تيانشان تورى   ›   جاڭالىقتار   ›   وقۋ-اعارتۋ

رايونىمىزداعى ءارقايسى مەكتەپ وتانشىلدىق تازالىق تاربيەسىن بەلسەنە ورىستەتتى

اتا مەكەندى كوركەيتىپ، دەنساۋلىقتى قورعايمىز

رايونىمىزداعى ءارقايسى مەكتەپ وتانشىلدىق تازالىق تاربيەسىن بەلسەنە ورىستەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا، ەرىكتى ءتىلشى يە سۇي 4 - ايدىڭ 21 - كۇنى ۇرىمجىدەن حابارلايدى. مەملەكەتتىك 32 - رەتكى وتانشىلدىق تازالىق ايى كەزىندە، رايونىمىزدىڭ جەر - جەرىندەگى جوعارى، ورتا، باستاۋىش مەكتەپتەر مەكتەپتىڭ ءىس جۇزىندىگىمەن بىرلەستىرىپ، ”ىندەتتەن ساقتانۋدا مەن بارمىن، وتانشىلدىق تازالىقتا بىرگەمىز“ تاقىرىبىن تىعىز ارقاۋ ەتە وتانشىلدىق تازالىق ايى جەلىلەس قيمىلدارىن ورىستەتىپ، وقۋشىلاردىڭ تاماشا تازالىق ادەتىن قالىپتاستىرىپ، ىندەتكە بىرگە قارسى تۇرۋىنا مۇمكىندىك جاسادى.

  قوڭىر سامال ەسىپ، بار الاپ كوكتەم كوركىنە بولەندى. 4 - ايدىڭ 21 - كۇنى شينجياڭ ينجەنەريالىق عىلىمدار شۋەيۋانىندا وقىتۋشىلار، جۇمىسشى - قىزمەتكەرلەر ماسكى تارتىپ، شۇعاناق قازىپ، قالامشا وتىرعىزىپ، توپىراق سالىپ، سۋارىپ، ورىك اعاشى، ۇلكەن جاپىراقتى ەرەن اعاشى، اققايىڭ سياقتى اعاش تۇرلەرىن ەگىپ، ارەكەتتەرىمەن كوكتەمگە كورىك قوستى.

  ”قازىر وتانشىلدىق تازالىق ايى كەزى ءارى اعاش ەگىپ، جاسىل ورتانى قورعاۋدىڭ دا تاماشا مەزگىلى، ءبىز وقىتۋشى - وقۋشىلارعا ’كوپ اعاش ەگىپ، جاقسى اعاش ەگىپ، ۇلكەن اعاش ەگىپ‘، كورىكتى، جاراسىمدى، ادام تاربيەلەۋدىڭ اقاۋسىز ورتاسىن بىرگە قالىپتاستىرۋدى دارىپتەيمىز“. شينجياڭ ينجەنەريالىق عىلىمدار شۋەيۋانى پارتكومىنىڭ شۋجيى لي يۇيحۇڭ تانىستىرىپ بىلاي دەدى: مەكتەپ 4 - ايدىڭ باسىنان بەرى 4000 تۇپتەن استام اعاش ەكتى.

  4 - ايدىڭ 20 - كۇنى قۇمىل قالالىق 4 - باستاۋىش مەكتەبىنىڭ 5 - جىلدىعىندا وقۋشىلارعا وزگەشە ءبىر ساباق − زور تازالىق ساباعى ءوتىلدى. وقۋشىلاردىڭ كەيبىرەۋى سۋ سەۋىپ، كەيبىرەۋى جەر سىپىرسا، ال كەيبىرەۋى تەرەزە ءسۇرتىپ، تىنىم تاپپادى.

  ”مەكتەپ زور تازالىق ساباعىن توپقا، ۋاقىتقا ءبولىپ ورنالاستىردى، مۇنداعى ماقسات وقۋشىلاردى سالاماتتىق ارقىلى مەملەكەتتى قۇدىرەتتەندىرۋ ۇستانىمىن ورناتۋعا، ءوزارا كومەكتەسۋ تاماشا ءمورالىن ساۋلەلەندىرۋگە جەتەكتەۋ“. قۇمىل قالالىق 4 - باستاۋىش مەكتەبى 5 - جىلدىق (1) كلاسىنىڭ كلاس جەتەكشىسى ۋاڭ باۋتاڭ ساباق ءوتۋدىڭ الدىندا ءوزىنىڭ وقۋشىلارعا ىندەتتەن ساقتانۋ ساۋاتىنا قاتىستى شاعىن بەينە ەكراندىق تاپسىرما ورنالاستىرىپ، وقۋشىلاردى كىشكەنتايىنان تازالىققا ءمان بەرەتىن، تازالىقتى دارىپتەيتىن جاقسى ادەت قالىپتاستىرۋعا جەتەكتەگەندىگىن دە تانىستىردى. ”ماسكى تاق دەسە، تاعاسىڭ، ىندەتتەن ساقتاناتىن بالاسىڭ، قولىڭدى جۋىپ، سۋدى كوپ ءىش، ءتىل الاتىن جاقسى بالاسىڭ، جارايسىڭ، جارايسىڭ...“ 5 - جىلدىق (1) كلاسىنىڭ وقۋشىسى گاۋ جيا - ي شىعارعان ىندەتتەن ساقتانۋ بالالار جىرى تىلگە جاتىمدى بولىپ، وقىتۋشىلار مەن وقۋشىلاردىڭ القاۋىن الدى.

  اقسۋ قالالىق 11 - ورتا مەكتەبى مەكتەپ اۋلا راديوسى، كورمە تەرەزەسى، كلاس قارا تاقتا گازەتى، ۋيچات، ت، ب دانەكەر قۇرالدارىنان پايدالانىپ، دەنساۋلىق ساقتاۋ، اۋرۋدان ساقتانۋ جانە سالاماتتىق، دەنساۋلىق كۇتىمدەۋ بىلىمدەرىن كەڭىنەن ىشكەرىلەي ۇگىتتەپ، وقىتۋشى - وقۋشىلاردى وركەنيەتتى، اقاۋسىز تۇرمىس ءتاسىلىن قالىپتاستىرۋعا جەتەكتەدى. سونىمەن بىرگە، ساقتانۋ - قورعانۋدى ويداعىداي ىستەۋ العى شارتىندا وقىتۋشى - وقۋشىلاردى مىندەتتى تازالىق ىستەۋ، ەرىكتى كەڭەس بەرۋ، ”وقۋشىلار مەن وقىتۋشىلار قول ۇستاسۋ“ سياقتى قيمىلدارعا ات سالىسۋعا ۇيىمداستىرىپ، وقىتۋشى - وقۋشىلاردىڭ وركەنيەت، تازالىق تانىمىن كۇشەيتىپ، جالپى حالىق باقىلايتىن، مادەنيەتسىز ارەكەتتەرگە تيىم سالاتىن قويۋ قوعامدىق راي قالىپتاستىرۋعا قۇلشىندى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى