ءبىلىم مەنشىلىك ۇقىعىن كەپىلگە قويىپ ءبىر ميلليارد 470 ميلليون يۋان قارجى قۇرادى
رايونىمىزداعى 30 نەشە كاسىپورىن ”ءبىلىم قورىن“ ”كاپيتالعا“ اينالدىردى
شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 4 - ايدىڭ 25 - كۇنى ۇرىمجىدەن حابارلايدى. ”بانكەنىڭ سەنىمدىلىگىنە يە بولىپ 100 ميلليون يۋان اقشا تاپسىرىپ الۋ سەرىكتەستىك جونىنەن ’ىرىستى جاۋىن‘ بولارى ءشۇباسىز“. 4 - ايدىڭ 25 - كۇنى جيۋشىڭحى تۇقىم شارۋاشىلىعى كاسىبى جارنا شەكتى سەرىكتەستىگىنىڭ قازىنا باس باقىلاۋشىسى باي جۇنچاۋ بىلاي دەدى: ىندەت تۋىلعاننان كەيىن اۆتونوميالى رايوندىق بازار باقىلاۋ - باسقارۋ مەكەمەسىنىڭ كومەگىمەن وسى سەرىكتەستىك ”جيۋشىڭحى“ جەلىلەس تاۋار ماركاسى مەن 7 ءتۇرلى ارناۋلى پاتەنت توپتاماسىن كەپىلگە قويىپ، ”ءبىلىم قورىن“ ”كاپيتالعا“ اينالدىردى.
بيىل جىل باسىنان بەرى، تۇتاس رايونىمىزدا كوپتەگەن كاسىپورىندار ءبىلىم مەنشىك ۇقىعىن كەپىلگە قويۋ ارقىلى قارجى قۇرادى. مۇندا شينجياڭ لۇيساي سۋ ۇنەمدەۋ عىلىم - تەحنيكالىق اشۋ شەكتى سەرىكتەستىگى 5 ميلليون يۋان قارجىنى ءساتتى قۇرادى، شينجياڭ جۇنشين حيميا ونەركاسىپ جارنا شەكتى سەرىكتەستىگى ءساتتى تۇردە 23 ميلليون يۋان قارجى قۇرادى.
”كاسىپورىنداردىڭ جۇمىستى، ءوندىرىستى قالپىنا كەلتىرۋىنە دەم بەرۋ ءۇشىن، ورتالىعىمىز ىندەتتەن ساقتانۋ - تىزگىندەۋ كەزىندە ءبىلىم مەنشىك ۇقىعىن كەپىلگە قويۋ ارقىلى قارجى قۇراۋداي جەلىلەس شارالاردى جولعا قويىپ، ورتا، شاعىن كاسپورىنداردىڭ ءبىلىم مەنشىك ۇقىعى ارقىلى قارجى قۇراۋ قاجەتىنە كۇش سالا قىزمەت وتەدى“. اۆتونوميالى رايوندىق ءبىلىم مەنشىك ۇقىعىنا قىزمەت وتەۋ ورتالىعىنىڭ مەڭگەرۋشىسى ليۋ شانجيۋ تانىستىرىپ بىلاي دەدى: بۇل شارالار ءبىلىم مەنشىك ۇقىعىن كەپىلگە قويىپ قارجى قۇراۋدى ءبىتىرۋ ءتارتىبىن ونان ارى ساپالىلاندىرىپ، ءبىلىم مەنشىك ۇقىعىن كەپىلگە قويىپ قارجى قۇراۋعا قىزمەت وتەۋ جاسىل ارناسىن اشۋ، ورتا، شاعىن كاسىپورىنداردىڭ كەپىلگە قويىپ قارجى قۇراۋ ارنالارىن بەلسەنە كەڭەيتۋ، ءار جاق بىرگە ارەكەتتەنىپ، ءبىلىم مەنشىك ۇقىعىن كەپىلگە قويىپ قارجى قۇراۋ قىزمەتىن بىرگە ىلگەرىلەتۋ قاتارلىلاردى قامتيدى.
تاياۋ جىلداردان بەرى، رايونىمىز ءبىلىم مەنشىك ۇقىعىن كەپىلگە قويىپ قارجى قۇرۋ قىزمەتىن تىڭعىلىقتى ىلگەرىلەتىپ، قاتىستى ساياساتتارعا ساي، ورتا، شاعىن، ۇساق كاسىپورىندارعا باعىتتالعان پاتەنتتى توپتاپ كەپىلگە قويىپ قارجى قۇراۋ قاجەتى مەن ۇگىت، باۋلۋ قىزمەتىن بەلسەنە ورىستەتتى ءارى بانكەنىڭ ورتا، شاعىن، ۇساق كاسىپورىنداردى قولداۋعا پايدالانىلاتىن پاتەنتتى كەپىلگە قويىپ قارجى قۇراۋداي ”جىجياڭتۇڭ“ ارناۋلى فينانس كاسىبىن اشۋىن سايكەستىردى. بۇدان تىس، قاتىستى تاراۋلار تاعى ءبىلىم مەنشىك ۇقىعى باۋلۋى، اقىل كەڭەس بەرۋ، جەتەكشىلىك ەتۋ، حاۋىپ - قاتەردەن ساقتاندىرۋ، پاتەنت جونىنەن نۇسقاۋشىلىق ەتۋ قىزمەت وتەۋ سىندى شارالار ارقىلى، جوعارى قۇنعا يە پاتەنت جانە جوعارى ساپالى ماركالاردى بەلسەنە كادەگە جاراتىپ، جەتىلدىرىپ، كاسىپورىنداردىڭ جاڭالىق اشۋ ارقىلى دامۋىنا دەم بەردى جانە جوعارى ساپالى دامۋعا قولداۋ كورسەتتى.
قارامايلى بودا ەكولوگيالىق ورتانى قورعاۋ عىلىم - تەحنيكا شەكتى جاۋاپكەرشىلىك سەرىكتەستىگىنىڭ القا باستىعى چين حايجۇن تىلشىگە مىنانى ايتتى: ”بىلتىر ءبىز كاسىپورىننىڭ دەربەس زەرتتەپ اشقان 3 قولدانىلمالى جاڭاشا پاتەنتى ارقىلى، بانكەدەن 35 ميلليون 700 مىڭ يۋان قارجى قۇراپ، ۇزاق ۋاقىتتان بەرى كاسىپورىننىڭ دامۋىنا تۇساۋ بولعان قارجى قۇراۋ قيىن بولۋ ماسەلەسىن ءساتتى شەشتىك. قورشاعان ورتانى قورعاۋ سالاسىنداعى حالىقتىق كاسىپورىن رەتىندە ءبىز بولاشاقتاعى دامۋعا سەنىمىمىز تولىق“.
ساناققا قاراعاندا، 2017 - جىلدان بيىل 3 - ايدىڭ سوڭىنا دەيىن بۇكىل رايونىمىزدا 30 نەشە كاسىپورىن 100گە تارتا پاتەنتتى كەپىلگە قويۋ ارقىلى بانكە سياقتى فينانس قۇرىلىمدارىنان ءساتتى تۇردە ءبىر ميلليارد 470 ميلليون يۋان قارجى قۇراعان. پاتەنت ارقىلى قارجى قۇراۋ رايونىمىزداعى كاسىپورىنداردىڭ دامۋ قارجىسىنا يە بولۋدىڭ جاڭا جولىنا اينالدى.
