شينجياڭعا كومەككە كەلگەن شيپاگەرلەر حوتان ايماقتىق حالىق شيپاحاناسىندا تۇڭعىش رەت قۇرساق قۋىسى ايناسىمەن بالالاردىڭ بۇيرەك تۇبەگىن پشىندەۋ وپەراتسياسىن جاسادى. ۋاڭ مين فوتوسى
حالىق تورابىنىڭ 4-ايدىڭ 18-كۇنى حوتاننان بەرگەن حابارى (شۇي جۋجۋ). 4-ايدىڭ 13-كۇنى بەيجيڭ قالاسىنان 10-توپ 1-مەرزىمدە شينجياڭعا كومەككە كەلگەن شيپاگەر ۋاڭ مين (بەيجيڭ قارتتار شيپاحاناسى نەسەپ شىعارۋ سىرتقى اۋرۋلار ٴبولىمىنىڭ اعا شيپاگەرى)، ليۋ جيانىڭ (بەيجيڭ وسپە اۋرۋحاناسى نەسەپ شىعارۋ سىرتقى اۋرۋلار ٴبولىمىنىڭ تەتە اعا شيپاگەرى) جەتەكشىلىك ەتىپ كومەكتەسۋىندە، حوتان ايماقتىق حالىق شيپاحاناسى باتىس شيپاحاناسى رايونىنىڭ نەسەپ شىعارۋ سىرتقى اۋرۋلار ٴبولىمى كومەك قابىلداعان جەردەگى تۇڭعىش قۇرساق قۋىسى تولىق ايناسى استىنداعى ارتقى قۇرساق قۋىسى ايناسىمەن بالانىڭ بۇيرەك تۇبەگىن پىشىندەۋ وپەراتسياسىن ٴساتتى تامامداپ، حوتان ايماقتىق حالىق شيپاحاناسى باتىس شيپاحاناسى رايونىنىڭ قۇرساق قۋىسى ايناسى شاعىن وپەراتسياسى تەحنيكاسىنىڭ بوستىعىن تولتىردى.
بيىل 8 جاستاعى ناۋقاسقا شالدىققان ۇل بالانىڭ سول جاق بۇيرەك تۇبەگى نەسەپ جولىنىڭ جالعانعان ٴبولىمى تارايعان، سول جاق بۇيرەگى اۋىر دارەجەدە سۋ شەمەن دەپ دياگنوز قويىلعان. مۇنداي تۋما كەمىستىك اۋرۋ ناۋقاستانعان بالانىڭ سول جاق بۇيرەك فۋنكتسياسىنا تىكەلەي ىقپال جاساپ، ٴومىر بويى اسەرى بولادى. ال بۇيرەك تۇبەگىن پىشىندەۋ وپەراتسياسىن جاساعاندا، ونىڭ نەسەپ جولى قىزمەتىن قالپىنا كەلتىرىپ، بالانىڭ بۇيرەك قىزمەتىنىڭ ونان ارى زاقىمدالۋىنان ساقتانۋعا بولادى.
ۋاڭ مين بىلاي دەدى: بالالارعا وپەراتسيا جاساۋ جولىنىڭ قۇرىلىمى ەرەسەكتەرگە قاراعاندا كەمەلدى ەمەس، ارتقى قۇرساق قۋىسىنىڭ وپەراتسيا جاساۋ كەڭىستىگى تار، كەڭەيگەن بۇيرەك تۇبەگىن كەسۋ جوباسى مەن ٴبىرشاما كۇردەلى تىگۋ وپەراتسياسىن جاساۋعا تۋرا كەلەدى، وپەراتسيا جاساۋ قيىندىعى زور، بۇرىن كومەك قابىلداعان جەردەگى شيپاگەرلەر تەك قۇرساق قۋىسى ايناسىنىڭ كومەگىندە بۇيرەك تۇبەگىن پىشىندەۋ وپەراتسياسىن جاساعان.
وسى رەتكى وپەراتسياعا جەتەكشىلىك ەتۋ ارقىلى شينجياڭعا كومەككە كەلگەن ەكى شيپاگەر كومەك قابىلداعان جەردەگى نەسەپ شىعارۋ سىرتقى اۋرۋلار ٴبولىمىنىڭ شيپاگەرلەرىنە كومەكتەسىپ، تۇڭعىش رەت قۇرساق قۋىسى ايناسىمەن قايتا سالۋ سيپاتتى وپەراتسيانى ٴساتتى ورىنداپ، حوتان ايماقتىق حالىق شيپاحاناسى باتىس شيپاحاناسى رايونىنىڭ قۇرساق قۋىسى ايناسى ارقىلى شاعىن وپەراتسيا جاساۋ تەحنيكاسىنىڭ بوستىعىن تولتىرىپ، كومەك قابىلداعان جەردەگى شيپاگەرلەردىڭ قۇرساق قۋىسى ايناسىمەن تەسىپ وپەراتسيا جاساۋ تەحنيكاسىنىڭ جوعارىلاۋىن ٴونىمدى تۇردە جەبەدى. وسىدان باستاپ، 2020 ـ جىلى جاڭا ٴبىر كەزەك نەسەپ شىعارۋ سىرتقى اۋرۋلار ٴبولىمىنىڭ شينجياڭعا كومەككە كەلگەن شيپاگەرلەرى دە حوتان ايماعىنىڭ دەنساۋلىق ساقتاۋ، سالاماتتىق تەحنيكاسىنا كومەكتەسۋ جانە جەتەكتەۋ ارقىلى شينجياڭعا كومەكتەسۋ ساپارىن باستادى.
اۋدارعان: قادىر ماقان
