تيانشان تورى   ›   جاڭالىقتار   ›   شينجياڭ حابارلارى

تاشقورعان پامير اۋەجايى سالىنا باستادى

تاشقورعان پامير اۋەجايىنىڭ جۇمىس باستاۋ ناق مايدانى.

  4-ايدىڭ 26-كۇنى، تاشقورعان پامير اۋەجايى جالپى بەتتىك جۇمىس باستادى. تاشقورعان پامير اۋەجايى شينجياڭداعى تۇڭعىش بيىك ءۇستىرت اۋەجاي، تاشقورعان تاجىك اۆتونوميالى اۋدانى اۋدان قالاشىعىنىڭ وڭتۇستىگىنەن 13 كيلومەتر قاشىقتىقتا، تەڭىز دەڭگەيىنەن 3252 مەتر بيىك، مەجەمەن 2022-جىلى 5-ايدا ىسكە قوسىلادى.

تاشقورعان تاجىك اۆتونوميالى اۋدانىنىڭ جەر بەلگىسى قۇرىلىسى.

  تاشقورعان اۋەجايى مەملەكەتتىڭ، حالىقتىق اۆياتسيا مەكەمەسىنىڭ جانە اۆتونوميالى رايوننىڭ ”13 - بەسجىلدىق“ جوباداعى ءتۇيىندى اۋەجاي قۇرىلىس نىسانى، اۋەجايعا جالپى ءبىر ميلليارد 630 ميلليون يۋان قارجى قوسىلعان، نىساننىڭ قۇرىلىس مەرزىمى 3 جىل، ۇشۋ-قونۋ جولىنىڭ ۇزىندىعى 3800 مەتر، كەڭدىگى 45 مەتر، ۇشۋ رايونىنىڭ دارەجەسى 4C، اۆياتسيا عيماراتىنىڭ جالپى كولەمى 3000 شارشى مەتر، جىلدىق جولاۋشى قابىلداۋ - جونەلتۋ مولشەرى 160 مىڭ ادام - رەت، زات تاسىمالداۋ مولشەرى 400 توننانى قاناعاتتاندىرىپ، جىلىنا 1900 رەت ۇشۋ - قونۋ قاجەتىن جۇزەگە اسىرا الادى.

  ءتىلشىنىڭ شينجياڭ اۋەجاي توبىنان ۇعىسۋىنشا، تەڭىز دەڭگەيىنەن بيىكتىگى 2438 مەتردەن (قامتيدى) جوعارى اۋەجاي بيىك ءۇستىرت اۋەجايىنا جاتادى. قازىر ەل ىشىندە قولدانىستاعى بيىك ءۇستىرت اۋەجايى 15، سالىنۋ ۇستىندەگى اۋەجاي 2 (تاشقورعان اۋەجايىن قامتيدى)، تاشقورعان اۋەجايىنىڭ تەڭىز دەڭگەيىنەن بيىكتىگى 14 - ورىندا تۇرادى.

  تاشقورعان پامير اۋەجايى ينجەنەريا قۇرىلىسى قولباسشىلىق شتابىنىڭ باس جەتەكشىسى لياۋ جىڭجۇن بىلاي دەپ تانىستىردى: شينجياڭداعى تۇڭعىش بيىك ءۇستىرت اۋەجاي بولعاندىقتان، ورىن جانە قۇرىلىس تاڭداۋ جاقتارىندا بەلگىلى قيىندىقتار بولدى.

  ”تاشقورعان تەڭىز دەڭگەيىنەن بيىك، جەر بەدەرى كۇردەلى، بوگەتسىز كەڭىستىك شارت - جاعدايى ناشار، كليماتى سۇركەيلى، جوبالاۋشىلار شيزاڭ، چيڭحاي سياقتى وڭىرلەردىڭ ءۇستىرت اۋەجايىنا ورىن تاڭداۋ قۇرىلىس تاجىريبەلەرىمەن ۇشتاستىرىپ، اۋدان قالاشىق توڭىرەگىنەن 30 كيلومەتر اۋماقتا، تاڭداۋعا ازىرلەنگەن 3 ورىنعا سالىستىرۋ، تالداۋ جاساپ، قايتا - قايتا دالەلدەۋ جۇرگىزىپ، سوڭىندا اۋدان قالاشىعىنان ءتۇزۋ سىزىقتا 13 كيلومەتر قاشىقتىقتاعى اقتامدى اۋەجايدىڭ ورنى ەتىپ تۇراقتاندىردى“،-دەدى لياۋ جيڭجۇن، الاڭ ورنى تۇرعان جەردىڭ مۇز قاتۋ پەريودى ۇزاق ، تۇتاس جىلدىق ٴونىمدى قۇرىلىس جۇرگىزۋ مەرزىمى نە ٴبارى جارىم جىل ، قاجەتتى قۇرىلىس ماتەريالدارىن ، قۇرىلىس جۇرگىزۋشىلەر 300 كيلومەتردەن تىسقارى قاشىقتىقتاعى قاشقاردان ناق مايدانعا تاسىمالدايدى ، قۇرىلىس مولشەرى وتە كوپ.

  ۇعىسۋعا قاراعاندا، تاشقورعان پامير اۋەجايى ىسكە قوسىلعاننان كەيىن، تاشقورعاننان قاشقار، ياركەن، ءۇرىمجى، قۇلجا، اقسۋ سياقتى شينجياڭ ىشىندەگى قالالارعا تۇتاساتىن اۋە لەنياسى جوبالانادى، ۇزاق مەرزىمدىك جوبادا تاعى تاشقورعاننان شي - ان، بەيجيڭ، شىنجىن سياقتى جەرلەرگە تۇتاسقان اۋە لەنياسى دا كوبەيتىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.