تيانشان تورى   ›   جاڭالىقتار   ›   شينجياڭ حابارلارى

109 ميلليارد 560 ميلليون يۋاندىق ”بۇلتتىق كەلىسىم“ جاساستى

اۆتونوميالى رايون 65 نىسانعا ساۋداگەر شاقىرىپ، قارجى باۋرادى

109 ميلليارد 560 ميلليون يۋاندىق ”بۇلتتىق كەلىسىم“ جاساستى

  شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 4 - ايدىڭ 24 - كۇنى ۇرىمجىدەن حابارلايدى. 4 - ايدىڭ 24 - كۇنى تۇستەن بۇرىن اۆتونوميالى رايوندىق ساۋدا ىستەرى مەڭگەرمەسى ”شينجياڭعا قارجى قوسۋدى“ جەلىگە شىعارۋ جانە اۆتونوميالى رايوننىڭ ساۋداگەر شاقىرىپ، قارجى ەنگىزۋ نىسانى ”بۇلتتىق كەلىسىم جاساسۋ“ قيمىلىن وتكىزىپ، قارجى قوسىلاتىن 65 نىسانعا ”ەكراندا“ قول قويىسىپ، جالپى سوماسى 109 ميلليارد 560 ميلليون يۋانعا جەتتى.

  قيمىل 20 ولكە، رايون، قالاداعى 65 كاسىپورىندى كەلىسىم جاساسۋعا باۋرادى، نىساندار ساۋدا - ساتتىق، زات اينالىمى، جاڭا ەنەرگيا، جاڭا ماتەريال، توقىماشىلىق، كيىم - كەشەك، مادەنيەت، ساياحات كاسىبى سياقتى كوپتەگەن سالانى قامتىدى. مۇندا مۇناي، مۇناي حيميا، كومىر، كومىر ەلەكترى، كومىر حيميا ونەركاسىبى، ءتۇستى مەتال سياقتى بايلىق ابزالدىعى بار كاسىپ نىسانداردان 21ىنە قول قويدى، توقتام سوماسى 44 ميلليارد 815 ميلليون يۋان بولدى. ينتەرنەت جەلىسىندە ساۋداگەر شاقىرۋ ”نىساندى جەتەكتەۋمەن“ قاتار، 400 نەشە مىڭ ينتەرنەتتەن پايدالانۋشىنى ينتەرنەت جەلىسىندە تاماشالاۋعا باۋرادى، ءارقايسى ايماق، وبلىس، قالالاردىڭ قاتىستى جاۋاپتىلارى جەكە - جەكە ءوز جەرىنىڭ ەرەكشە نىساندارىن تانىستىردى.

  توقتام جاساسقان كاسىپورىنداردىڭ ءبىرى، بەيجيڭ جۇڭگو قارجى قوسقان يانجيڭ اۆتوكولىك شەكتى سەرىكتەستىگىنىڭ ورىنباسار باس ديرەكتورى ۋاڭ يۇڭحاي مىنالاردى ءبىلدىردى: ”شينجياڭ كەڭ بازار ابزالدىلىعىنا يە، سونداي - اق جۇڭگو - ەۆروپا كەزەكشى پويەزى بار، ادام كۇشىنىڭ، ەلەكتر كۇشىنىڭ، جانار گازدىڭ، باسقارۋدىڭ وزىندىك قۇنى سالىستىرمالى تۇردە ءبىرشاما تومەن، تيىمدىلىك جاساۋ ساياساتى كوپ، شارۋاشىلىق - ساۋدا ورتاسى جاقسى“.

  رايونىمىز جاڭادان العا قويعان ”شينجياڭعا قارجى قوسۋ“ ينتەرنەت جەلىسىندە ساۋداگەر شاقىرۋ تۇعىرى ارقىلى، وسى رەت ”بۇلتتىق كەلىسىم جاساسۋدا“ ”بەينە ەكران ءماجىلىسى + ينتەرنەتتە تىكە تاراتۋ + ينتەرنەت جەلىسىندەگى ءوزارا ىقپالداستىق“ جالپى بارىستى ينتەرنەت جەلىسىندە وتكىزۋ ۇلگىسى قولدانىلدى. تۇعىر ابونتتاردىڭ ۇناتىپ كورۋىنە قاراي قاتىستى كاسىپ نىساندارى، قارجى قوسۋدىڭ وزىندىك قۇنى، جۇمىس ءبىتىرۋ ءتارتىبى سياقتى ينفورماتسيالاردى زەردەلى تۇردە كورسەتەدى، ابونتتاردىڭ ينتەرنەت جەلىسىندە ۆيرتۋالدى تەكسەرۋ جۇرگىزۋىنە بولادى.

  اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ شو مىنالاردى ءبىلدىردى: وسى رەتكى قيمىل ىندەتتەن ساقتانۋ - تىزگىندەۋدى ويداعىداي يگەرۋ العى شارتىندا ساۋداگەر شاقىرىپ، قارجى ەنگىزۋ قىزمەتىنىڭ توقتاماۋىنا، ءۇزىلىس جاساماۋىنا شىنايى كەپىلدىك ەتۋدىڭ جاڭالىق اشۋ شاراسى. وسى رەت توقتام جاساسقان نىسانداردىڭ قارجى قوسىلۋ اۋماعى كەڭ، كولەمىنىڭ ساپاسى جوعارى، قوعامدىق ونىمدىلىگى جاقسى، رايونىمىزدىڭ ەكونوميكالىق، قوعامدىق دامۋىندا بەلسەندى رول اتقارادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى