يۋە يانيۇن
اقپارات قۇرالدارىنىڭ حابارىنا قاراعاندا، گۇما اۋدانىنداعى شارۋالار باققان قاز شينجياڭ جىلجىمالى حابارلاسۋ سەرىكتەستىگىنىڭ جۇمىسشى - قىزمەتشىلەر اسحاناسىنا اكەلىنگەن، يوپۇرعى اۋدانىنىڭ اكىمى تىكە تاراتىلىمعا شىعىپ كەدەي وتباسىلارىنىڭ 38 توننا شىلانىنا ساتۋ جولىن تاۋىپ بەرگەن، اۆتونوميالى رايوندىق قاتىناس - تاسىمال مەڭگەرمەسى تۇتىنۋ ارقىلى كەدەيلەردى سۇيەمەلدەۋ ارەكەتىن اتقارۋ جوباسىن جاساعان... بىرنەشە كۇننەن بەرى، رايونىمىز تۇتىنۋ ارقىلى كەدەيلەردى سۇيەمەلدەۋ ارەكەتىن دابىرالى ورىستەتىپ، ءونىمى كورنەكتى بولىپ، تۇتىنۋ ارقىلى كەدەيلەردى سۇيەمەلدەۋدىڭ شارۋالاردىڭ كىرىسىن ارتتىرۋدى جەبەۋدەگى نەمقۇرايدى قاراۋعا كەلمەيتىن كۇش ەكەنىن ۇعىندىردى.
اۋىر كەدەي رايونداردىڭ باسىم كوبى شەت - شالعاي ورنالاسقان، قاتىناسى قولايسىز، اۋىل شارۋاشىلىعى ونىمدەرىنىڭ ساتىلۋىندا بەلگىلى قيىنشىلىق بار. تۇتىنۋ ارقىلى كەدەيلەردى سۇيەمەلدەۋدىڭ ءبىر باسى كەدەي رايوندار بولسا، ەندى ءبىر باسى كەڭ بازارعا تۇتاسادى، ونىڭ ەڭ ۇلكەن ەرەكشەلىگى بازار مەحانيزمىنەن پايدالانىپ، قوعامدىق كۇشتەردى كەدەيلەردى سۇيەمەلدەۋگە جۇمىلدىرىپ، اۋىر كەدەي رايونداردىڭ اۋىل شارۋاشىلىعى ونىمدەرىنىڭ ساتىلۋ ارناسىن كەڭەيتۋ.
بيىل كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋدىڭ اياقتالاتىن جىلى، تۇتىنۋ ارقىلى كەدەيلەردى سۇيەمەلدەۋ ءاربىر ادامعا كەدەيلىكتەن ارىلتۋدان قامال الۋعا ات سالىسۋعا وراي جاراتتى، ىسكەرلىك كورسەتۋىنە مۇمكىندىك ازىرلەدى، بارلىق ادامنىڭ كوپتەپ كۇش شىعارىپ ات سالىسۋىنا بولادى. ءبىز ءاربىرىمىز تۇتىنۋ ارقىلى كەدەيلەردى سۇيەمەلدەۋگە ات سالىسىپ، كەدەيلەردى سۇيەمەلدەۋ ونىمدەرىن قالانىڭ ”كوجە قاتىعىمەن“، ”استىعىمەن“، ”جەمىس - جيدەگىمەن“ ءونىمدى ۇشتاستىرىپ، ازىن - اۋلاق كۇش - قۋاتىمىزدى ارناپ، كەدەيلەردى سۇيەمەلدەۋ ونىمدەرىنىڭ ءوتىمدى جولى ارقىلى كەدەي وڭىرلەردەگى بۇقاراعا كەدەيلىكتەن ارىلتۋدىڭ داڭعىل جولىن سالۋعا قۇلشىنۋىمىز كەرەك.
(”لەپتى لەبىز“ ماقالا قابىلداۋ حات ساندىعى: xjrbplb@126.com)
