شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن، ەرىكتى ءتىلشى ۋاڭ سۋجۋان 4 - ايدىڭ 28 - كۇنى قارامايلىدان حابارلايدى. 4 - ايدىڭ 14 - كۇنى تۇستەن بۇرىن قارامايلى قالاسىنىڭ تۇرعىنى ياڭ چۇنپيڭ قارامايلى قالاسى اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىنا بارىپ، قاس تاسى دۇكەنىن اشۋعا ءوتىنىش بەرۋگە قاتىستى راسمياتتاردى ءبىتىردى. قىزمەتكەردىڭ جەتەكشىلىگىندە ياڭ چۇنپيڭ كەستەنى لەزدە تولتىردى ءارى ءىس ءبىتىرۋ تەرەزەسىنە بەردى، ءوتىنىش ەتۋ ءىسى وتە وڭاي ورىندالدى.
سول جەردە جەتەكشىلىك ەتىپ، قىزمەت وتەپ تۇرعان قارامايلى قالاسى اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىنىڭ ورىنباسار مەڭگەرۋشىسى داي دۇڭ بىلاي دەپ تانىستىردى: 4 - ايدىڭ 3 - كۇنىنەن باستاپ، قارامايلى قالاسى اكىمشىلىك ىستەر بويىنشا حالىققا قولايلى قىزمەت وتەۋدىڭ جىلدامدىعىن تاعى ارتتىردى. ورتالىعىمىز تۇڭعىش توپتاعى ”ءبىر ءىستى ءبىر جولدا ءبىتىرۋ“ توعىسپالى قىزمەت وتەۋدى اتقارىپ، ”كوپ بولعاندا ءبىر رەت بارۋ“ رەفورماسىن ونان ارى تەرەڭدەتتى. سونىمەن قاتار تۇڭعىش توپتا ”ءبىر ءىستى ءبىر جولدا ءبىتىرۋ“ مازمۇنىنان، باعدارناماسىنان 50ىن جاريالادى. ءبىر جولدا ايتۋ، ءبىر جولدا كەستە تولتىرۋ، ءبىر جولدا بىرلەسىپ ءبىتىرۋ، ءبىر جولدا ءبىتىرۋ مەحانيزمى جانە بىرلەسىپ تەكسەرىپ بەكىتۋ، تولىق بولماسا دا ءبىتىرۋ سياقتى حالىققا قولايلى، كاسىپورىنعا ءتيىمدى شارالار ارقىلى ءبىتىرۋ ۋاقىتىن اناعۇرلىم قىسقارتىپ، تاپسىراتىن ماتەريالداردى اناعۇرلىم ىقشامداپ، زەردەلى اكىمشىلىك قىزمەت وتەۋ ونىمدىلىگىن ونان ارى جوعارىلاتتى.
ورتا، شاعىن، ۇساق كاسىپورىنداردىڭ جانە جەكەشە ساۋدا - ونەركاسىپشىلەردىڭ جۇمىستى، ءوندىرىستى قالپىنا كەلتىرۋىن بەلسەنە قولداۋ ءۇشىن، قارامايلى قالاسى اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعى كاسىپورىن مەن بۇقاراعا ”ءبىر ءىستى“ ويداعىداي ىستەپ بەرۋدى باعدار ەتىپ، جيىلىگى جوعارى ىستەر مەن ”كوپ تەرەزەگە بارۋ“ ىستەرىنە قاراتا ”بارىستى قىسقارتۋ، ۋاقىتتى قىسقارتۋ، بىرىكتىرىپ قابىلداۋ، بىرىكتىرىپ ءبىتىرۋ“ پرينسيبى بويىنشا، ”ينتەرنەتتە زات ساتىپ الۋ فورماسىنداعى“ توعىسپالى اكىمشىلىك قىزمەت وتەۋدى جولعا قويىپ، كوپ تاراۋلارداعى كوپتەگەن اكىمشىلىك قىزمەت وتەۋ ىستەرىن كاسىپ جاعدايى بويىنشا بىرىكتىرىپ، جۇمىس ءتارتىبىن قايتا جاساپ جانە ساپالىلاندىرىپ جوسپارلاپ، ءوتىنىش ەتۋ ماتەريالدارىن ىقشامداپ، ءوتىنىش ەتۋ كەستەسىن بىرىكتىرىپ، ءىس ءبىتىرۋ باعدارناماسىن جاساپ، ”ءبىر جولدا بىتىرەتىن“ 50 ءتۇرلى ءىستى جاپپاي جالپىلاستىرۋعا شىنايى كەپىلدىك ەتتى. تۇڭعىش توپتاعى ”ءبىر جولدا بىتىرەتىن“ 50 ءتۇرلى ءىستىڭ مازمۇنىندا ”ساۋدا دۇكەنىن، ەرەن بازارىن اشامىن“، ”جەمىس - جيدەك دۇكەنىن اشامىن“، ”وتكەرمە ءۇي ساتىپ الامىن، ساتامىن“ سياقتى بۇقارانىڭ كۇندەلىكتى تۇرمىسىمەن تىعىز بايلانىستى كوپتەگەن ىستەر قامتىلعان. قىزمەت وتەۋ دەڭگەيى جوعارىلاعاننان كەيىن، ءىس ءبىتىرۋشى ادام ”ءبىر ءىستى ءبىتىرۋ باعدارناماسىنا“ نەگىزدەلە وتىرىپ بىتىرمەكشى بولعان ءىسىن جانە احۋالىن تۇراقتاندىرىپ، ءبىر جولدا بارلىق ماتەريالدارىن تاپسىرادى، جۇيە اۆتوماتتى پارىقتاپ، قىزمەت مىندەتىن بەلگىلەنگەن تاراۋعا جانە سايكەستى تەكسەرىپ بەكىتۋ دارەجەسىنە جەتكىزىپ بەرىپ، تەكسەرىپ بەكىتىلگەن بارلىق كۋالىكتەردى ءبىر جولدا الۋدى جۇزەگە اسىرىپ، ”كۋالىكتەردى ازايتىپ، حالىققا قولايلىلىق جاساۋدى“ ورىندايدى.
داي دۇڭ بىلاي دەپ تانىستىردى: ”ءبىر ءىستى ءبىر جولدا ءبىتىرۋ“ رەفورماسى بيىل قارامايلى قالاسىنىڭ اكىمشىلىك تەكسەرىپ بەكىتۋ سالاسىنداعى رەفورمانىڭ ماڭىزدى مازمۇنى بولدى. ءىس ءبىتىرۋ ۋاقىت شەگىن، ءتارتىبىن قىسقارتۋ نەگىزىندە كۋالىك بىتىرۋدە قالا تۇرعىندارى باراتىن جەرلەرگە قىزمەتكەرلەر وزدەرى بارىپ، ينفورماتسيانىڭ جان - جاقتى جەتكىزىلۋىن، بۇقارانىڭ از سابىلۋىن ىسكە اسىرىپ، بۇقارا مەن كاسىپورىندى رەفورمانىڭ تيىمدىلىگىنەن شىن مانىندە يگىلىكتەندىرىپ، تابىس سەزىمى مەن باقىت سەزىمىن ونان ارى كۇشەيتتى.
تانىستىرۋعا قاراعاندا، تۇڭعىش توپتاعى ”ءبىر جولدا بىتىرەتىن“ 50 ءتۇرلى ءىستىڭ ءبىتىرۋ ۋاقىتى بۇرىنعى ورتا ەسەپپەن 32 كۇننەن 8 كۇنگە قىسقارىپ، ％73 ازايعان؛ تاپسىرىلاتىن ماتەريال ورتا ەسەپپەن 15 دانادان 6 داناعا ازايىپ، ％62.7 ىقشامدالعان؛ بۇرىن كوپ تاراۋلارعا 4.8 رەت بارۋ قاجەت بولسا، رەفورمادان كەيىن ءبىر رەت قانا بارۋ قاجەت بولىپ، ％79.16 ازايعان.
”ءبىر ءىستى ءبىر جولدا ءبىتىرۋ“ رەفورماسى جەرگىلىكتى كاسىپورىنداردىڭ ءوندىرىستى، جۇمىستى دەر كەزىندە قالپىنا كەلتىرۋىن بارىنشا جەبەدى. قازىرگە دەيىن، قارامايلى قالاسىنداعى 5205 كاسىپورىننىڭ ءوندىرىستى، جۇمىستى قالپىنا كەلتىرۋ مولشەرى ％100كە جەتتى.
