تيانشان تورى   ›   ۇيرەنۋ   ›   شولۋ

سالاماتتى شينجياڭ، ۇمىتكە تولى بولاشاق

− رايونىمىزداعى ءار ۇلت كادرلارى مەن بۇقاراسىنىڭ وتانشىلدىق تازالىق ايى قيمىلىنا بەلسەنە قاتىناسۋى جونىندە جالپى شولۋ

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا

  4 - ايداعى شينجياڭدا كوكتەم سامالى ەسىپ، تال - تەرەكتەر باياۋ تەربەلدى. مەملەكەتتىك 32 - رەتكى وتانشىلدىق تازالىق ايى مەزگىلىندە تيانشاننىڭ وڭتۇستىگى مەن سولتۇستىگىندەگى ءار ۇلت كادرلارى مەن بۇقاراسى جابال اتتانىسقا كەلىپ، قول ۇستاسا بىرگە جونگە سالىپ، قوس قولدارىمەن تاپ - تازا تۇرمىس ورتاسىن جاراتتى؛ باياندى مەحانيزم ورناتۋعا بەلسەنە ىزدەنىس جاساپ، وتانشىلدىق تازالىق قيمىلىنىڭ تابىستارىن بەكەمدەپ، وركەنيەتتى، سالاماتتى تۇرمىس ءتاسىلىن جاڭا ۇردىسكە اينالدىردى.

قونىس ورتاسى اناعۇرلىم رەتتى دە تازا بولدى

  4 - ايدىڭ 23 - كۇنى تاڭەرتەڭ ەرتە ءۇرىمجى قالاسى ميدۇڭ رايونى تيەچاڭگوۋ قالاشىعى تيانشان قىستاعىنىڭ تۇرعىنى جاڭ ۋيحۋا قولىنا سىبىرتكى الىپ، ءۇيىنىڭ الدىنداعى تار كوشەنى سىپىردى. وتانشىلدىق تازالىق ايى قيمىلى ورىستەتىلگەننەن بەرى، تيانشان قىستاعى پارتيا باس ياچەيكاسى قىستاق تۇرعىندارىن زور تازالىق قيمىلىنا بەلسەنە قاتىناسۋعا اتتانىسقا كەلتىردى، قىستاق تۇرعىندارى قولدارىنا كۇرەك، سىبىرتكى سياقتى قۇرالداردى الىپ تازالىق ىستەۋدى كۇندەلىكتى داعدىعا اينالدىردى.

  قوقىر - قوقسىقتاردى ارناۋلى كولىكتىڭ قوقىر - قوقسىقتى ءبىر جاقتى ەتۋ پۋنكتىنە تاسىعانىن كورگەندە، جاڭ ۋيحۋا بىلەگىن كوتەرىپ، ماڭدايىنداعى تەرىن ءسۇرتىپ: ”قىستاعىمىز ساياحات كاسىبىن دامىتىپ وتىر، ورتا تازالىعىن، ءسوز جوق، جاقسى ىستەۋىمىز كەرەك!“، - دەدى.

  اتۇش قالاسىندا كاسىپورىن، ءىسورىن، الەۋمەتتىك اۋماق، اۋىل - قىستاق، بازار سياقتى ءتۇرلى ءوندىرىس، تۇرمىس ءتۇيىندى ورىندارىنا شوعىرلانعان ورتا تازالىعىن جان - جاقتىلى رەتتەۋ - جونگە سالۋ ناۋقانى الەۋمەتتىك تازالىق ورتاسىن جالپى بەتتىك جاقسارتۋدا.

  قۇم - سەمەنتتى تاسۋ، تام سوعىپ، كەرپىش جيۋ، اعاش ەگۋ... ءۇرتىس بىرنەشە كۇن رەتتەۋ ارقىلى اتۇش قالاسى سۇنتاع اۋىلى ۋاقۋاق قىستاعىنىڭ تۇرعىنى ابدىراحمان ابدۇعوپۇر وتباسىنىڭ اۋلاسى رەتتى دە تازا بولىپ، تىرشىلىك تىنىسىنا تولدى.

  ”قىستاقتاعى ۇلكەن لابادا ءار كۇنى وتانشىلدىق تازالىق ايىنا قاتىستى مازمۇندار بەرىلەدى، قىستاق كادرلارى دا ءبىزدى باستاپ قىستاق بەت - بەينەسىنە كەڭ كولەمدى رەتتەۋ - جونگە سالۋ جۇرگىزدى، ونىڭ ۇستىنە اۋلا شارۋاشىلىعىن كۇش سالا دامىتۋمەن قوسا، اۋلادا گۇل دە، كوكونىس تە، اعاش تا بار بولدى، قالالىقتار كەلسە كەتكىسى كەلمەيتىن بولدى“، - دەدى ابدىراحمان ماقتانا.

  تازالىعى ناشار قالتارىستار جوعالدى، اۋلانىڭ بەت - بەينەسى شىت جاڭا كۇيگە ەندى، قالالاردىڭ الەۋمەتتىك ءوڭىرى دە ونان ارى رەتتى، تازا بولدى... ءار ۇلت كادرلارى مەن بۇقاراسىنىڭ كورىكتى مەكەندى قۇرىپ، باقىتتى تۇرمىس قۇشقان تاماشا رۋحاني بەت - بەينەسى كوكتەمدەگى تيانشاننىڭ وڭتۇستىگى مەن سولتۇستىگىندەگى اسەم كورىنىسكە اينالدى.

وركەنيەت، سالاماتتىق تانىمى كوكەيگە تەرەڭ ۇيالادى

  4 - ايدىڭ 26 - كۇنى ساعات 8دەن 30 مينۋت وتكەندە، شونجى اۋدانى شونجى قالاشىعى جينشان الەۋمەتتىك اۋماعىنىڭ تۇرعىنى پىڭ ليان سپورت شاقايىن كيىپ، ءدال ۋاقىتىندا سىرتقا تاڭعى ماشىققا شىقتى. شاعىن اۋماقتىڭ قاقپاسى الدىندا ءار كۇنى بىرگە جاياۋ جۇرەتىن دوستارى توسىپ تۇر ەدى.

  ”ءوز سالاماتتىعىمىزدىڭ ءبىرىنشى جاۋاپتى ادامى رەتىندە، ارتىق تاماقتانۋدى تيىپ، كوبىرەك جاياۋ ءجۇرۋىمىز كەرەك، جانەدە ەڭبەك پەن دەمالىستى ۇشتاستىرۋىمىز، كوڭىل كۇيىمىزدى ورنىقتى ۇستاۋىمىز قاجەت. اقاۋسىز دەنساۋلىق وتباسىڭ ءۇشىن، قوعام ءۇشىن قوسقان ۇلەسىڭ بولماق“. پىڭ ليان بىلاي دەدى: ەگەر سىرتقا شىعىپ كەرەك - جاراق ساتىپ الۋعا تۋرا كەلسە، كۇيەۋىم ەكەۋىمىز جاياۋ بارىپ - كەلۋگە تىرىسامىز، مۇنىڭ ءوزى دەنە شىنىقتىرۋ، ءارى جاسىل، ءارى ورتانى قورعايدى.

  تيانشاننىڭ وڭتۇستىگى مەن سولتۇستىگىندە ورتاق ساقپى، ورتاق قاسىق اس ۇستەلىندەگى ولشەمگە اينالعان. بىرنەشە كۇننەن بەرى، ءدوربىلجىن اۋدانى تۇتاس اۋدان كولەمىندە وركەنيەتتى اس ۇستەلى قيمىلىن ورىستەتۋ ارقىلى بۇقارانىڭ ورتاق ساقپى، ورتاق قاسىق پايدالانۋىن دارىپتەپ، حاۋىپسىز، اقاۋسىز، تازا، وركەنيەتتى اس ۇستەلى سالتىن قالىپتاستىردى.

  ”قازىر ماسكى تارتۋ، ءار دايىم قول جۋۋ، كوپ اۋا الماستىرۋ ءاربىرىمىزدىڭ تۇرمىس داعدىمىزعا اينالدى، ورتاق ساقپى، ورتاق قاسىق ىستەتۋ اۋرۋدىڭ الدىن الۋ، ءوزىمىزدى قورعاۋدى كۇشەيتۋ جونىنەن ۇقساس ماڭىزدى، مۇنى قوس قولىممەن قولدايمىن“، - دەدى ءدوربىلجىن اۋدانىندا ءبىر اسحانانى جۇرگىزىپ وتىرعان لي شياڭ.

  لايىقتى دەنە شىنىقتىرۋ، تەمەكى تاستاۋ، اراقتان تيىلۋ، جەرگە بەتالدى تۇكىرمەۋ، قوقىر - قوقسىقتى الباتى توكپەۋ... جەكە ادامنىڭ تاماشا تازالىق ادەتىن جەتىلدىرۋدەن الەۋمەتتىك ورتانىڭ تازالىعىن بەلسەنە قورعاۋعا دەيىن وتانشىلدىق تازالىق ايىنىڭ جەبەۋىندە، سالاماتتى قۇدىرەتتى ەل قۇرۋ ۇستانىمى قازىر كوڭىلگە ۇيالاپ، ارەكەتتە ايگىلەنىپ، تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسىنىڭ سانالى ارەكەتىنە اينالدى.

وتانشىلدىق تازالىق ماڭگى جالعاسادى

  ءارقايسى قىستاققا بىردەن تازالىقشى سەپتەپ، نەگىزگى جانە تار كوشەلەردىڭ تازالىعىنا كەپىلدىك ەتتى. ءار ايدا زور تازالىق قيمىلى ورىستەتىلىپ، قىستاق تۇرعىندارىن ورتا تازالىعىن رەتتەۋ - وڭاۋعا ات سالىسۋعا ۇندەدى... ءۇرىمجى قالاسى ميدۇڭ رايونى تيەچاڭگوۋ قالاشىعى وتانشىلدىق تازالىق ايى قيمىلىنىڭ ونىمدىلىگىن بەكەمدەۋدىڭ باياندى مەحانيزمىن ورناتتى.

  كونەءشار اۋدانى مۇش اۋىلى مىڭجول قىستاعى قونىس ورتاسىن رەتتەۋ - وڭاۋدى تىڭعىلىقتى ورىستەتىپ، كورىكتى اۋلا قۇرۋدى زور كۇشپەن ورىستەتىپ، قىستاق تۇرعىندارىنىڭ تابىس سەزىمىن، باقىت سەزىمىن جوعارىلاتتى. ”قىستاعىمىز وتانشىلدىق تازالىق ايى قيمىلىمەن بىرلەستىرىپ قونىس ورتاسىن رەتتەۋ - وڭاۋدى ورىستەتكەننەن بەرى، قىستاقتىڭ بەت - بەينەسىندە زور وزگەرىستەر تۋىلدى. قىستاق تۇرعىندارى دا بىرتە - بىرتە ءۇيدىڭ الدى - ارتىن ۇنەمى سىپىرۋ سىندى جاقسى ادەت قالىپتاستىردى، وسىنداي وركەنيەتتى، اقاۋسىز جاقسى سالتتى، ءسوزسىز، جالعاستىرۋ كەرەك“. قىستاق پارتيا ياچەيكاسىنىڭ شۋجيى مامەتجان تىلەۋالدى بىلاي دەدى: قازىر قىستاق ”ەكى كوميتەتى“ القالارى ياچەيكا جەتەكشى بولۋ، پارتيا مۇشەلەرى باستاماشى بولۋ، بۇقارا ات سالىسۋ قىزمەت وي جەلىسى بويىنشا اۋىل - قىستاقتىڭ ورتا تازالىعىن باسقارۋدىڭ ۇدايىلانعان مەحانيزمىنە قۇلشىنا ىزدەنىس جاساپ، رەتتى، تازا، كورىكتى، وركەنيەتتى، جاراسىمدى قونىس ورتاسىن بەلسەنە قالىپتاستىرىپ، مىڭجول قىستاعىنىڭ وزىندىك ساياحات ماركاسىن تۇلعالاۋدا.

  وتاندى ءسۇيۋ، وتباسىن ءسۇيۋ، ءوزارا قارايلاسۋ - كومەكتەسۋ، بارلىق ادام ىسكە كىرىسۋ، مەكەندى ويداعىداي كوركەيتۋ. تۇتاس شينجياڭعا كوز سالار بولساق، ءار ۇلت كادرلارى مەن بۇقارا ىندەت كەزىندەگى تازالىققا كوڭىل بولگەن ءىس - ارەكەتتەرىن ۇدايىلاندىرىپ، تۇتاس حالىق اتتانىسقا كەلىپ، وتانشىلدىق تازالىق قيمىلىنا قاتىناسۋدىڭ جاڭا مەحانيزمىن ورناتىپ، ىندەتتەن ساقتانۋ - تىزگىندەۋدىڭ تابىستارىن بەكەمدەۋگە شينجياڭ كۇشىن ارنادى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.