شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 4 - ايدىڭ 28 - كۇنى ۇرىمجىدەن حابارلايدى. ”ىندەت كەزىندە، ءبىز بازاردىڭ توڭازىتىلعان ەت، ءۇي قۇستارى، ۇن پراندىك سياقتىلارمەن قامداۋىن بار كۇشپەن قامتاماسىز ەتىپ، ۇكىمەتتىڭ ۇندەۋىنە بەلسەنە ءۇن قوسىپ، اۆتونوميالى رايوندىق بازار باقىلاۋ - باسقارۋ مەكەمەسىنىڭ جەتەكشىلىگىندە، قوعامدىق جاۋاپكەرشىلىك ارقالاپ، حايحۇڭ حالىقارالىق ازىق - تۇلىك، زات اينالىمى پورتىنداعى ساۋداگەرلەر ءۇشىن ىرىقتى تۇردە دۇكەن جالداۋ اقىسى سياقتىلاردان 22 ميلليون يۋانداي اقىنى ازايتىپ نەمەسە كەشىرىم ەتىپ، تۇتاس بازاردىڭ جۇمىستى، ءوندىرىستى قالپىنا كەلتىرۋىن ىلگەرىلەتتىك“، - دەدى 4 - ايدىڭ 27 - كۇنى حايحۇڭ حالىقارالىق ازىق - تۇلىك، زات اينالىمى پورتىنىڭ باس ديرەكتورى يان لينلۇڭ تىلشىگە. سول كۇنى حايحۇڭ حالىقارالىق ازىق - تۇلىك، زات اينالىمى پورتىندا جۇرگىنشىلەر، اۆتوموبيلدەر رەتتى، ءتارتىپتى كىرىپ - شىعىپ، ساۋداگەرلەر زات ساتۋ، زات رەتتەۋ جۇمىستارىمەن قاربالاس بولىپ جاتتى.
بيىل 3 - ايدا اۆتونوميالى رايون «جەكە ساۋدا - ونەركاسىپشىلەردىڭ ىندەتتىڭ ىقپالىنا توتەپ بەرۋىنە، تيجارات وزىندىك قۇنىن تومەندەتۋىنە كومەكتەسىپ، ورنىقتى دامۋدى جەبەۋ جونىندەگى ءبىر قانشا پىكىردى» العا قويىپ، ءتارتىپتى تۇردە جۇمىستى، ءوندىرىستى قالپىنا كەلتىرۋدى جەدەل ىلگەرىلەتۋ، جەكە ساۋدا - ونەركاسىپشىلەردىڭ تيجارات وزىندىك قۇنىن تومەندەتۋ، تيجاراتتى سۇيەمەلدەۋ سەرپىنىن ارتتىرۋ، قازىنالىق قولداۋ سەرپىنىن ارتتىرۋ، شارۋاشىلىق - ساۋدا بويىنشا قىزمەت وتەۋ دەڭگەيىن ءوسىرۋ سياقتى جاقتاردان 24 ءتۇرلى ناقتى شارا ورتاعا قويىپ، جەكە ساۋدا - ونەركاسىپشىلەردىڭ قيىن وتكەلدەن وتۋىنە، جۇمىستى، ءوندىرىستى قالپىنا كەلتىرۋىنە كومەكتەستى.
اۆتونوميالى رايوندىق بازار باقىلاۋ - باسقارۋ مەكەمەسى باستاماشى بولا وتىرىپ تەكسەرۋ - ولشەۋ اقىسىن ازايتۋ نەمەسە كەشىرىم ەتۋ، دۇكەن جالداۋ اقىسىن، قاتىستى قىزمەت وتەۋ اقىلارىن ازايتۋ نەمەسە كەشىرىم ەتۋ سياقتىلاردى تياناقتاندىرۋدى جەتەكشىلىك ەتىپ سايكەستىرۋ سياقتى شارالار ارقىلى كاسىپورىنداردىڭ تيجارات وزىندىك قۇنىن ونان ارى تومەندەتىپ، بازاردىڭ ومىرشەڭدىك كۇشىن قاۋلاتتى. 4 - ايدىڭ 26 - كۇنىنە دەيىن، بۇكىل رايونداعى جەكە ساۋدا - ونەركاسىپشىلەر ءۇشىن ءبىر ميلليارد 276 ميلليون يۋان ءتۇرلى اقىنى ازايتتى نەمەسە كەشىرىم ەتتى.
رايونىمىزدىڭ قاتىستى تاراۋلارى ءتۇرلى ازايتۋ، كەشىرىم ەتۋ ساياساتتارىن بەلسەنە تياناقتاندىرىپ، جەكە ساۋدا - ونەركاسىپشىلەردىڭ قيىنشىلىقتارىن جەڭىلدەتتى: اۆتونوميالى رايوننىڭ قاتىناس - تاسىمال تاراۋلارى 420 مىڭ اۆتوموبيلدىڭ كولىك توقتاتۋ اقىسىنان 49 ميلليون 50 مىڭ يۋان ازايتىپ نەمەسە كەشىرىم ەتىپ، كىرە اۆتوموبيلدەرىن باسقارۋ اقىسى (كوتەرمەگە الۋ اقىسى) سياقتى قاتىستى اقىلاردان 192 ميلليون يۋان ازايتتى نەمەسە كەشىرىم ەتتى؛ بۇكىل رايونداعى مەملەكەت مەنشىگىندەگى كاسىپورىندار مەن ءىسورىندارىنىڭ تەكسەرۋ - ولشەۋ قۇرىلىمدارى جالپى 23 مىڭ جەكە ساۋدا - ونەركاسىپشىنىڭ تەكسەرۋ - ولشەۋ اقىلارىنان 14 ميلليون 650 مىڭ يۋان ازايتتى نەمەسە كەشىرىم ەتتى؛ شينجياڭ حابارلاسۋدى باسقارۋ مەكەمەسى 152 مىڭ 200 جەكە ساۋدا - ونەركاسىپشىنىڭ ينتەرنەتتەن پايدالانۋ اقىسىنان 9 ميلليون 730 مىڭ يۋان ازايتتى نەمەسە كەشىرىم ەتتى؛ ءتۇرلى كاسىپ سالاسى قوعامدارى، ساۋدا قوعامدارى جانە ساۋدا - ونەركاسىپشىلەر بىرلەستىگى 32 مىڭ 500 جەكە ساۋدا - ونەركاسىپشىنىڭ 19 ميلليون 510 مىڭ يۋان جارناسىن كەشىرىم ەتتى.
رايونىمىزداعى ءتۇرلى حالىقتىق كاسىپورىندار دا ۇكىمەتتىڭ ۇندەۋىنە بەلسەنە ءۇن قوسىپ، جەكە ساۋدا - ونەركاسىپشىلەردىڭ دۇكەن جالداۋ اقىلارىن ازايتىپ نەمەسە كەشىرىم ەتىپ، ولاردىڭ قيىن وتكەلدەن وتۋىنە كومەكتەستى؛ شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى بۇكىل شينجياڭداعى 5 بازارداعى 28 مىڭ تيجاراتشىنىڭ دۇكەن جالداۋ اقىسىنان 190 ميلليون يۋان ازايتتى نەمەسە كەشىرىم ەتتى؛ شينجياڭ سىلۋ شينتياندي ساۋدالىق قارجى قوسۋ شەكتى سەرىكتەستىگى وزىنە قاراستى رۇيدا سىلۋ شينتياندي ساۋدا ورتالىعىنداعى 200دەن استام تيجاراتشىنىڭ دۇكەن جالداۋ اقىلارىنان 6 ميلليون يۋاننان استام ازايتتى نەمەسە كەشىرىم ەتتى...
مۇنان سىرت، اۆتونوميالى رايون تاعى جەكە ساۋدا - ونەركاسىپشىلەردىڭ جىلجىمايتىن مۇلىكتى تىركەۋ اقىلارى، جەكە ساۋدا - ونەركاسىپشىلەردىڭ داۋ - شاردى جاراستىرۋ اقىلارى سياقتىلاردى ازايتتى نەمەسە كەشىرىم ەتتى.
ءتۇرلى ازايتۋ، كەشىرىم ەتۋ ساياساتتارى جەكە ساۋدا - ونەركاسىپشىلەردىڭ سەنىمىن نىعايتىپ، جۇكتەرىن جەڭىلدەتتى، بۇكىل رايونداعى جەكە ساۋدا - ونەركاسىپشىلەر سانى كوپ مولشەردە ارتتى. 3 - ايعا دەيىن، بۇكىل رايون بويىنشا قازىر بار جەكە ساۋدا - ونەركاسىپشىلەر ءبىر ميلليون 481 مىڭعا جەتىپ، سايكەس مەزگىلدەگىدەن ％14 ارتتى.
”كەلەسى قادامدا ءبىز كومەكتەسۋ - سۇيەمەلدەۋ شارالارىن ۇگىتتەۋدىڭ سەرپىنىن، تياناقتاندىرۋدىڭ سەرپىنىن، قىزمەت وتەۋ دالدىگىن ۇزدىكسىز ارتتىرىپ، ساياساتتى تىڭعىلىقتى تياناقتاندىرىپ، جۇمىستى، ءوندىرىستى قالپىنا كەلتىرۋدى، ساۋدانى، بازاردى جالپى بەتتىك قالپىنا كەلتىرۋدى ىلگەرىلەتەمىز“، - دەدى اۆتونوميالى رايوندىق بازار باقىلاۋ - باسقارۋ مەكەمەسىنىڭ بازار باقىلاۋشىسى ۋاڭ جۇنكاڭ.
