تيانشان تورى   ›   جاڭالىقتار   ›   شينجياڭ حابارلارى

وڭتۇستىك شينجياڭداعى تۇڭعىش ۋاندا الاڭىنىڭ قۇرىلىسى قاۋىرت ءجۇرىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان 4 - ايدىڭ 29 - كۇنى قاشقاردان حابارلايدى. دەنە تەمپەراتۋراسىن ولشەتۋ، ماسكى تاعۋدى تەكسەرۋ، حاۋىپسىزدىك قالپاعى مەن كىرىپ - شىعۋ كۋالىگىن الۋ... ءبىرتالاي وتكەلدەن كەيىن، 4 - ايدىڭ 28 - كۇنى تۇستەن كەيىن، ءتىلشى قاشقار قالاسىنداعى ۋاندا الاڭى سالىنىپ جاتقان قۇرىلىس ورنىنا كىردى. 18 جەر قازعىش ماشيناسى جۇمىس جۇرگىزىپ، جۇمىسشىلار اشىق رەڭدى جۇمىس كيىمىن، حاۋىپسىزدىك قالپاعىن كيىپ قاۋىرت جۇمىس ىستەۋدە ەكەن.

  قاشقار ۋاندا الاڭى قۇرىلىس نسانىنىڭ يەلەيتىن جەر اۋدانى 415 مۋ، جالپى قۇرىلىس اۋدانى ءبىر ميلليون شارشى مەترگە جەتەدى، بۇل ۋاندا توبىنىڭ وڭتۇستىك شينجياڭدا ىرگە تەپكەن ءبىرىنشى نىسانى. نىسان حالىقارالىق كينو سارايى، كولەمدى ەرەن بازار، بالالار ويىن الاڭى سياقتى كاسىپتەردى قامتىعان، سالىنىپ بولىپ تيجارات باستاعان سوڭ، قالا وبرازى مەن تۇرمىس ساپاسىن جوعارىلاتۋدىڭ تاعى ءبىر دانەكەرىنە اينالىپ، 8000نان استام جۇمىس ورنىمەن قامدايدى.

  ”نىسان 3 - ايدىڭ 14 - كۇنى باستاپ قۇرىلىس جۇمىسىن باستاعان، قاشقار ايماعىنداعى ەڭ ەرتە جۇمىستى قالپىنا كەلتىرگەن نىسانداردىڭ ءبىرى“. نىسان قۇرىلىسىن سالاتىن جاق شينجياڭ جينياڭيۇي قورا - جاي اشۋ شەكتى جاۋاپكەرشىلىك سەرىكتەستىگىنىڭ القا باستىعى لي شياڭجۇن بىلاي دەدى: ۇكىمەتتىڭ قاتىستى تاراۋلارى كوپ رەت كەلىپ كاسىپورىنعا كومەكتەسىپ، كاسىپورىندى اۆتونوميالى رايوننىڭ ءتۇرلى ساياساتىنان يگىلىكتەندىردى، كاسىپورىننىڭ قۇرىلىس اياق الىسىن جەدەلدەتۋگە، زياندى قايتارىپ الۋعا سەنىمى كامىل.

  جۇڭگو قۇرىلىس ينجەنەرياسى باس سەرىكتەستىگى شينجياڭ قۇرىلىس ينجەنەريا (توبى) شەكتى سەرىكتەستىگىنىڭ ورىنباسار باس ديرەكتورى حۋاڭ شوۋجۇڭ تىلشىگە بىلاي دەدى: ۇكىمەتتىڭ قاتىستى تاراۋلارى ىندەتتەن ساقتانۋ زاتتىق ماتەريالدارىن ساتىپ الۋدى سايكەستىرىپ، ىندەتتەن ساقتانۋ ءتۇزىمىن ورناتۋعا كومەكتەسۋدەن سىرت، جۇمىسشى ىستەتۋ ماسەلەسىن شەشتى. كاسىپورىن نىسان قۇرىلىسى ساپاسى جونىندەگى تالاپتى كۇشەيتىپ، ينجەنەريا ساپاسىنىڭ ”لۋبان سيلىعى“ ولشەمىنە جەتۋىنە كۇش سالىپ، جوعارى ساپالى قۇرىلىس سالادى.

  قازىر توپىراق قازۋ جۇمىسىنا قاتىناسقان جۇمىسشى 800دەن استامعا جەتتى، مۇنىڭ تەڭ جارتىسى ىشكى وڭىرلەردەن كەلگەن، تۇگەلدەي تۇيىننەن - تۇيىنگە جەتكىزىپ، اۆتوكولىك جالداپ توتە كەلگەن، ىندەتتەن ساقتانۋ تەكسەرۋ - ولشەۋىنەن وتكەن سوڭ دەرەۋ قۇرىلىس الاڭىنا كىردى، قالعان جۇمىسشىلار جەرگىلىكتى ورىننان كەلگەن، مۇنىڭ ىشىندە جاقىن ماڭداعى ارحيۆ تۇرعىزىلىپ، كارتچكالاندىرىلعان كەدەي وتباسىلارى بار. نەگىزگى تۇلعالىق قۇرىلىس قاۋىرت مەزگىلگە وتكەن سوڭ، ىستەتەتىن جۇمىسشىنىڭ سانى 2000 اينالاسىندا بولادى.

  ۋاندا توبى قاشقار ۋاندا الاڭى نىسان ءبولىمىنىڭ جاۋاپتىسى سۇن يىڭكۇي ۋاندا الاڭىنىڭ وڭتۇستىك شينجياڭدا ىرگە تەبۋىنىڭ قاشقاردىڭ ”ءبىر بەلدەۋ، ءبىر جول“ قۇرىلىسى بارىسىنداعى وڭىرلىك ارتىقشىلىعىن، سونداي - اق ەكونوميكالىق، قوعامدىق دامۋدىڭ اكەلگەن وراسان زور تۇتىنۋ كومەسكى كۇشىن كوزدەپ وتىرعاندىعىن ءبىلدىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.