تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

حۋ چۇنحۋا وڭتۇستىك شينجياڭدا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزىپ، شايقاستى قاداعالادى

حۋ چۇنحۋا وڭتۇستىك شينجياڭدا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزىپ، شايقاستى قاداعالاعاندا بىلاي دەپ باسا دارىپتەدى

كەدەيلىكتەن ارىلتۋدىڭ ەندى قالعان مىندەتتەرىن باتىل ورىنداپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتۋ كەرەك

  4 - ايدىڭ 19 - كۇنى تۇستەن بۇرىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى حۋ چۇنحۋا اقتاۋ اۋدانى اقتاۋ قالاشىعى جىڭىشكە ارىق قىستاعىندا كوكتەمگى ەگىس جاعدايىن جۇمىس باسىندا تەكسەرگەننەن كەيىن جەرگىلىكتى شارۋالارمەن اڭگىمەلەستى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  شينحۋا اگەنتتىگىنىڭ 4 - ايدىڭ 20 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى حۋ چۇنحۋا 4 - ايدىڭ 18 - كۇنىنەن 20 - كۇنىنە دەيىن شينجياڭ ۇيعۇر اۆتونوميالى رايونىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى، شايقاستى قاداعالادى. ول بىلاي دەپ باسا دارىپتەدى: باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، كەدەيلىكتەن ارىلتۋدىڭ ەندى قالعان مىندەتتەرىن باتىل ورىنداپ، كەدەيلىكتەن ارىلتۋ تابىستارىن شىن مانىندە بەكەمدەپ، ىندەتتىڭ ىقپالىن قۇلشىنا جويىپ، اياقتالاتىن جىلداعى قىزمەتتەردى تىڭعىلىقتى جاقسى ىستەۋ كەرەك.

  شينجياڭنىڭ قاشقار ايماعى مەن قىزىلسۋ قىرعىز اۆتونوميالى وبلىسى اۋىر كەدەي وڭىرلەر، ۇلتتىق وڭىرلەر، شەكارا وڭىرلەر، كەدەيلىكتەن ارىلتۋدان قامال الۋدىڭ مىندەتى اۋىر، قيىندىعى زور. حۋ چۇنحۋا ىلگەرىندى - كەيىندى يىڭىسار اۋدانى، ءپايزاۋات اۋدانى، اقتاۋ اۋدانى، اتۇش قالاسى سياقتى جەرلەرگە بارىپ، كەدەي اۋىل - قىستاقتاردى، كەدەيلەردى سۇيەمەلدەۋ كاسىپورىندارىن جانە كەدەيلەردى قونىس جاڭالاپ سۇيەمەلدەۋ، ورنالاستىرۋ تۇيىندەرىن ارالاپ، كەدەي بۇقارانىڭ ءوندىرىس، تۇرمىس جاعدايىن ۇعىستى ءارى اڭگىمە ءماجىلىس اشىپ، پىكىر - ۇسىنىس تىڭدادى.

  حۋ چۇنحۋا بىلاي دەپ باسا دارىپتەدى: كەدەيلىكتەن ارىلتۋدان قامال الۋ جالپى شايقاس كەزەڭىنە ءوتتى، شەشۋشى شايقاستىڭ شەشۋشى جەڭىسىنە جەتەتىن رۋحاني كۇيدى ايگىلەپ، نازاردى كەدەيلىكتەن ارىلتۋدىڭ ەندى قالعان مىندەتتەرىنە شوعىرلاندىرىپ، ساياسات - شارالاردى قاز - قالپىندا تىڭعىلىقتى تياناقتاندىرىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتۋ كەرەك. قالپاعى الىنباعان كەدەي اۋداندار مەن كەدەيلىك دارەجەسى اۋىر كەدەي قىستاقتاردا شايقاستى باسى - قاسىندا قاداعالاپ، قاداعالاۋ ارقىلى شايقاستى جەبەپ، ءار دارەجەلى ورىنداردىڭ جاۋاپكەرشىلىگىن قاتايتىپ، قاداعالاۋ مەن شايقاستى ۇشتاستىرا وتىرىپ ەڭ سوڭعى قيىن قامالدى الۋ كەرەك. قايتا كەدەيلەسۋدەن ساقتانۋداعى باقىلاۋ - ولشەۋ جانە كومەكتەسۋ - سۇيەمەلدەۋ مەحانيزمىن ورناتىپ، اقاۋسىزداندىرىپ، قايتا كەدەيلەسكەن ادامدار مەن جاڭادان كەدەيلەسكەن ادامداردى دەر كەزىندە كومەكتەسۋ - سۇيەمەلدەۋ كولەمىنە كىرگىزۋ كەرەك. ىندەتتىڭ ىقپالىن جويىپ، ۇيىمداستىرۋدى، سايكەستىرۋدى كۇشەيتىپ، كەدەي ەڭبەككۇشتەردىڭ شينجياڭنىڭ ىشىندە جۇمىستانۋىن ىشكەرىلەي جەبەپ، تۇتىنۋ جاعىنان كەدەيلەردى سۇيەمەلدەۋ ارەكەتىن ورىستەتىپ، كەدەيلەردى سۇيەمەلدەۋ نىساندارىنىڭ جۇمىس باستاۋىن زور كۇشپەن ىلگەرىلەتۋ كەرەك. كەدەيلەردى قونىس جاڭالاپ سۇيەمەلدەۋدەن كەيىنگى دەمەۋدى جاقسى ىستەپ، كەدەيلەردى سۇيەمەلدەۋدەگى سايكەستى كاسىپتەردى بەلسەندىلىكپەن دامىتىپ، ورنىعۋىنا، بايۋىنا شىنايى كەپىلدىك ەتۋ كەرەك.

  مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ، اۆتونوميالى رايون باسشىلارىنان لي پىڭشين، جاڭ چۇنلين قاتارلىلار جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.