تيانشان تورى   ›   جاڭالىقتار   ›   شينجياڭ حابارلارى

شوكىرات زاكىر ءۇرىمجى قالاسىنىڭ ميدۇڭ رايونىندا تەكسەرۋ - زەرتتەۋ جۇرگىزدى

ءتۇيىندى ينجەنەريا نىسان قۇرىلىستارىن مىقتى يگەرىپ، ەكونوميكانىڭ جوعارى ساپالى دامۋىن ىلگەرىلەتەيىك

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ يانفاڭ، جاۋ چۇنحۋا 4 - ايدىڭ 25 - كۇنى ۇرىمجىدەن حابارلايدى. 4 - ايدىڭ 24 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىنىڭ ميدۇڭ رايونىندا تەكسەرۋ - زەرتتەۋ جۇرگىزگەندە، ءتۇيىندى ينجەنەريا نىسان قۇرىلىستارىنىڭ، ەكونوميكالىق، قوعامدىق اينالىم، ت. ب جاعدايلارىن ىشكەرىلەي ۇعىستى.

  ءۇرىمجى حىڭدا مادەنيەت، ساياحات سالاماتتىق - تىنىعۋ ورتالىعى نىسانى ءۇرىمجى قالاسىنىڭ ميدۇڭ رايونىنا ورنالاسقان، جالپى قوسىلعان قارجى 100 ميلليارد يۋان، يەلەگەن جالپى جەر اۋدانى 11.87 شارشى كيلومەتر. نىسان جاسىل، ەكولوگيالى، تىنىعۋ، تومەن كومىرتەكتى بولۋدى ۇستانىم ەتىپ، سۋ الەمى، بالالار الەمى، تىنىعۋ سايى، ساياحات الەمى، مادەنيەت باقشاسى، اۋىل شارۋاشىلىعى عىلىم - تەحنيكا باقشاسى، ءدامدى تاعامجايى ءبىر تۇلعالانعان كوپ فۋنكتسيالى مادەنيەت، ساياحات، سالاماتتىق - تىنىعۋ ورنى ەتىپ قۇرۋعا كۇش سالۋدا.

  ءۇرىمجى حىڭدا مادەنيەت، ساياحات سالاماتتىق - تىنىعۋ ورتالىعى قۇرىلىس مايدانىندا، شوكىرات زاكىر نىساننىڭ جوبا - جوسپارى، قۇرىلىس قارقىنى سياقتى جاعدايلاردى ەگجەي - تەگجەيلى سۇراستىردى ءارى نىسان جوبالاۋ، قۇرىلىس جۇرگىزۋ ورىندارىنىڭ جاۋاپتىلارى سياقتىلارمەن قاتىستى ماسەلەلەر جونىندە اۋىس - كۇيىس جاسادى. ول ءۇرىمجى قالاسى مەن نىسان قۇرىلىسىن جۇرگىزۋ ورىندارىنان ابزال بايلىقتان پايدالانىپ، سالاماتتىق - تىنىعۋ كاسىپ سالاسى جۇيەسىن جەدەل قۇرىپ، ەمدەۋ، تىنىعۋ، ساياحات، تۇراق، مادەنيەت، دەنە تاربيە سياقتى قاتىستى كاسىپ سالالارىنىڭ توعىسۋىن جەبەپ، سالاماتتىق - تىنىعۋ كاسىپ سالالارىنىڭ كوپ نەگىزدى، تىڭعىلىقتى دامۋىن ىلگەرىلەتىپ، سالاماتتىق - تىنىعۋ ونىمدەرىنىڭ ساپاسى مەن دەڭگەيىن ۇزدىكسىز جوعارىلاتىپ، قالىڭ حالىق بۇقاراسىنىڭ كوپ ساتىلى، الۋان ءتۇرلى سالاماتتىق بويىنشا قىزمەت وتەۋ سۇرانىسىن اناعۇرلىم ويداعىداي قاناعاتتاندىرىپ، شينجياڭدى ساياحات ارقىلى گۇلدەندىرۋ ستراتەگياسىنىڭ اتقارىلۋىنا پارمەندى تىرەك ازىرلەۋدى تالاپ ەتتى.

  شوكىرات زاكىر مىنالاردى باسا دارىپتەدى: ءتۇيىندى نىسان قۇرىلىسى − ءونىمدى قارجى قوسۋدى كەڭەيتۋدىڭ، ەكونوميكانىڭ ارتۋىن ىلگەرىلەتۋدىڭ تۇتقاسى، دامۋ تەبىنىن نىعايتۋدىڭ، تۇلعالىق كۇش - قۋاتتى ارتتىرۋدىڭ ارناسى. ءۇرىمجى قالاسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جالپى بەتتىك دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ءتۇيىندى ينجەنەريا نىسان قۇرىلىستارىن مىقتى يگەرۋ كەرەك. ورايدى مىقتى يگەرىپ، نىسان قۇرىلىستارىن دەن قويا جوبالاپ، ىلگەرىلەتىپ، قارجى قوسۋ بەتالىسىن ءدال كوزدەپ، ءونىمدى قارجى قوسۋدى كەڭەيتىپ، ولقىلىقتاردى، ءالسىز بۋىنداردى تولىقتاپ، قارجى قوسۋدىڭ ونىمدىلىگىن جوعارىلاتۋ كەرەك. جان - جاقتىلى، تولىق تىزبەكتى قىزمەت وتەۋمەن قامداپ، ءتۇيىندى نىسان قۇرىلىستارىن جەدەلدەتىپ، كاسىپورىنداردىڭ ءوندىرىس قۋاتىنا، ءوندىرىس ونىمدىلىگىنە جەتۋىن جەبەپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.

  اۆتونوميالى رايون باسشىلارىنان شۇي حايرۇڭ، جاڭ چۇنلين، حىڭدا توبى باسالقا كەڭەسىنىڭ ءتوراعاسى شۇي جيايىن قاتارلىلار تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.