شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ 4 - ايدىڭ 29 - كۇنى ۇرىمجىدەن حابارلايدى. 4 - ايدىڭ 28 - كۇنى باعراش اۋدانىنىڭ جالپى ۇزىندىعى شامامەن 4. 1113 مەتر كەلەتىن كورىنىس ءوڭىرى جولىن جاڭالاپ، دەڭگەيىن ءوسىرۋ ينجەنەرياسى ورنىندا جۇمىس قاۋىرت ءجۇرىلىپ جاتتى، توپىراق قازۋ ماشيناسى تولاسسىز جۇمىس جۇرگىزىپ، توپىراق تاسىعان ماشىينالار ارلى - بەرلى قايشالىسىپ ءجۇر.
باعراش اۋدانى كورىنىس ءوڭىرىنىڭ جولىن جاڭالاپ، دەڭگەيىن ءوسىرۋ ينجەنەرياسى رايونىمىزدىڭ ساياحات نەگىزدىك قۇرىلعىلارىن كەمەلدەندىرۋىنىڭ ىقشامدالعان كورىنىسى عانا. ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ العى شارتىندا، رايونىمىزدىڭ جەر - جەرى ”ءۇش قيىن بولۋ، ءبىر ىركىلىسسىز بولماۋ“ سياقتى ماسەلەلەردى شەشۋدى ارقاۋ ەتىپ، ساياحات نەگىزدىك قۇرىلعىلار قۇرىلىسىن تەزدەتىپ، وزىندىك قابىلەتىن جەتىلدىرىپ، ساياحاتشىلار ءۇشىن ساپالى قىزمەت وتەدى.
بيىل رايونىمىز ساياحات قىزمەت وتەۋ قۇرىلعىلارىنىڭ دەڭگەيىن ءوسىرۋ ارەكەتىن جۇرگىزىپ، 880 ميلليون يۋان قارجى قوسىپ، 73 ساياحات كورىنىس ءوڭىرى قۇرىلىس نىسانىن، 21 ساياحاتپەن قاتىستى الەۋمەتتىك قىزمەت وتەۋ قۇرىلعىلارى قۇرىلىسى نىسانىن، 479 ساياحات دارەتحاناسى قۇرىلىسى نىسانىن جانە 1990 ساياحات حالىقتىق تۇسەلحاناسى قۇرىلىسى نىسانىن جۇرگىزدى؛ S101 جەلىسى، التاي - قوم تاس جولى، تاشقورعان - ياركەن بايىرعى جولى، چى - شى بايىرعى جولى، ۇرىمجىدەن بۋرىلتوعايعا دەيىنگى جوعارى جىلدامدىقتى تاس جول سياقتى ساياحات قاتىناسى جانە سايكەستى قۇرىلعىلار قۇرىلىسى نىساندارىن جۇرگىزىپ، ساياحات قىزمەت وتەۋى قۇرىلعىلارىنىڭ شارت - جاعدايىن ۇزدىكسىز جاقسارتادى.
جۇمىستى، ءوندىرىستى قالپىنا كەلتىرگەننەن بەرى، تۇرپان قالاسىنىڭ مادەنيەت - ساياحات جاعىندا جالعاستى سالىناتىن نىسان جۇمىسى ىركەس - تىركەس باستالدى، ايدىنكول ساياحات نەگىزدىك قۇرىلعىلارى، تۇيىق ەرەكشە ساياحات شاعىن قالاشىعى سياقتى مەملەكەت قارجى قوسقان 20 نەشە نىسان جۇمىس باستادى. پۋتاۋگوۋدىڭ دەڭگەيىن ءوسىرىپ، جاڭالاۋ نىسانى، كارىز حالىقتىق سالت - سانا باقشاسىنىڭ دەڭگەيىن ءوسىرىپ، جاڭالاۋ نىسانى سياقتى 18 نىسان دا جۇمىس باستادى. بيىل تۇرپان قالاسى تىڭنان 100 نەشە حالىقتىق تۇسەلحانا سالادى، تۇرپان ءجۇزىم باعى قوناق قابىلداۋ ورتالىعىنىڭ ”كەشكى بازار“ نىسانى دا اياقتالۋ الدىندا تۇر، كورىنىس ءوڭىرىنىڭ كاسىپ كۇيى ونان ارى مولايىپ، نەگىزدىك قۇرىلعىلار ونان ارى كەمەلدەنە تۇسەدى.
4 - ايدىڭ باسىندا بۋىرشىن اۋدانىنان قاناس اۋەجايىنا دەيىنگى قوس باعىتتا 4 اۆتوكولىك قاتىنايتىن 1 - دارەجەلى تاس جول قۇرىلىسى نىسانى جۇمىستى قالپىنا كەلتىردى، مەجەمەن بيىل قىس ماۋسىمىنان بۇرىن 1 - قۇرىلىس جول بولىگى اياقتايدى جانە كولىك قاتىناۋ شارت - جاعدايىن ازىرلەيدى، سول كەزدە بۋىرشىننان قاناسقا دەيىنگى قاتىناس - تاسىمال شارت - جاعدايى مەن قۋاتى زور دارەجەدە جوعارىلاپ، قالىڭ بۇقارانىڭ جانە ساياحاتشىنىڭ جولاۋشىلاۋىنا قولايلىلىق جاراتىلادى.اراتۇرىك توراڭعى ورمانى ەكولوگيالىق باقشا كورىنىس ءوڭىرى ساياحاتشىلاردى جوعارى ساپالى ساياحاتپەن قامداۋ ءۇشىن، 4 - ايدىڭ 25 - كۇنىنەن باستاپ ساياحات ءوڭىرىن بەكىتىپ، ساياحات ءوڭىرى ىشىندەگى جول، كولىك توقتاتۋ الاڭى، ساياحاتشىلارعا قىزمەت وتەۋ ورتالىعى سياقتى نەگىزدىك قۇرىلعىلار قۇرىلىسىنىڭ دارەجەسىن جوعارىلاتىپ، ورەسىن كوتەردى جانە ولشەمدەستىرە جاڭالاۋ جۇرگىزدى.
سانجى حۇيزۋ اۆتونوميالى وبلىسى ىركەس - تىركەس كوكتەمگى سەيىل - گۇل تاماشالاۋ ساياحاتى، بالا - شاعاسىمەن ساياحاتتاۋ، مادەنيەت ساياحاتى، اۋىل - قىستاق ساياحاتى، ۇلتتىق سالت - سانا ساياحاتى، قىزىل ءتۇستى ساياحات سياقتى جەلىلەس ونىمدەردى شىعاردى؛ بۇراتالا موڭعۇل اۆتونوميالى وبلىسى ”ساياحات + اۋىل شارۋاشىلىعىنىڭ“ توعىسا دامۋىن ساياحات كاسىبىن جوعارى ساپادا دامىتۋدىڭ ماڭىزدى تۇتقاسى رەتىندە ۇستاپ، ەرەكشە اۋىل شارۋاشىلىعى ونىمدەرى ساياحات تاۋارىن اشۋدى جانە جەتىلدىرۋدى ۇزدىكسىز ىلگەرىلەتىپ، ەرەكشە ساياحات تاۋارى ماركاسىن قالىپتاستىردى؛ بۋىرشىن اۋدانى جاۋھار ساياحات ونىمدەرىن شىعارىپ، شاعىن كولەمدە ۇيىرمە قۇراپ ساياحاتتاۋعا، ەركىن ساياحاتشىلارعا مەڭزەس، ”ساپار جولىنداعى كورىنىستەر تاۋ - وزەندى ’ماس‘ قىلار، ەرتەگىدەي قالاشىق ءتۇنى كوڭىلىڭدى ’حوش‘ قىلار“ تاقىرىبىندا جەلىلەس قيمىلداردى شىعاردى؛ كورلا قالاسى اس - سۋ قوعامىمەن، مەيمانساراي كاسىپ سالاسىمەن بەلسەنە سايكەسىپ، كەدەي وتباسىلارىنا قاراتا اس پىسىرۋ، قىزمەت وتەۋ، تازالىق سياقتى شەبەرلىكتەرگە باۋلۋ ورىستەتتى...
تيانشاننىڭ وڭتۇستىگى مەن سولتۇستىگىنە كوز جىبەرسەك، جەر - جەر تۇگەلدەي قاتتى بولشەك قۇرىلىسىن كۇشەيتۋ، كورىنىس ءوڭىرى قىزمەت وتەۋشىلەرىنىڭ ساپاسىن جوعارىلاتۋ، جاۋھار جول جەلىسى جانە ساياحات ونىمدەرىن ينتەرنەت ارقىلى ساتۋ، جالپىلاستىرۋ سياقتى تاسىلدەر ارقىلى اناعۇرلىم ساپالى قىزمەت وتەۋمەن ساياحات كاسىبىنىڭ جوعارى ساپامەن دامۋىن ىلگەرىلەتتى.
