اۋرۋدان ساقتانۋ - تىزگىندەۋ مامانى مىنانى ەسكەرتەدى: ”1 - مامىر“ دەمالىسى كەزىندە جولاۋشى جۇرگەندە قورعانۋدى ويداعىداي ىستەۋ كەرەك
3 تۇردەگى ادامنىڭ جولاۋشى جۇرۋىنە بولمايدى
شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى (تىلشىلەر جىڭ ميڭدا، تيان شياۋحاڭ). ”1 - مامىر“ دەمالىسى كەلۋ الدىندا تۇر، بۇقارانىڭ سىرتقا شىعىپ ساياحاتتاۋىنا بولا ما، جوق پا؟ سىرتقا شىعىپ ساياحاتتاعاندا قانداي ماسەلەلەرگە كوڭىل ءبولۋ كەرەك؟ جۇڭگو اۋرۋدان ساقتانۋ جانە تىزگىندەۋ ورتالىعىنىڭ زەرتتەۋشىسى فىڭ لۋجاۋ 4 - ايدىڭ 23 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە بىلاي دەدى: جۋىقتان بەرى ناۋقاستانعاندار جونىندە مالىمەت جوق كوپ ساندى وڭىرلەردە جولاۋشى ءجۇرۋ ءبىرشاما حاۋىپسىز، ءبىراق ءالى دە ساق بولۋ كەرەك، قارتتار، سوزىلمالى اۋرۋعا شالدىققاندار، جۇكتى ايەلدەر سياقتى جۇعىمدالۋ حاۋپى جوعارى ادامدار شوعىرىنىڭ جولاۋشىلاماۋى جونىندە كەڭەس بەرەمىز.
فىڭ لۋجاۋ بىلاي دەدى: جولاۋشى جۇرگەندەر ساقتانۋعا كوڭىل ءبولۋى، جاقىن ماڭنان قاۋىرت مەزگىلگە شوعىرلانباي ساياحاتتاۋى، ادام كوپ باراتىن كورىنىس تۇيىندەرىنەن نەمەسە كورىنىس تۇيىندەرىنىڭ قاۋىرت مەزگىلىنەن مۇمكىندىگىنشە اۋلاق بولۋى، جابىق ورتادا كوڭىل اشۋ تۇرلەرىن جۇرگىزۋدەن ساقتانۋى كەرەك. ەگەر ءوڭىر اتتاپ ساياحاتتاماقشى بولسا، وندا جۋىقتان بەرى ناۋقاستانعاندار جونىندە مالىمەت جوق وڭىرلەردى تاڭداۋى ءارى كورىنىس اۋماقتارىمەن الدىن الا بايلانىس جاساپ، سول جەردىڭ ساقتانۋ - تىزگىندەۋ ساياساتتارىن ۇعىسىپ، تالاپقا ساي ويداعىداي دايىندىق جاساۋى، سونىمەن بىرگە جولدا پايدالانۋعا ماسكى جانە قول زارارسىزداندىرۋ سۇيىقتىعىن ازىرلەۋى كەرەك.
فىڭ لۋجاۋ مىنانى ۇسىنىس ەتتى: ”ەگەر ۇشاق نەمەسە پويەز سياقتى الەۋمەتتىك قاتىناس قۇرالدارىنا وتىراتىن بولسا، وندا تارتىپكە جانە قىزمەتكەرلەردىڭ باسقارۋ تالابىنا بويسۇنىپ، تۇتاس بارىستا ماسكى تاعىپ، قول تازالىعىن ويداعىداي ىستەۋ ءارى تەكسەرۋگە ىڭعايلى بولۋ ءۇشىن، بەلەتتى جاقسى ساقتاۋ كەرەك“.
فىڭ لۋجاۋ بىلاي دەدى: سەيىل - سەرۋەن بارىسىندا رەتتى قاتارعا تۇرۋ، ادامدار ارا قاشىقتىقتى ساقتاۋعا جانە جوتەلگەندە جول - جوسىنعا ءمان بەرۋ كەرەك. جاتىن ورىن جاعىندا، تازالىق شارت - جاعدايى جاقسى مەيمانحانالاردى تاڭداۋ، ورنالاسقاننان كەيىن ەسىك - تەرەزەنى اشىپ اۋا الماستىرۋ كەرەك. ”ساپار بارىسىندا قىزۋ، قۇرعاق جوتەلۋ، ءالى قۇرۋ سياقتى اۋرۋ بەلگىلەرى بايقالسا، جاقىن ماڭداعى ەمدەۋ قۇرىلىمدارىنا بارىپ ەمدەلۋ كەرەك“.
تاماقتانۋ ماسەلەسى جونىندە فىڭ لۋجاۋ مىناداي ۇسىنىس بەردى: قاتىناس قۇرالدارىنا وتىرعان كەزدە تاماقتانۋ رەتىن مۇمكىندىگىنشە ازايتۋ، كورىنىس اۋماقتارىندا تاماقتانعان كەزدە، الىپ كەتۋگە كەلەتىن ازىقتىقتاردى الدىمەن تاڭداۋ، ەگەر اسحانادا تاماقتانۋ قاجەت بولسا، ارالىق تاستاپ وتىرۋ نەمەسە ءبىر باعىتتا قاتار وتىرىپ تاماقتانۋ، باسقالارمەن ءبىر مەتردەن استام ارالىق ساقتاۋ كەرەك.
جۋىقتا كەيبىر جەرلەر جاريالاعان دياگنوزى تۇراقتانعان ناۋقاستاردىڭ ارەكەت ىزدەرىندە كورسەتىلۋىنشە، اۋرۋعا شالدىققاندار دياگنوزى تۇراقتانعان باسقا ناۋقاستارمەن بىرگە تاماقتانعان، سونداي - اق وسى سەبەپتى جۇعىمدالعان بولۋى مۇمكىن. بۇعان مەڭزەس، فىڭ لۋجاۋ بىلاي دەدى: ”قازىر ءالى دە كەڭ كولەمدە توپتاسىپ تاماقتانۋدى دارىپتەمەيمىز، سونداي - اق ءوز قاجەتىنەن شىعۋ قابىلەتى جوق نارەستە - بوبەكتەردى ەرتىپ اسحاناعا بارىپ تاماقتانۋدى دا ۇسىنىس ەتپەيمىز“.
