تيانشان تورى
تيانشان تورى   ›   ۇيرەنۋ   ›   شولۋ

ىندەتتىڭ ىقپالىن جەڭىپ، كەدەيلىكتەن ارىلتۋ مىندەتىن ورىندايىق

شينحۋا اگەنتتىگىنىڭ شولۋشىسى

  باس شۋجي شي جينپيڭ جۋىقتا شانشيدە قىزمەت تەكسەرگەن كەزىندە، جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالدى قۇلشىنا جەڭىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتۋدى باسا دارىپتەپ، ءبىزدىڭ ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىمىزدەگى قىزمەتتىڭ كۇش سالۋ ءتۇيىنىن اناعۇرلىم ايقىن كورسەتىپ بەردى.

  بيىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانىڭ اياقتالاتىن جىلى ءارى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتەتىن جىل. جولدىڭ قيىنى قايقاڭ جول، كەدەيلىكتەن ارىلتۋدان قامال الۋ سوڭىنا تاياعان سايىن قيىنداسادى، سوڭىندا قالعانىنىڭ ءبارى ەڭ قيىن ماشاقاتتى تۇيىندەر، وعان قوسا ىندەت ىقپالىنا ۇشىراعاندىقتان، ءتۇرلى قىزمەت مىندەتى ونان ارى اۋىرلادى، تالاپ ونان ارى قاتايدى، قيىندىق دارەجەسى دە ونان ارى جوعارىلادى. قازىر كەدەيلىكتەن ارىلتۋدان قامال الۋدا ساياساتتىق جاقتان قامتاماسىز ەتۋ، قارجىمەن قولداۋ جانە قىزمەت كۇشى بارلىعى جەتكىلىكتى، ءار دارەجەلى كادرلار دا مول تاجىريبە توپتادى. تەك ارقاۋدى مىقتاپ شيراتىپ، ونان ارى قۇلشىنىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تاباندىلىقپەن ويداعىداي تياناقتاندىرساق قانا بولعانى، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن تولىق دەر كەزىندە ورىنداي الامىز.

  كەدەيلەردى سۇيەمەلدەۋ تۇبەگەيلى سۇيەمەلدەۋدى قاجەت ەتەدى، ”قان جەتكىزۋ“، ونان دا ماڭىزدىسى، ”قان جاساۋ“ كەرەك. كاسىپ سالاسى ارقىلى كەدەيلەردى سۇيەمەلدەۋ ەڭ تىكە، ەڭ ءونىمدى ءادىس، سونداي - اق كەدەيلىكتەن ورنىقتى ارىلتىپ، باياندى دامۋدى جۇزەگە اسىرۋداعى تۇبىرىنەن وڭاۋ شاراسى. ىندەت سوققىسىنا مەڭزەس، ءونىمدى شارالار قولدانىپ، كەدەي وڭىرلەردىڭ جۇمىستى قالپىنا كەلتىرۋ، ءوندىرىستى قالپىنا كەلتىرۋ بارىسىندا جولىققان ناقتى ماسەلەلەرىن شەشۋىنە كومەكتەسىپ، كەدەيلەردى سۇيەمەلدەۋ كاسىپ سالالارىنىڭ تەز ارادا ءوندىرىستى قالپىنا كەلتىرىپ، ”قان جاساۋ“ رولىن جانداندىرۋىن قولداۋ كەرەك. كاسىپ سالاسى ارقىلى كەدەيلەردى سۇيەمەلدەۋ تەبىنىن كۇشەيتۋدىڭ تەتىگى جەرگىلىكتى جاعدايعا قاراي وڭىرلىك ەرەكشە كاسىپ سالالارىن دامىتىپ، ەرەكشە ونىمدەردى قالىپتاستىرىپ، ەكولوگيانى الدىمەن ويلاستىراتىن، جاسىل داميتىن جولمەن ءجۇرىپ، كەدەي وڭىرلەردىڭ ەكونوميكالىق ومىرشەڭ كۇشىن جانە دامۋ تەبىنىن ارتتىرۋدا. كاسىپ سالاسى ارقىلى كەدەيلەردى سۇيەمەلدەۋ قارجىسىنان جانە كەدەيلەردى سۇيەمەلدەۋ شاعىن سومالى امانات - قارىز ساياساتىنان ويداعىداي پايدالانىپ، ينتەرنەتتىڭ ساتۋ ارناسىنداعى ابزالدىلىعىن تولىق ساۋلەلەندىرىپ، كەدەيلەردى سۇيەمەلدەۋ كاسىپ سالالارىنىڭ تەز دامۋىن جەبەۋ كەرەك. كەدەيلەردى سۇيەمەلدەۋ كاسىپ سالالارىن دامىتۋدىڭ ماڭىزدى ءتۇيىنى بۇقارا يگىلىككە كەنەلۋدە بولسا، قيىنى باياندى ورنىقتىلىقتا. كاسىپ سالاسى تىزبەگىن ۇزارتىپ، حاۋىپ - قاتەرگە توتەپ بەرۋ قابىلەتىن جوعارىلاتىپ، اناعۇرلىم ورنىقتى مۇددەلەر بايلانىسى مەحانيزمىن ورناتىپ، كەدەي بۇقارانىڭ كىرىستەرىن ۇزدىكسىز، ورنىقتى ارتتىرۋعا شىنايى كەپىلدىك ەتۋ كەرەك.

  جۇمىستاندىرۋ − حالىق تۇرمىسىنىڭ تياناعى، بايلىقتىڭ قاينارى. كەدەي بۇقارانىڭ كەدەيلىكتەن ارىلۋىنا دەم بەرۋدە ورنىقتى جۇمىستاندىرۋ − ءتۇبىرلى نەگىز. 2019 - جىلى بۇكىل ەل بويىنشا ارحيۆ تۇرعىزىلىپ، كارتچكالاندىرىلعان 27 ميلليون 290 مىڭ كەدەي ەڭبەككۇش سىرتتا جۇمىس ىستەگەن، وسى وتباسىلارىنىڭ شامامەن ۇشتەن ەكىسىنىڭ كىرىسى سىرتقا شىعىپ جۇمىس ىستەۋدەن كەلگەن. ىندەتتىڭ ىقپالى سەبەپتى، كەيبىر كەدەي ەڭبەككۇشتەردىڭ سىرتقا شىعىپ جۇمىس ىستەۋى توسقىندىققا ۇشىراپ، كىرىستەرى ازايدى. كەدەي ەڭبەككۇشتەردىڭ سىرتقا شىعىپ جۇمىس ىستەۋ، جۇمىستانۋ جولىن تەز ارادا اشىپ، جۇمىس ورنىنا قايتۋىنا دالمە - ءدال ءتۇيىستىرىپ كومەكتەسۋ كەرەك. جۇمىستاندىرۋ ارقىلى سۇيەمەلدەۋ تەبىنىن ارتتىرىپ، كەدەي ەڭبەككۇشتەردى جۇمىس ىستەۋگە، جۇمىستانۋعا الدىمەن باۋراپ، ءوز ماڭىندا، جاقىن جەردە جۇمىستانۋدىڭ اناعۇرلىم كوپ ورايىمەن قامداپ، ءار ءتۇرلى شارا قولدانىپ كەدەي بۇقارانىڭ جۇمىستانۋىن قامتاماسىز ەتىپ، امالىن تاۋىپ جۇمىستانۋدىڭ ورنىقتىلىعىن جوعارىلاتۋ كەرەك. قونىس جاڭالاعان بۇقارانىڭ جۇمىستانۋ ماسەلەسىن ويداعىداي شەشىپ، تۇراقتاپ قالۋىنا، بىرتىندەپ اۋقاتتانۋىنا، قايتا كەدەيلەسۋدەن ساقتانۋىنا شىنايى كەپىلدىك ەتۋ كەرەك. قولدا ىستەيتىن جۇمىس، قالتادا كىرىس بولسا بولعانى، كەدەي بۇقارانىڭ كەدەيلىكتەن ارىلۋىنان ءۇمىت كۇتۋگە بولادى، اۋقاتتانۋعا بەت الۋ بولاشاعى بولادى.

  كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدە ءارى قايراتتانا ۇمتىلىپ، كەزەڭ اسىپ، قيىندىقتاردى جەڭۋ، ءارى كوپ شارانى بىرگە قولدانىپ جەتىستىكتەردى بەكەمدەپ، كەدەيلىكتەن ارىلتۋ ناتيجەلەرىنىڭ سىننان سۇرىنبەي وتۋىنە شىنايى كەپىلدىك ەتۋ كەرەك. الدەقاشان كەدەيلىكتەن ارىلعان وڭىرلەر مەن حالىق اراسىندا كەيبىرەۋىنىڭ كاسىپ سالاسى نەگىزى ءبىرشاما ءالسىز، كەيبىرەۋىنىڭ جۇمىستانۋى تىم ورنىقتى ەمەس ەكەندىگىن، قايتا كەدەيلەسۋ، كەدەيلەسۋ حاۋىپ - قاتەرى ءالى دە ءومىر ءسۇرىپ وتىرعاندىعىن، ءسوز جوق، كورە ءبىلۋ كەرەك. كەدەيلىكتەن ارىلتۋدان قامال الۋ ساياساتىنىڭ ورنىقتىلىعىن ساقتاپ، ”ءتورتتى توقتاتپاۋ“ تالابىن قاتاڭ تياناقتاندىرىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ مەحانيزمىن جەدەل ورناتىپ، باعىتتامالى تۇردە كومەكتەسۋ - سۇيەمەلدەۋ شارالارىن الدىن الا قولدانۋ كەرەك. جەر - جەردىڭ كەدەيلىكتەن ارىلتۋدان قامال الۋ ناتيجەلەرىن جالپى بەتتىك سىننان وتكىزىپ، شەگەرۋ وتكەلىن قاتاڭ يگەرۋ كەرەك. كەدەيلىكتەن ارىلىپ، قالپاقتى الىپ تاستاۋ سوڭعى كومبە ەمەس، قايتا تىڭ تۇرمىستىڭ، تىڭ كۇرەستىڭ باستاماسى. كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋدى ۇزبەي ىلگەرىلەتىپ، اۋىل - قىستاقتى گۇلدەندىرۋ سىندى ماڭىزدى جۇمىستى ويداعىداي ىستەپ، اۋىل - قىستاقتاردىڭ كاسىپ سالاسى، دارىندىلارى، مادەنيەتى، ەكولوگياسى، ۇيىمى سياقتىلاردىڭ جالپى بەتتىك گۇلدەنۋىن ىلگەرىلەتىپ، بىرگە بايۋدى بىرتىندەپ جۇزەگە اسىرۋ جولىندا ارشىندى قاداممەن العا باسۋ كەرەك.

(شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.