شينجياڭ گازەتىنىڭ جالپىلىق اقپارات قۇرالدارى ءتىلشىسى لي لين 4 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق حالىق ىستەرى مەڭگەرمەسىنەن ۇعىسۋعا قاراعاندا، تاياۋدا ورتالىق رايونىمىزعا 2020 - جىلى قيىنشىلىعى بار بۇقاراعا كومەكتەسۋ، جاردەمدەسۋ ءۇشىن 8 ميلليارد 110 ميلليون يۋان قارجى بوساتقان، بۇل بىلتىرعى سايكەس مەزگىلمەن سالىسترعاندا، 730 ميلليون يۋان ارتقان.
بۇل قارجى قالا، اۋىلداعى ەڭ تومەنگى تۇرمىسى قامتاماسىز ەتىلەتىندەردى، ەرەكشە قيىنشىلىعى بارلاردى قۇتقارۋ، كومەكتەسىپ باعۋ، ۋاقىتشا كومەكتەسۋ، سەرگەلدەڭ قايىرشىلاردى قۇتقارۋ، جەتىم بالالاردىڭ نەگىزدىك تۇرمىسىن قامتاماسىز ەتۋ سياقتى 5 جاقتاعى شىعىسقا ءبىر تۇتاس جوسپارمەن پايدالانۋدان سىرت، باعا ۋاقىتشا قوسىمشا قاراجاتىن تاراتۋعا دا جۇمسالادى.
ۇعىسۋعا قاراعاندا، جاڭا تيپتى ايدارشا ۆيرۋس وكپە قابىنۋ ىندەتى مەزگىلىندە زات باعاسىنىڭ جوعارىلاۋىنىڭ قيىنشىلىعى بار بۇقارانىڭ نەگىزگى تۇرمىسىنا جاسايتىن ىقپالىن ءونىمدى باسەيتۋ ءۇشىن، اۆتونوميالى رايون مەملەكەتتىڭ قاتىستى مينيسترلىك، كوميتەتتەرىنىڭ تالاپتارىنا ساي، قازىرگى اتقارىلىپ وتىرعان بەلگىلەمە نەگىزىندە، 3 - ايدان 6 - ايعا دەيىن باعا ۋاقىتشا قوسىمشا قاراجاتىن بەرۋ ولشەمىن ءبىر ەسە جوعارىلاتىپ تاراتۋدى ۇيعاردى. سونىمەن بىرگە جەتىم بالالاردى جانە ءىس جۇزىندە ناقتى باعىپ قارايتىن ادامى جوق بالالاردى باعا ۋاقىتشا قوسىمشا قاراجاتى ساياساتىمەن قامتاماسىز ەتۋ كولەمىنە ەنگىزدى.
اۆتونوميالى رايوندىق حالىق ىستەرى مەڭگەرمەسىنىڭ قاتىستى جاۋاپتىسى: حالىق ىستەرى مەڭگەرمەسىنىڭ قازىنا مەڭگەرمەسىمەن بىرگە كومەك قاراجاتتى تەز ارادا جەر - جەرگە بوساتىپ، قيىنىشىلىعى بار بۇقارانىڭ نەگىزگى تۇرمىسىن شىن مانىندە قامتاماسىز ەتەتىندىكتەرىن ايتتى.
