تيانشان تورى   ›   جاڭالىقتار   ›   عىلىم-تەحنيكا

رايونىمىز 5G ينتەرنەت جەلىسى قۇرىلىسىن جەدەلدەتتى

سيفرلى ەكونوميكانىڭ دامۋىنىڭ تىڭ ساتىعا كوتەرىلۋىن جەبەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ميھرگۇل عوپۇر 4 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق حابارلاسۋدى باسقارۋ مەكەمەسىنەن ۇعىسۋعا قاراعاندا، كەزەكتە، رايونىمىز 3 نەگىزگى تەلەگراف كاسىپورنىن 5G جوسپارى قۇرىلىسى قىزمەتىن ورىستەتۋگە بەلسەنە ۇيىمداستىرىپ، 5G ينتەرنەت جەلىسىنىڭ تۇتاس شينجياڭداعى قۇرىلىسىن جەدەلدەتىپ، سيفرلى ەكونوميكانىڭ دامۋىنىڭ تىڭ ساتىعا كوتەرىلۋىن جەبەيدى ەكەن.

  2019 - جىلى ءۇرىمجى قالاسى بۇكىل ەل بويىنشا 5G ينتەرنەت جەلىسىن ساۋدا ماقساتىندا پايدالانعان تۇڭعىش توپتاعى قالا بولدى. ”بىلتىر رايونىمىزدىڭ نەگىزگى تەلەگراف كاسىپورىندارى 5G ۇلگى ارقىلى ءتۇسىندىرۋ جانە ساۋدا ماقساتىندا پايدالانۋ سىناق ءتۇيىنى پۋنكتىنەن 518ىن سالدى ءارى ىسكە قوستى، نەگىزىنەن، ءۇرىمجى قالاسىنىڭ جۇڭشان جولى، دوستىق سياقتى ساۋدا شەڭبەرلەرىنە ورنالاسىپ، باستىسى، حۇڭگۋاڭشان، شينجياڭ حالىقارالىق ۇلكەن بازارى، اۋەجاي سياقتى وڭىرلەردى ءتۇيىندى تۇردە قامتىدى“. اۆتونوميالى رايوندىق حابارلاسۋدى باسقارۋ مەكەمەسى پارتيا باسشىلىق گرۋپپاسىنىڭ مۇشەسى، 1 - دارەجەلى شارلاۋشى ءالي ءۇسان بىلاي دەدى: ”بيىلدان باستاپ، رايونىمىز ءۇرىمجىنى سەنتر ەتە، تۇتاس شينجياڭنىڭ 5G ينتەرنەت جەلىسىن قۇرۋدى جانە قولدانىسقا ءتۇسىرىپ، جالپىلاستىرۋدى جەبەيدى، ونەركاسىپتە، ساياحات كاسىبىندە ەڭ الدىمەن قولدانىلمالى 5G ينتەرنەت جەلىسىن قۇرادى جانە پايدالانادى“.

  جۇڭگو تەلەگراف شينجياڭ سەرىكتەستىگى بيىل 5G قۇرىلىسىنا 800 ميلليون يۋانعا تاياۋ قارجى قوسادى. كەزەكتە بۇكىل شينجياڭداعى 200 قۇرىلىس ءتۇيىنى جالپى بەتتىك جۇمىس باستادى، نىساننىڭ جوسپارداعى قارقىنى %61كە جەتتى، ءتۇرلى سايكەستى قۇرىلىستار ءتارتىپتى ىلگەرىلەپ، تۇتاس جىلدىق قۇرىلىس نىساناسى بۇرىنعى بەلگىلەنگەن جوسپاردان ءبىر توقسان بۇرىن ورىندالادى؛ 2020 - جىلى ءۇرىمجىنىڭ نەگىزگى قالا اۋماعىن ۇزدىكسىز قامتۋ، باسقا ايماق، وبلىس، قالالارداعى ءۇش جوعارى ءوڭىردى (پايدالانۋشىلاردىڭ تىعىزدىعى جوعارى، اعىن مولشەرى جوعارى، قۇنى جوعارى وڭىرلەردى) تۇتاستىرا قامتۋ جۇزەگە اسىرىلادى؛ 5Gنى پايدالانۋدى، جالپىلاستىرۋدى جەدەلدەتىپ، 5G اسا تۇنىق تىكە تاراتۋ، VR + 5G وقۋ - اعارتۋ، 5G + زەردەلى باقشا اۋماعى، 5G + زەردەلى ساياحات سياقتى جاقتارداعى پايدالانىلۋىن جالپى بەتتىك ىلگەرىلەتىپ، شينجياڭعا AI + بۇلت + 5G سيفرلاندىرۋمەن كۇش ۇستەپ، رايونىمىزدىڭ سيفرلى ەكونوميكاسىنىڭ دامۋىنا دەم بەرەدى.

  جۇڭگو جىلجىمالى حابارلاسۋ شينجياڭ سەرىكتەستىگى 5G قىزمەتىن ىلگەرىلەتۋ باسشىلىق گرۋپپاسىن قۇرىپ، ءۇرىمجى قالاسى بەيجيڭ جولى تيجارات زالى 5G سەزىنۋ ارناۋلى اۋماعىن قۇرىپ، شينجياڭ حالىقارالىق ۇلكەن بازارى ساياحات تۇيىنىندە 5G كاسىبىن جالپىلاستىرۋدى ەڭ الدىمەن ورىنداپ، حۇڭگۋاڭشان كورمە ورتالىعى اۋماعىندا ”+ 5G“ بىرلەسكەن جاڭالىق اشۋ بازاسىن تۇلعالادى ءارى ەنەرگيا، حاۋىپسىزدىك، ساياحات، ەمدەۋ سياقتى سالالاردا 5Gنىڭ قولدانىلمالى سىناق ءتۇيىنىن ورىستەتتى. ىلگەرىندى - كەيىندى 20 ورىنمەن بىرگە ”5Gنى زات اينالىمى ينتەرنەتىمەن بىرلەستىرۋ تاجىريبەحاناسىن“ قۇرىپ، زەردەلى جاساۋ، زەردەلى قالا، زەردەلى ەمدەۋ، زەردەلى وقۋ - اعارتۋ سياقتى ءتۇرلى ۆەرتيكال كاسىپ سالا بايلىعىن شوعىرلاندىرىپ، قولدانىستاردىڭ تياناقتانۋىن ىلگەرىلەتتى.

  جۇڭگو بىرلەسكەن حابارلاسۋ شينجياڭ بولىمشە سەرىكتەستىگى 5G ينتەرنەت جەلىسىنىڭ ۇلكەن كەڭ جولاقتى، ۇلكەن جالعانىمدى، كەشەۋىلدەتىم ۋاقىتى قىسقا قۋاتىنا سۇيەنىپ، جاڭا اقپارات قۇرالدارى، ونەركاسىپ ينتەرنەتى، وقۋ - اعارتۋ، ەمدەۋ ءتۇيىندى كاسىپ سالاسى ورتاسىن ارقاۋ ەتىپ، 5Gنىڭ قولدانىلمالى ورتاسىن ۇزدىكسىز مولايتىپ، دامۋ اياسىن كەڭەيتىپ، ەكونوميكالىق دامۋدىڭ جاڭا قوزعاۋشى كۇشىن تۋىنداتادى؛ ”ماياك قيمىلىن“ جالپى بەتتىك ورىستەتىپ، كاسىپ سالاسى دارەجەسىنىڭ جوعارىلاۋىنا دەم بەرىپ، 5G + اسا تۇنىق بەينە كەسكىن، VR/AR + 5G، 5G + ۇشقىشسىز ۇشاق/ كولىك سياقتى زەردەلى ونىمدەردى ءتۇيىندى تۇردە تۇلعالاپ، 5G + ونەركاسىپ ينتەرنەتى، 5G + زەردەلى قالا، 5G + قاشىقتان ەمدەۋ، 5G + وقۋ - اعارتۋ سياقتى كاسىپ سالالارىندا قولدانۋدى جۇزەگە اسىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى