تيانشان تورى   ›   جاڭالىقتار   ›   شينجياڭ حابارلارى

1 - توقساندا رايون سىرتىنان 1106 نىسان تياناقتاندىرىلدى

1 - توقساندا رايون سىرتىنان 1106 نىسان تياناقتاندىرىلدى

22 ميلليارد 473 ميلليون يۋان قارجى ەنگىزىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 4 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل 1 - توقساندا بۇكىل رايون رايون سىرتىنان ساۋداگەر شاقىرىپ، قارجى ەنگىزۋ بويىنشا جيىنى 1106 نىساندى تياناقتاندىرىپ، الدىڭعى جىلداعىدان 231 نىسان ارتتىرعان، رايون سىرتىنان ەنگىزىپ تياناقتاندىرعان قارجى 22 ميلليارد 473 ميلليون يۋان بولعان.

  بيىل 1 - توقساندا، بۇكىل رايوننىڭ ساۋدا ىستەرى جۇيەسى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، ساۋداگەر شاقىرىپ، قارجى ەنگىزۋدىڭ قارجى قوسۋدى ىلگەرىلەتۋدەگى، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەبەۋدەگى رولىن قۇلشىنا ساۋلەلەندىردى. ءارقايسى ايماق، وبلىس، قالالار ۇزدىكسىز كۇش سالىپ، جاسامپازدىقپەن جوسپارلاپ، بەلسەندىلىكپەن توتەپ بەرىپ، تۇلعالىق جاۋاپكەرشىلىكتەرىن شىن مانىندە ارقالاپ، جۇمىستى قالپىنا كەلتىرۋ قۇرىلىسى، ينتەرنەتتە ساۋداگەر شاقىرۋ، قىزمەت وتەۋ قامتاماسىزدىعى سياقتى شەشۋشى تۇيىندەردەن كوز جازباي، ساۋداگەر شاقىرىپ، قارجى ەنگىزۋدى ۇزدىكسىز ىلگەرىلەتۋدە ناقتى ونىمدىلىككە قول جەتكىزدى.

  اۆتونوميالى رايوندىق ساۋدا ىستەرى مەڭگەرمەسى سالىنىپ جاتقان نىسانداردىڭ جۇمىستى قالپىنا كەلتىرۋىنىڭ اپتالىق مالىمەت ءتۇزىمىن، تياناقتانعان قارجىنى ايلىق حابارلاندىرۋ ءتۇزىمىن، ينتەرنەتتە ساۋداگەر شاقىرۋ اياق الىسىنىڭ ايلىق مالىمەت ءتۇزىمىن جولعا قويىپ، ساۋداگەر شاقىرىپ، قارجى ەنگىزۋ اينالىمىن يكەمدى باقىلاۋ - ولشەۋدى كۇشەيتىپ، قاتىستى ماسەلەلەردى جوعارى مەن تومەن بىرلەسىپ ارەكەتتەنىپ سايكەستىرىپ شەشىپ، بيىلعى ساۋداگەر شاقىرىپ، قارجى ەنگىزۋ قىزمەتىن تىزە قوسا جاقسى ىستەدى. ينتەرنەتتە ساۋداگەر شاقىرۋ تەبىنىن ارتتىرىپ، ينتەرنەتتە ساۋداگەر شاقىرۋدىڭ ماماندانعان تۇعىرلارىن قۇرىپ، ۋيچات الەۋمەتتىك ءنومىرى سياقتى ينفورماتسيا تۇعىرلارىندا تانىستىرۋ تەبىنىن كۇشەيتىپ، سىرتقا قاراتا كەدەيلىكتەن ارىلتۋدان قامال الۋ بويىنشا ساۋداگەر شاقىرىپ، قارجى ەنگىزۋ نىساندارى مەن قارجى قوسۋ، دامۋ ورتاسىن ۇگىتتەپ، تانىستىرىپ، رايون ءىشى - سىرتىنداعى قارجىگەرلەرگە اناعۇرلىم ويداعىداي قىزمەت وتەدى. نىسانداردىڭ جۇمىسىن قالپىنا كەلتىرۋ قامتاماسىزدىعىن ۇزدىكسىز جاقسى ىستەپ، جەر - جەردى قىزمەت ەسەپ داپتەرىن جاساۋعا قۋزادى؛ نىسان قامباسى قۇرىلىسىنىڭ اياق الىسىن جەدەلدەتىپ، جەر - جەردى ساۋداگەر شاقىرىپ، قارجى ەنگىزۋ ”نىسان قامباسى“ قۇرىلىسىن كۇشەيتۋگە جەتەكتەدى؛ ساۋداگەر شاقىرۋداعى ىستەستىكتى كۇشەيتىپ، شينجياڭعا باعىتتامالى كومەكتەسەتىن ولكە - قالالاردىڭ الدىڭعى جاق قولباسشىلىق شتابى، سىرتقى ولكەلەردىڭ شينجياڭداعى قىزمەت باسقارمالارى، كاسىپورىن بىرلەستىكتەرى (ساۋدا قوعامدارى)، دەلدالدىق ۇيىمدار سياقتى قۇرىلىمداردىڭ رولىن ويداعىداي ساۋلەلەندىرىپ، مىندەتتەمەلى ساۋداگەر شاقىرۋدى، ساۋداگەر ارقىلى ساۋداگەر شاقىرۋدى ورىستەتىپ، قارجى قوسۋ ويى بار كاسىپورىندارمەن دەر كەزىندە بايلانىس جاساپ، يكەمدى دە الۋان ءتۇرلى ساۋداگەر شاقىرۋ قيمىلدارىن ۇيىمداستىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى