تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

اۋقاتتانۋ جولىنداعى باۋىرلاستىق سۇيىسپەنشىلىك

شينجياڭ گازەتىنىڭ جالپىلىق اقپارات قۇرالدارى ءتىلشىسى ميھرگۇل عوپۇر، تارباعاتاي تىلشىلەر پۋنكتىنەن ليۋ پىڭ

  ”بۇل سەن جاقسى كورەتىن كيىم، ال مىناۋ 2 بالاعا اكەلگەن شىعىرشىقتى كونكي... كەل، مىنا كيىمدى كيىپ كورشى، ءدال كەلەر مە ەكەن“. ”اعا، ماعان ءدال كەلدى!“. 4 - ايدىڭ 20 - كۇنى، اعاسىنىڭ اكەلگەن كيىمىن كيگەن پاراسات مۇحتاش ايرىقشا قۋاندى.

  34 جاستاعى پاراسات ءدوربىلجىن اۋدانى ارداۋچياۋ اۋىلى كوكسۋ قىستاعىنىڭ تۇرعىنى، ونىڭ اۋزىنان تاستاماي ”اعالاپ“ وتىرعانى جۇڭگو اۋىل شارۋاشىلىعىن دامىتۋ بانكەسىنىڭ تارباعاتاي ايماعى بولىمشە بانكەسى كەڭسەسىنىڭ مەڭگەرۋشىسى تۇڭ جياۋ، بيىل 58 جاستا. 2 جىلدىڭ الدىندا، ەكەۋى تۋىس بولعان، اعا - باۋىردىڭ ءبىر - بىرىنە قارايلاسقان اڭگىمەسى وسىدان باستالعان.

  بىلتىر پاراساتتىڭ پايدالانعانىنا ءبىرتالاي جىل بولعان شاعىن تۇرپاتتى تراكتورمەن ءبىر جىلدا ماندىتىپ اقشا تابا الماعانىن بىلگەن سوڭ، تۇڭ جياۋ پاراساتتىڭ ات كۇشى جوعارى تراكتورعا الماستىرۋىنا كومەكتەسۋگە بەكيدى. ”البەتتە جاقسى عوي، دەگەنمەن الۋعا اقشا جوق، ونىڭ سىرتىندا ات كۇشى جوعارى تراكتورعا ىستەيتىن جۇمىس تابىلماسا قايتەمىن؟“، پاراسات ءوزىنىڭ الاڭداۋشىلىعىن ايتتى. ”قيىنشىلىق بولسا ءبىز امالداپ بىرگە شەشەمىز، امال قاشاندا قيىنشىلىقتان كوپ“. تۇڭ جياۋدىڭ ءبىر اۋىز ءسوزى پاراساتتىڭ سەنىمىن سەرپىلتتى.

  تۇڭ جياۋ اينالاسىنداعى دوستارىنا ۋيچات توبىندا، دوستار شەڭبەرىندە ينفورماتسيانى كەڭىنەن جاريالاپ، پاراساتتىڭ شاعىن تۇرپاتتى تراكتورىن ساتۋىنا كومەكتەستى. ارتىنان تۇڭ جياۋ پاراساتتى ەرتىپ قارىز اقشا الۋىنا كومەكتەسىپ، وعان كەپىل بولىپ ءبىر ميلليون 500 مىڭ يۋان كەپىلدى قارىزعا ات كۇشى جوعارى تراكتور الىپ بەردى ءارى جان - جاقپەن بايلانىس جاساپ، جەر جىرتۋ، تۇقىم سەبۋ، تاسىمالداۋ سياقتى ەگىس جۇمىستارىن سۇراستىردى.

  اعاسىنىڭ ءوز وتباسىنىڭ جۇمىستارىنا وسىنشاما كوڭىل ءبولىپ وتىرعانىن كورگەن پاراسات اۋقاتتانۋعا بەل بايلادى، قاي جەردە ەگىس جۇمىسى بولسا سول جەردە قاربالاس جۇمىس ىستەدى. ول اشتى ەڭبەگىنىڭ ءتاتتى جەمىسىن تاتتى، سول جىلى پاراسات 400 مىڭ يۋاننان استام كىرىس كىرگىزدى.

  جىل سوڭىندا كەپىلدى قارىز اقشاسىن قايتاراتىن كەزدە، پاراساتتىڭ اقشاسىنىڭ جەتپەي قالعانىن بىلگەن سوڭ، تۇڭ جياۋ وعان 12 مىڭ يۋان اقشا بەردى.

  ”تراكتورعا سۇيەنۋدەن تىس، تاعى باسقا دا كاسىپتەردى دامىتىپ كىرىس كىرگىزگەندە عانا قامسىز بولۋعا بولادى“. تۇڭ جياۋ پاراساتتىڭ وتباسىنداعى 8 سيىردان قايتكەندە كىرىستى ارتتىرۋعا بولاتىندىعى جونىندە باس قاتىرا باستادى، ”سيىرلاردى كۇيلى باقسا، بۇزاۋلاردى دا قوماقتى اقشاعا ساتۋعا بولادى“.

  پاراسات بۇرىن باعىمشىلىق تەحنيكاسىن بىلمەيتىن، قوراداعى بۇزاۋلارى ارىق، كوتەرەم بولعاندىقتان، ساتسا اقشاعا جارامايتىن. تۇڭ جياۋ سيىر فەرماسىنداعى باعىمشىلىق مامانىمەن بايلانىس جاساپ، پاراساتقا سيىردىڭ ءناسىلىن جاقسارتۋدى ۇيرەتىپ، قىستاقتاعى عىلمي مال باعىمشىلىعى كۋرسىنا قاتىناسۋعا شابىتتاندىردى. قازىر پاراساتتىڭ باعىمشىلىق تەحنيكاسى كوپ جوعارىلاپ، سۇرلەم ۇراسىن سالىپ، جەم - ءشوپتى مولىنان جينادى، ولشەمدى سيىر قورا سالىپ، بۇزاۋلاردىڭ قاتارعا قوسىلۋ مولشەرىن %100كە جەتكىزىپ، ءبىر بۇزاۋدى 10 مىڭ يۋانعا تاياۋ ساتتى.

  اعا - باۋىردىڭ اراسىنداعى بارىس - كەلىستى ەسكە العاندا، پاراسات بىلاي دەدى: ”اعامنىڭ ءاربىر شىنايى قامقورلىعى ءبىر ءۇيدىڭ ادامدارىنداي جاقىن تەرەڭ سۇيىسپەنشىلىك قالىپتاستىردى“.

  جىل سايىنعى مەرەكە - مەيرام كەزىندە، تۇڭ جياۋ مەن ايەلى پاراساتتىڭ اكە - شەشەسىنە امانداسا بارادى، پاراسات وتباسى دا ءسۇرى ەت سياقتى ۇلتتىق ءدامدى تاعامدارىن الىپ تۇڭ جياۋدىڭ ۇيىنە بارىپ باس قوسادى، قاراپايىم ۇلتتىق سۇيىسپەنشىلىك 2 وتباسى اراسىندا ”تامىر تارتىپ گۇل اشتى“.

  4 - ايدىڭ 25 - كۇنى تۇڭ جياۋ پاراساتتىڭ ۇيىنە تاعى كەلىپ، بيىلعى دامۋ جوسپارىن اقىلداستى. ”بيىل مەن كەپىلدى قارىز اقشانى تۇگەل قايتارىپ بولۋعا قۇلشىنامىن، تاعى باس بولىپ اۋىل شارۋاشىلىعى ماشينالار سەلبەستىك كووپەراتيۆىن باس بولىپ قۇرىپ، اۋىلداستاردى بىرگە بايۋعا باستاۋدى ويلاپ ءجۇرمىن“، - دەدى پاراسات. ”جارايسىڭ، تەك سەن ىستەۋگە پەيىل بولساڭ، مەن سەنى، ءسوز جوق، بار كۇشىممەن قولدايمىن“، - دەدى تۇڭ جياۋ پاراساتتىڭ قولىن قاتتى قىسىپ تۇرىپ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.