگىتشىسى.

　　تاياۋدا ارال قالالىق سالىق مەكەمەسىنىڭ كادرى يوۋ لياڭيىڭگە ارنايى امانداسا بارىپ، وعان جانە كووپەراتيۆ مۇشەلەرىنە ىندەتتەن ساقتانۋ - تىزگىندەۋ جانە كاسىپورىنداردىڭ ءوندىرىستى، تۇرمىستى قالپىنا كەلتىرۋىن قولداۋ جونىندەگى سالىق اقىسىندا تيىمدىلىك جاساۋ ساياساتتارىن ۇگىتتەدى، ءتۇسىندىردى. ”سالىق ىستەرى كادرلارىنىڭ بىزگە تيىمدىلىك ساياسات ۇلكەن تارتۋىن ۇسىنىپ، ءبىزدىڭ سەلبەستىك كووپەراتيۆتى دامىتىپ، كەدەيلىكتەن ارىلۋدى جەتەكتەۋ سەنىمىمىزدى كۇشەيتكەندىگىنە راقىمەت، مەن تۋان الاڭداعى جۇمىسشى - قىزمەتكەرلەرگە سالىق كىرىسىنىڭ ەكونوميكالىق دامۋعا جانە كەدەيلىكتەن ارىلتۋدان قامال الۋعا قىزمەت وتەۋ ونىمدىلىگىن جان - جاقتىلى ۇگىتتەيمىن“، - دەدى يوۋ لياڭيىڭ.

　　بۇكىل رايونداعى ءار دارەجەلى حالىق قۇرىلتايى ۋاكىلدەرى نەگىزگى ساتىعا بارىپ، بۇقارامەن بەتپە - بەت اڭگىمەلەسۋ سياقتى قاراپايىم، ۇعىنىقتى ادىستەر ارقىلى كەدەي وتباسىلارىنا كاسىپ سالاسى ارقىلى سۇيەمەلدەۋ، سالاماتتىق ارقىلى سۇيەمەلدەۋ، جۇمىستاندىرۋ ارقىلى سۇيەمەلدەۋ سياقتى ساياساتتار جونىندە ۇگىت - لەكسيا ورىستەتىپ، كەدەي بۇقارانىڭ پارتيانىڭ كەدەيلەردى سۇيەمەلدەۋ جاقسى ساياساتتارىن تۇسىنۋىنە مۇمكىندىك جاساپ، كەدەيلىكتەن ارىلۋ سەنىمى مەن ”قان جاساۋ“ قابىلەتىن كۇشەيتتى.

　　اۆتونوميالى رايوندىق حالىق قۇرىلتايىنىڭ ۋاكىلى، اۋات اۋدانى تامتوعىراق قالاشىعىنىڭ كادرى راناگۇل ابىليميت اۋىل - قىستاقتا تۋىپ، اۋىل - قىستاقتا ەسەيگەن. ”مەن ۇنەمى قىستاق تۇرعىندارىنىڭ ۇيىنە بارىپ اڭگىمەلەسىپ، پارتيانىڭ كەدەيلىكتەن ارىلتۋدان قامال الۋ ساياساتتارىن ءسوز - سويلەمى بويىنشا تۇسىندىرەمىن“. ءوزىنىڭ مىندەت اتقارۋ تاجىريبەسىنە توقتالعاندا، راناگۇل بىلاي دەدى: ”تەك ’سان ۇيگە كىرىپ، سان وتباسىنىڭ جاعدايىن ءبىلىپ، سان وتباسىنىڭ ۋايىمىن شەشۋدى‘ ورىنداعاندا عانا، شارۋالاردى رازى ەتكەن حالىق قۇرىلتايى ۋاكىلى بولۋعا بولادى“.

قوعام جاعدايىن، حالىق تىلەگىن بەلسەنە اڭىس ەتتى

　　اۆتونوميالى رايوندىق حالىق قۇرىلتايىنىڭ ۋاكىلى، يۇپۇرعى اۋداندىق 1 - ورتا مەكتەپتىڭ ورىنباسار مەكتەپ باستىعى نۇرمامەت يمىن تالاي رەت يۇپۇرعى اۋدانى سيەك اۋىلى اقتىكەن قىستاعىنا بارىپ، كەدەيلىكتەن ارىلتۋدان قامال الۋعا سول جەردىڭ وزىندە تەكسەرۋ - زەرتتەۋ جۇرگىزىپ، بۇقارانىڭ ۇنىنە قۇلاق اسىپ، پارتيا مۇشەلەرىنىڭ، كادرلاردىڭ، بۇقارانىڭ ۇسىنىس - پىكىرىن كەڭىنەن جينادى ءارى كەدەيلەردى سۇيەمەلدەۋ سەحىندا تاپسىرىستىق ۇلگىدە ءوندىرۋ، كاسىپ سالاسىنىڭ ورنالاسۋى، شارۋالار كەشكى بازارىن جوسپارلاۋ سياقتى جاقتاردا ۇيلەسىمدى ۇسىنىس بەردى. نۇرمامەت بىلاي دەدى: ”حالىق قۇرىلتايى ۋاكىلى رەتىندە، ءوزىمىز ونەگە كورسەتىپ، كەدەيلىكتەن ارىلتۋدان قامال الۋعا اناعۇرلىم ويداعىداي قىزمەت ەتۋىمىز كەرەك“.

　　«كەدەي وڭىرلەردە دارىندىلاردىڭ ازايۋى ماسەلەسىنە ايرىقشا ءمان بەرۋ جونىندەگى ۇسىنىس»، «اۋىل - قىستاقتاردىڭ قونىس ورتاسىن رەتتەۋ - جونگە سالۋ بويىنشا سيلاۋ - تولىقتاما بەرۋ ءادىسىن بەلگىلەۋ، شىعارۋ جونىندەگى ۇسىنىس»... ءتىلشى اۆتونوميالى رايوندىق 13 - كەزەكتى حالىق قۇرىلتايىنىڭ 2 - رەتكى ءماجىلىسى كەزىندەگى حالىق قۇرىلتايى ۋاكىلدەرىنىڭ ۇسىنىستارىن اقتارىپ كوردى، ەداۋىر بولىگى كەدەيلىكتەن ارىلتۋدان قامال الۋمەن قاتىستى ەكەن.

　　اۆتونوميالى رايوندىق حالىق قۇرىلتايىنىڭ ۋاكىلى، حوشۇت اۋدانى سۋحاتى اۋىلى ءشورانتولعا قىستاعىنداعى لي جيانحۋا ءوزى ديقان، كەدەيلىكتەن ارىلتۋدان قامال الۋ جونىندە ونىڭ ءوز ويى بار: ”مەن بىرنەشە قىستاق تۇرعىنىمەن بىرلەسىپ ەرەكشە ەگىنشىلىكپەن، باعىمشىلىقپەن اينالىسىپ، شارۋالار ەرەكشە ەگىنشىلىك، باعىمشىلىق سەلبەستىك كووپەراتيۆىن قۇرۋعا ءوتىنىش بەرمەكشىمىن، ونىمدىلىگى كورىلگەننەن كەيىن، باسقا قىستاق تۇرعىندارىن دا قوسىلۋعا باستاپ، ەگىنشىلىك، باعىمشىلىق كولەمىن كەڭەيتىپ، اناعۇرلىم كوپ قىستاق تۇرعىندارىن كىرىستەرىن ارتتىرۋعا جەتەكتەيمىن“.