تيانشان تورى   ›   جاڭالىقتار   ›   شينجياڭ حابارلارى

نىسان قۇرىلىستارى قاۋىرت جۇمىس باستاپ، قارجى قوسۋدى جەدەلدەتۋ تەبىنى كۇشەيتىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 4 - ايدىڭ 26 - كۇنى ۇرىمجىدەن حابارلايدى. بيىل اۆتونوميالى رايون ”ءوندىرىستى قالپىنا كەلتىرۋ، جۇمىس باستاۋ، قور جيناۋ“ سىندى 3 بۋىندى مىقتاپ قاداعالاپ، نىسانداردا جۇمىستى، ءوندىرىستى قالپىنا كەلتىرۋ قۇرىلىسىن كۇش سالا ويداعىداي ىستەپ، ءونىمدى قارجى قوسۋدىڭ شەشۋشى رولىن ساۋلەلەندىرىپ، ەكونوميكانىڭ ورنىقتى، اقاۋسىز دامۋىن ىلگەرىلەتتى. مەملەكەتتىك ساناق مەكەمەسىنىڭ تەكسەرىپ بەكىتۋى ارقىلى 1 - توقساندا بۇكىل رايونىمىزدىڭ تۇراقتى مۇلىككە قوسقان قارجىسى (شارۋالار وتباسىىن قامتىمايدى) بىلتىرعى سايكەس مەزگىلدەگىدەن %5.2 ارتىپ، ارتۋ قارقىنى بىلتىرعى سايكەس مەزگىلدەگىدەن 14.3 پايىز جوعارىلاپ، بۇكىل ەلدىڭ ورەسىنەن 21.3 پايىز جوعارى بولىپ، بۇكىل مەملەكەت بويىنشا 1 - ورىندى يەلەدى.

  4 - ايدىڭ 26 - كۇنى ءۇرىمجى قالاسى حىماچۋان جاڭا رايونى سۋجوۋ جولىن شىعىسقا سوزاتىن جانە شىعىس 2 - اينالما جولىن تولىق تۇتاستىراتىن ايقاسپالى كوپىر قۇرىلىسىنىڭ جۇمىس باسىندا، جوڭىشقا جاپىراعى فورماسىنداعى كوپىر تۇلعاسى العاش قالىپتاسىپ، شىعىس 2 - اينالما جولىن ەندەي وتەتىن بولات تايانىشتى كرانمەن قۇراستىرۋ ورىندالىپ بولدى. جوسپار بويىنشا 7 - ايدىڭ سوڭىندا وسى ينجەنەريا شىعىس 2 - اينالما جولمەن تۇتاستىرىلىپ بولادى.

  نىسان قۇرىلىسىن جۇرگىزۋشى ورىن تايپيڭياڭ قۇرىلىس توبى شەكتى سەرىكتەستىگىنىڭ قاتىستى جاۋاپتىسى تانىستىرىپ بىلاي دەدى: 3 - ايدىڭ 28 - كۇنىنەن باستاپ ايقاسپالى كوپىر قۇرىلىسى كوپىر ارقالىعىن قۇيۋ جانە بولات تايانىشىن تۇتاستىرۋ شەشۋشى جۇمىسىنا قادام تاستادى. وسى نىسان قۇرىلىسى اياقتاعاننان كەيىن حىماچۋان جاڭا رايونىنىڭ جول تورابى قاڭقاسىن قالىپتاستىرىپ، سول ءوڭىردى سىرتپەن بايلانىستىراتىن ماڭىزدى وتكەلەككە اينالىپ، وسى اۋماقتىڭ بايلانىسىن ءتىپتى دە قويۋلاتا تۇسەتىن بولادى.

  بۇگىنگى نىسان − ەرتەڭگى دامۋ. 1 - توقساندا تۇتاس رايونىمىزدا قۇرىلىس جۇرگىزىپ جاتقان نىسان 2000عا جەتىپ، بىلتىرعى سايكەس مەزگىلدەگىدەن %6.4 ارتتى. تۇتاس رايونىمىزدا قارجى قوسىلعان نىسانداردىڭ (جالپى 50 ميلليون يۋاننان استام قارجى قوسۋ جوسپارلانعان نىساندار) ءىس جۇزىندە تياناقتانعان قارجىسى بىلتىرعى سايكەس مەزگىلدەگىدەن %14.2 ارتىپ، ارتۋ قارقىنى بىلتىرعى سايكەس مەزگىلدەگىدەن 15 پايىز جوعارىلاعان.

  نىسان قۇرىلىسىندا رايونىمىز ”جۇمىستى قالپىنا كەلتىرۋدى يگەرۋ، جۇمىس باستاۋدى يگەرۋ، باستاپقى مەرزىمىن يگەرۋ، قۇرىلىستى يگەرۋ، قارجى توپتاۋدى يگەرۋ، قامتاماسىز ەتۋدى يگەرۋ“ سياقتى 6 جاقتاعى قىزمەتتى كۇش سالا ويداعىداي ىستەپ، قىزمەت تاسىلىندە جاڭالىق اشىپ، ورتالىقتىڭ جانە اۆتونوميالى رايوننىڭ مەجە ەسەپ ىشىندەگى قارجىسى، جەرگىلىكتى ۇكىمەتتىڭ ارناۋلى زايومى سياقتى قازىنالىق سيپاتتى قارجىنى ءبىر تۇتاس جوسپارلاپ ويداعىداي پايدالانۋمەن بىرگە، 300 ميلليارد يۋان ارناۋلى قارىز اقشا قارجى قورىن قۇرىپ، ءتۇيىندى نىسان قۇرىلىستارىنا قولداۋ كورسەتىپ، مەملەكەت ىشىندەگى A دارەجەلى نىسان قۇرىلىسىنا اقىل - كەڭەس بەرۋ قۇرىلىمىنان توعىزىن ەنگىزىپ، زەردەلى قۇرىلىمداردىڭ كۇش - قۋاتىنا سۇيەنىپ، نىسان قۇرىلىسىنىڭ عىلميلىعىن، تەحنيكالىق قامتىمىن جانە جارامدىلىعىن جوعارىلاتتى.

  اۆتونوميالى رايوندىق ساناق مەكەمەسىنىڭ ساندى مالىمەتىندە كورسەتىلۋىنشە، 1 - توقساندا تۇتاس رايونىمىزداعى نەگىزدىك قۇرىلعىلار كاسىپ سالاسىنا قارجى قوسۋ سايكەس مەزگىلدەگىدەن %8.5 ارتىپ، ارتۋ قارقىنى سايكەس مەزگىلدەگىدەن 30.2 پايىز جوعارىلاپ، 2018 - جىلدان بەرگى قۇلدىراۋ جاعدايىن وڭالتقان. سونىمەن ءبىر ۋاقىتتا، 3 كاسىپ سالاسىنا قارجى قوسۋ تۇگەلدەي ارتقان. 1 - توقساندا تۇتاس رايونىمىزداعى 1 - كاسىپ سالاسىنا قوسىلعان قارجى سايكەس مەزگىلدەگىدەن %18.5 ارتىپ، ارتۋ قارقىنى سايكەس مەزگىلدەگىدەن 15.9 پايىز جوعارىلاعان؛ 2 - كاسىپ سالاسىنا قوسىلعان قارجى سايكەس مەزگىلدەگىدەن %8.9 ارتىپ، ارتۋ قارقىنى سايكەس مەزگىلدەگىدەن 8.1 پايىز جوعارىلاعان؛ 3 - كاسىپ سالاسىنا قوسىلعان قارجى سايكەس مەزگىلدەگىدەن %0.6 ارتىپ، ارتۋ قارقىنى سايكەس مەزگىلدەگىدەن 18.3 پايىز جوعارىلاعان.

  ”نىساندى يگەرۋ دەگەن ارتۋدى ورنىقتىرۋ، ورايدى يگەرۋ، بولاشاققا ۇمتىلۋ“ بولماق. اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى لي رىن بىلاي دەدى: ءتۇيىندى نىسان قۇرىلىسى قارجى قوسۋدى جەبەۋدىڭ، ارتۋدى ورنىقتىرۋدىڭ ”تەتىگى“ رەتىندە، تۇتاس رايونىمىزدىڭ قارجى قوسۋ قۇرىلىسىندا جەتەكشىلىك، ۇلگى كورسەتۋ رولىنا يە، تۇتاس رايونىمىز ەكونوميكاسىنىڭ ارتۋىندا اسا ماڭىزدى جەتەكشىلىك رول اتقارادى، ەكونوميكانىڭ ورنىقتى، اقاۋسىز دامۋىنىڭ باياندى قوزعاۋشى كۇشى، بارلىق كۇشتەردى شوعىرلاندىرا وتىرىپ، بەلسەنە توتەپ بەرىپ، ىرىقتىلىقپەن اتويلاپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىنىپ، اۆتونوميالى رايونىمىز ەكونوميكاسىنىڭ، قوعامىنىڭ ورنىقتى، اقاۋسىز اينالىمىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى