تيانشان تورى   ›   جاڭالىقتار   ›   شينجياڭ حابارلارى

قارقىندى تەزدەتىپ، زىمىراي العا تارتتى

− اۆتونوميالى رايونىمىز كاسىپورىنداردىڭ جۇمىستى قالپىنا كەلتىرۋىن، ءوندىرىس قۋاتىنا جەتۋىن بار كۇشپەن ىلگەرىلەتتى

شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ

  4 - ايداعى شينجياڭ، شار تاراپقا كوكتەمنىڭ نۇر - شۇعىلاسى توگىلىپ، تىرشىلىك تىنىسى قاۋلادى.

  زاۆودتارداعى ماشينالاردىڭ گۇرىلىنەن، كوككە بوي سوزعان عيماراتتاردان، ونەركاسىپ قالالارىنداعى ءاربىر سۇيەم قۇنارلى توپىراقتان مىنە وسىنداي جالىندى بەينە جارىققا شىعۋدا ... ىندەتپەن شايقاسۋ جاعدايىندا ”جۇمىستى قالپىنا كەلتىرۋ سحەمالارى“ كەڭىنەن جايىلىپ، تيانشاننىڭ تۇستىگى مەن تەرىستىگىنە ورنالاسقان كاسىپورىندار ءجىتي ۇمتىلعان بەينەمەن مۇلدە دامىل تاپپاي، كوكتەمنىڭ اياق الىسىمەن قاتارلاسىپ كەلەدى.

  4 - ايدىڭ 16 - كۇنىنە دەيىن، بۇكىل رايونداعى كولەمدەنگەن كاسىپورىندار جۇمىستى %100 قالپىنا كەلتىرىپ، جۇمىستى قالپىنا كەلتىرگەن قىزمەتكەرلەر 519 مىڭعا جەتىپ، قالىپتى ادام ىستەتۋ سانىنىڭ %100ىن قۇرادى؛ ورتا، شاعىن، ۇساق كاسىپورىنداردىڭ جۇمىستى قالپىنا كەلتىرۋ سالىستىرماسى %98.88كە جەتتى.

ءوندىرىس قۋاتىنا جەتىپ، ونىمدىلىك ارتىپ، تاپسىرىس قابىلداۋعا قامداندى

  2 - ايدىڭ 24 - كۇنى جۇمىستى قالپىنا كەلتىرگەننەن بەرى، ءۇرىمجى ەكونوميكالىق تەحنيكالىق اشۋ رايونىنداعى (توۋتۇنحى رايونى) شانچي شينجياڭ اۆتوكولىك شەكتى سەرىكتەستىگى كۇنىنە 40 اۆتوكولىك وندىرەتىن دەڭگەيگە دەيىن قالپىنا كەلدى. ”شينجياڭداعى كەلەلى نىسانداردىڭ قۇرىلىس باستاۋىنىڭ جەتەكشىلىك ەتۋىمەن 4 - ايدىڭ 17 - كۇنىنە دەيىن سەرىكتەستىك قابىلداعان جالپى تاپسىرىس 2300دەن استى، الدىڭعى جارتى جىلدا ءوندىرۋ جانە ساتۋ مولشەرىمىز 3000نان اسىپ، سايكەس مەزگىلدەن %17 ارتىپ، 932 ميلليون يۋاندىق ءونىم قۇنىن جۇزەگە اسىرامىز دەپ مەجەلەپ وتىرمىز“، - دەيدى سەرىكتەستىكتىڭ ورىنباسار ديرەكتورى حى شيانجى، - ”ءبىز شينجياڭ بازارىنان ۇلكەن ءۇمىت كۇتۋدەمىز، دامۋ سەنىمىمىز دە مىعىم“.

  ىندەتتىڭ كاسىپورىندارعا جاساعان ىقپالى بارشاعا ايان، دەسەدە ءبىرتالاي كاسىپورىندار وسى رەتكى ىندەتتەن جاڭا وراي قاراستىرۋعا قۇلشىنىپ، ىندەتتىڭ كاسىپورىندارعا اكەلگەن ىقپالىن ەڭ تومەنگى شەككە ءتۇسىردى.

  4 - ايدىڭ 16 - كۇنى شۋاڭچيان توبى (شينجياڭ) كۇنلۇن رازينكە دوڭگەلەك شەكتى سەرىكتەستىگىنىڭ ءوندىرىس سەحىندا جۇمىسشىلار ءوندىرىس جەلىسىندە قاربالاس جۇمىس ىستەۋدە. جۋىقتا اتالعان سەرىكتەستىك 20 ميلليون يۋان زەرتتەۋ - اشۋ قاراجاتىن قوسىپ، شيكىزات رەتسەبىن جاقسارتتى. اتالعان سەرىكتەستىكتىڭ قاتىستى جاۋاپتىسى لو چۇنجياڭ: زەرتتەۋ - اشۋ قازىر تىنباي كەمەلدەندىرۋ ساتىسىندا تۇر، سەرىكتەستىگىمىز بازار سۇرانىسىنا ۇيلەسەتىن اناعۇرلىم كوپ ءونىمدى جەدەل اشادى، - دەدى. 3 - ايدىڭ 10 - كۇنى جۇمىستى قالپىنا كەلتىرگەننەن بەرى، سەرىكتەستىكتىڭ كۇندىك رازينكە دوڭگەلەك ءونىم مولشەرى ىندەتتىڭ الدىنداعى ءوندىرىس قۋاتىن نەگىزىنەن قالپىنا كەلتىرگەن.

  شينجياڭ ەنەرگيا وندىرىسىندەگى ءىرى رايون نەعۇرلىم ايرىقشا مەزگىل بولعان سايىن، ەنەرگيا مەن ءوندىرىس ماتەريالدارىن قامداۋدىڭ جەتكىلىكتى بولۋىنا سولعۇرلىم كەپىلدىك ەتۋ كەرەك. ىندەت جاعدايىندا، رايونىمىزداعى قاتىستى كاسىپورىندار قات - قابات قيىنشىلىقتاردى جەڭىپ، ءوندىرىستىڭ قالىپتى جۇرگىزىلۋىنە كەپىلدىك ەتتى.

  1 - توقساندا جۇندۇڭدا، قۇمىلدا كومىر ءونىم مولشەرى جەكە - جەكە %14.8، %38.9 ارتىپ، بۇكىل شينجياڭ كومىر سالاسىنداعى ارتقان قۇندى سايكەس مەزگىلدەگىدەن %20 ارتۋعا جەتەكتەدى؛ شينجياڭ ەلەكترىن سىرتقا جەتكىزۋ ارناسى 19 ميلليارد 520 ميلليون كيلوۆات - ساعات كەلەتىن ەلەكتردى شينجياڭنان سىرتقا جەتكىزۋدى ورىنداپ، سايكەس مەزگىلدەگىدەن %36.5 ارتتى؛ بۇكىل رايوندا 825 مىڭ 900 توننا حيميالىق تىڭايتقىش ءوندىرىلىپ، سايكەس مەزگىلدەگىدەن %16.6 ارتتى، حيميالىق تىڭايتقىش، ەگىستىك جارعاقتارى، تامشىلاتىپ سۋارۋ قۇبىرلارى سياقتىلار بۇكىل رايونداعى كوكتەمگى ەگىس سۇرانىسىن قاناعاتتاندىردى.

ءدال كەزىندە بەرىلگەن دارۋمەن ساياسات

  قارجى ماسەلەسىنە بايلانىستى، جۇمىستى قالپىنا كەلتىرگەن العاشقى كەزدە ءۇرىمجى قالاسى نان مادەنيەتى كاسىپ باقشاسىندا شينجياڭنىڭ ەرەكشە ازىق - تۇلىكتەرى ساۋداسىمەن شۇعىلداناتىن ياڭ شىبو ”تاۋداي قىسىمعا ءدوپ كەلدى“. قامىعىپ، باسى قاتىپ وتىرعان ساتتە، بانكە مەن الەۋمەتتىك اۋماق قىزمەتكەرلەرى ۇيىنە كەلىپ قىزمەت وتەپ، سول جەردىڭ وزىندە وعان 80 مىڭ يۋاندىق شاعىن سومالى قارىز اقشا جۇمىسىن ءبىتىرىپ، ونىڭ كوز الداعى قيىنشىلىعىن شەشتى.

  ياڭ شىبو يگىلىكتەنگەن بۇل ساياسات جەكە ساۋدا - ونەركاسىپشىلەرگە كىرەۋسىز، كەپىلسىز بەرىلەتىن قارىز بەرۋ ساياساتى ەدى.

  ”ەرەكشە ءىستى ەرەكشە جولمەن ءبىتىرىپ، ۋاقىتپەن جارىسۋ، ىندەتپەن جارىسۋ كەرەك“ دەگەن تانىم ءارقايسى جەردەگى ۇكىمەتتەردىڭ ىندەتتەن ساقتانۋ - تىزگىندەۋ، قىزمەت وتەۋدى ساپالىلاندىرۋداعى ءىس - ارەكەت ولشەمىنە اينالدى.

  زايا كەتكەن ۋاقىتتى ۇتىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىندى. 2 - ايدىڭ ورتا شەنىندە جۇمىستى، ءوندىرىستى قالپىنا كەلتىرگەننەن باستاپ، اۆتونوميالى رايوندىق پارتكوم مەن ۇكىمەت ىندەتتەن ساقتانۋ - تىزگىندەۋ مەن جۇمىستى، ءوندىرىستى قالپىنا كەلتىرۋ قىزمەتىن ءبىر تۇتاس جوسپارلاپ ىلگەرىلەتىپ، ءبىر جاعىنان، ىندەتتەن ساقتانۋ - تىزگىندەۋ زاتتىق ماتەريالدارىن وندىرەتىن كاسىپورىنداردىڭ، ەنەرگيا جانە استىق - ماي، ازىق - تۇلىك وڭدەۋ سياقتى حالىق تۇرمىسىنا قاتىستى كاسىپورىنداردىڭ قالىپتى ءوندىرىسىن بار كۇشپەن قامتاماسىز ەتسە؛ ەندى ءبىر جاعىنان، قاتىناس - تاسىمالدى ىركىلىسسىزدەندىرىپ، ادامداردىڭ شينجياڭعا قايتۋىن، جۇمىس ورىندارىنا ورالۋىن جەدەلدەتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتتى.

  اۆتونوميالى رايون بۇكىل رايون بويىنشا ءتۇيىندى ورتالىققا قاراستى كاسىپورىنداردا، تىرەكتى حالىقتىق كاسىپورىنداردا ”ءبىر جۇپ“ بايلانىس جاساۋشىلار مەحانيزمىن ورناتىپ، كاسىپورىندا تۇراتىن ءبىر توپ بايلانىس جاساۋشىلاردىڭ كاسىپورىندا تۇرۋىمەن ادام ىستەتۋ، شيكىزات، تاسىمال، قارجى سياقتى جاقتاردا ورىن تەپكەن بوگەتتىك، قيىن ماسەلەلەردى شەشۋىنە كومەكتەستى.

  ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ قيىنشىلىقتان وتۋىنە كومەكتەسۋ ءۇشىن، «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ، اقاۋسىز دامۋىن قولداۋ جونىندەگى 16 تارماق شارا»، «اۆتونوميالى رايوننىڭ جەكە ساۋدا - ونەركاسىپشىلەردىڭ ىندەت ىقپالىنا توتەپ بەرۋىنە، تيجارات وزىندىك قۇنىن تومەندەتۋىنە، ورنىقتى دامۋدى جەبەۋىنە كومەكتەسۋ جونىندەگى ءبىرقانشا پىكىرى» سىندى ءبىرقانشا كومەكتەسۋ - سۇيەمەلدەۋ شاراسىن العا قويىپ، ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ ءدوپ كەلگەن اينالمالى قارجى جەتىسپەۋ، جۇمىسكەرلەردىڭ جۇمىس ورنىنا قايتۋى قيىن بولۋ، تيجارات وزىندىك قۇنى جوعارىلاۋ سياقتى قيىنشىلىقتاردى كۇش سالا شەشتى.

  فينانستىڭ ومىرشەڭدىك كۇش سيلاۋىمەن شينجياڭ لىبەير ساۋدا شەكتى سەرىكتەستىگى ءوندىرىس قۋاتىن ارتتىرىپ، جاڭا ماسكى ءوندىرۋ سەحىن قۇردى، ءوندىرىس جەلىسى بۇرىنعى ءبىر جەلىدەن 10 جەلىگە ارتتى. سەرىكتەستىكتىڭ باس جوراسى جاڭ جيە بىلاي دەدى: ”شيكىزات ساتىپ الۋ، جابدىق بۇيىرتىپ ساتىپ الۋ قارجىسى جەتىسپەدى، مۇنىڭ بارلىعىنا قاراتا تيىمدىلىك ساياسات بار، ۇكىمەت بىزگە كومەكتەسىپ، ۇلكەن ماسەلەمىزدى شەشىپ بەردى“.

”قاڭقانى“ جاقسى تۇرعىزىپ، ”قان اينالىسىن“ تەزدەتتى

  4 - ايدىڭ 15 - كۇنى ءۇرىمجى گانچۋانباۋ ەكونوميكالىق - تەحنيكالىق اشۋ رايونىنا ورنالاسقان شينجياڭ فۋفىڭ بيولوگيالىق عىلىم - تەحنيكا شەكتى سەرىكتەستىگى كۇش سالا ءوندىرىس جۇرگىزۋدە. سەرىكتەستىكتىڭ نىسان باس باقىلاۋشىسى فىڭ شىحۇڭ بىلاي دەدى: ىندەتتەن ساقتانۋ - تىزگىندەۋ كەزىندە ولار ۇزبەي ءوندىرىس جۇرگىزىپ، جوعارعى جەلىدەگى قامداۋ تىزبەگىن قورعاپ قانا قويماي، تومەنگى جەلىدەگى قاريدارلاردى زاتتىق ماتەريالدارمەن قامداۋعا كەپىلدىك ەتىپ، تۇتاس ءوندىرىس تىزبەگىنىڭ سايكەستى دامۋىن جەبەدى.

  شينجياڭ، ءبىر جاعىنان، باستاماشى كاسىپورىنداردىڭ جانە كولەمدەنگەن، مولشەرى شەكتەلگەن كاسىپورىنداردىڭ، سونداي - اق ءتۇيىندى نىسانداردىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، ”قاڭقانى“ جاقسى تۇرعىزدى؛ ەندى ءبىر جاعىنان، كاسىپ سالاسى تىزبەگى، قامداۋ تىزبەگى بويىنشا جوعارعى - تومەنگى جەلىدەگى كاسىپورىنداردىڭ جۇمىس باستاۋىن ىلگەرىلەتىپ، ”قان اينالىسىن“ ىركىلىسسىزدەندىردى.

  بۇكىل رايون بويىنشا 100دەن استام ءتۇيىندى ونەركاسىپ قۇرىلىس نىسانىن جانە 11 ءتۇيىندى باقشا رايونى نەگىزدىك قۇرىلعى قۇرىلىسى نىسانىن سالالاپ، ەلەۋلى نىساندارمەن كومەكتەسۋ - جەبەۋ قىزمەت مەحانيزمىن ورناتىپ، قاتىستى تاراۋلارمەن بايلانىس جاساۋدى، ۇشتاسۋدى كۇشەيتىپ، نىسانداردى تەكسەرىپ بەكىتۋ، قارىز اقشامەن قارجى قۇراۋ، فاكتورلارمەن قامتاماسىز ەتۋ، جۇمىسكەرلەردى ىستەتۋ سياقتى قيىنشىلىقتاردى شەشۋدى بىرگە ىلگەرىلەتىپ، قۇرىلىسى جالعاساتىن نىسانداردىڭ جۇمىستى جاپپاي قالپىنا كەلتىرۋىن ىلگەرىلەتىپ، جاڭادان سالىناتىن نىسانداردىڭ جۇمىسىن ۋاعىندا باستاپ، دايىندىق نىسانداردى جەدەل ىلگەرىلەتتى. قازىر قۇرىلىسى جالعاساتىن 40 نىساننىڭ جۇمىسى جاپپاي قالپىنا كەلىپ، جاڭادان سالىناتىن 40 نىساننىڭ 35ى الدىڭعى جارتى جىلدا جۇمىس باستاپ، 20 دايىندىق نىسان الدىڭعى مەرزىمدىك راسمياتتارىن جەدەل ءبىتىرىپ، ءبىر توبىنىڭ قۇرىلىس جۇرگىزۋىنە، ءبىر توبىنىڭ جۇمىس باستاۋىنا، ءبىر توبىن ىلگەرىلەتۋگە، ءبىر توبىنا دايىندالۋعا شىنايى كەپىلدىك ەتىپ، كەلەلى ونەركاسىپ نىسان قۇرىلىسى ارقىلى ەكونوميكانىڭ ارتۋىن جەبەپ، كاسىپ سالاسىنىڭ تيبىن جاڭالاپ، دارەجەسىن جوعارىلاتۋىنا جەتەكشىلىك ەتتى.

  سونىمەن بىرگە، ورتا، شاعىن ۇساق كاسىپورىندار سياقتىلاردىڭ جۇمىستى، ءوندىرىستى قالپىنا كەلتىرۋى كەنجەلەۋ ماسەلەسىنە ساي، اۆتونوميالى رايون ءىرى كاسىپورىنداردىڭ جەتەكتەۋ رولىن تولىق ساۋلەلەندىرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، كاسىپ سالاسى تىزبەگىنىڭ كەمەلدىلىگىن، قامداۋ تىزبەگىنىڭ ورنىقتىلىعىن ساقتاپ، تۇتاس كاسىپ سالاسى تىزبەگىنىڭ جۇمىستى، ءوندىرىستى قالپىنا كەلتىرۋگە سايكەسۋىنە كەپىل ازىرلەدى.

  ۇعىسۋعا قاراعاندا، كەلەسى قادامدا اۆتونوميالى رايوننىڭ قاتىستى تاراۋلارى ساياساتتىڭ بىرىككەن كۇشىن ونان ارى ساۋلەلەندىرىپ، كاسىپورىنداردىڭ بازار اشۋدى جاقسى ىستەۋىنە كومەكتەسىپ، بازار ستراتەگياسىن دەر كەزىندە رەتتەپ، قولدا بار تاپسىرىستى ساقتاۋمەن بىرگە، ورايدى يگەرىپ، جاڭا بازار اشادى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى