جۇمىس باستاۋ، ءوندىرىس قۋاتىنا جەتۋ شارالارى تياناقتاندى، نىسان قۇرىلىستارى سۇرانىستى جەبەدى
شانچي شينجياڭ اۋىر تۇرپاتتى اۆتوموبيل ساتىلىمى قيىن - قىستاۋ جاعدايدا دا تولاسسىز ارتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 4 - ايدىڭ 23 - كۇنى ۇرىمجىدەن حابارلايدى. موتور قۇراستىرۋ، كابينكەنى جابدىقتاۋ، دوڭگەلەك سالۋ، ماي قۇيۋ... 4 - ايدىڭ 23 - كۇنى شانچي شينجياڭ اۆتوموبيل شەكتى سەرىكتەستىگىنىڭ ءوندىرۋ - جاساۋ ءبولىمىنىڭ ۇلكەن جەلىسى سەحىندا نەبارى 13 مينۋت ىشىندە - اق ءبىر اۋىر تۇرپاتتى جۇك اۆتوموبيلى ءوندىرىس جەلىسىنەن ءساتتى شىعارىلدى. 1 - توقساندا وسى سەرىكتەستىك 286 ميلليون يۋاندىق ونەركاسىپ جالپى ءونىم قۇنىن ورىنداپ، بىلتىرعى سايكەس مەزگىلدەگىدەن ％11.7 ارتتى، 905 اۋىر تۇرپاتتى جۇك اۆتوموبيلىن ءوندىرىپ، سايكەس مەزگىلدەگىدەن ％0.3 ارتتى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، شانچي شينجياڭ اۆتوموبيل شەكتى سەرىكتەستىگى ءارقايسى قاتىستى تاراۋلاردىڭ زور كۇشپەن قولداۋىندا، كومەكتەسۋىندە كاسپورىننىڭ ىندەتتەن ساقتانۋ - تىزگىندەۋ شۇعىل جاعدايعا توتەپ بەرۋ دايىندىق جوباسىن جانە جۇمىستى، ءوندىرىستى قالپىنا كەلتىرۋ قىزمەتى جوباسىن بەلگىلەدى، 2 - ايدىڭ 24 - كۇنىنەن باستاپ، ءوندىرىستى قالپىنا كەلتىردى. وسى سەرىكتەستىكتىڭ ورىنباسار باس ديرەكتورى كى شيانجى بىلاي دەدى: ”سەرىكتەستىكتىڭ وندىرىسىنە قاجەتتى ۇساق بولشەكتەردىڭ بارلىعى شي - اننان شينجياڭعا اۆتوموبيلمەن تاسىمالدانادى، جۇك اۆتوموبيلىنىڭ شينجياڭعا كىرۋىنە، وتە - موتە، ءۇرىمجى قالاسىنا كىرۋىنە، زاۆود اۋماعىنا كىرۋىنە ۇكىمەت پەن الەۋمەتتىك اۋماق تۇگەلدەي زور كومەك كورسەتتى، قاتىستى تاراۋلار تاعى دا وسىندا تۇرۋعا ارناۋلى قىزمەتكەر جىبەرىپ ءبىزدىڭ ءىس جۇزىندىك قيىنشىلىقتى شەشۋىمىزگە كومەكتەسىپ، قالىپتى وندىرىسىمىزگە جەتەكشىلىك ەتتى“.
تانىستىرۋعا قاراعاندا، شانچي شينجياڭ اۆتوموبيل شەكتى سەرىكتەستىگى ءتۇرلى قىزمەتتەردى اشالاۋ جوباسىن جاساپ، جۇمىس ءتارتىبى بارىسىن جاقسارتقان. سەح ءىشى جۇمىس ءتارتىبىن اشالاۋ ارقىلى ءتۇرلى ءوندىرىس دايىندىق جوباسىن الدىن الا ويداعىداي جاساپ، اۆتوموبيل قۇراستىرۋ ءوندىرىسى بارىسىندا ساقتالعان ماسەلەلەردى شەشىپ، اۆتوموبيل قۇراستىرۋ ونىمدىلىگىن كورنەكتى جوعارىلاتقان.
”شينجياڭدا ءتۇيىندى نىسانداردىڭ جۇمىس باستاپ، قۇرىلىس جۇرگىزۋى سىندى تاماشا تيىمدىلىك اسەرىندە، سەرىكتەستىك ونىمدەرىنىڭ ساتىلۋى تولاسسىز ارتتى، الدىڭعى جارتى جىلدا 3000 اۆتوموبيلدەن اسىپ، سايكەس مەزگىلدەگىدەن ％17 ارتىپ، 932 ميلليون يۋان ءونىم قۇنىن جاراتىپ، 10 ميلليون يۋان سالىق تاپسىرىپ، شينجياڭ ىشىندەگى سايكەستى ءونىم قۇنىن 22 ميلليون يۋان ىلگەرىلەتەتىندىگى مەجەلەنۋدە. بيىل سەرىكتەستىك ءونىم قۇنىن ءبىر ميلليارد 500 ميلليون يۋانعا جەتكىزۋ نىسانا، مىندەتىن ورىنداۋعا كۇش سالادى“. كى شيانجى بازاردىڭ بولاشاعىنا مىعىم سەنىم ارتۋدا.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جابدىق ونەركاسىبى باسقارماسىنىڭ ورىنباسار باستىعى جاڭ شياۋچۋاننىڭ تانىستىرۋىنا قاراعاندا، كەزەكتە رايونىمىزدا ءبۇتىن اۆتوموبيل وندىرەتىن كاسىپورىندار جاپپاي جۇمىستى قالپىنا كەلتىرىپ، وندىرىسكە كىرىسكەن، بازار قاجەتىندە دە قايتا ارتۋ بەينەسى جارىققا شىققان، مەجەگە قاراعاندا، بيىل رايونىمىزدىڭ اۆتوموبيل كاسىپ سالاسى اۋەلگىدەي جاقسارۋ بەتالىسىن ساقتايتىن كورىنەدى.
2018 - جىلدىڭ سوڭىنا دەيىن، رايونىمىزدا قۇلاقتاندىرۋ تولىمدىلىعىنا يە اۆتوموبيل وندىرەتىن كاسىپورىندار 14 بولعان، مۇندا ءبۇتىن اۆتوموبيل وندىرەتىن كاسىپورىن 4. مەجەگە قاراعاندا، بيىل تۇتاس رايونداعى اۆتوموبيل ونەركاسىبى 4 ميلليارد يۋاننان استام ونەركاسىپ جالپى ءونىم قۇنىن ورىندايدى ەكەن.
