رەفورمانى تاباندىلىقپەن جاپپاي تەرەڭدەتىپ، وزەكتى رايون قۇرىلىسىن ىلگەرىلەتۋگە جاڭا جاعداي جاراتىپ، جاڭا ءورىس اشۋ كەرەك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 4 - ايدىڭ 29 - كۇنى ۇرىمجىدەن حابارلايدى. 4 - ايدىڭ 29 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 13 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، بۇكىل رايوننىڭ، سونداي - اق ءۇرىمجى قالاسىنىڭ جىبەك جولى ەكونوميكالىق بەلدەۋى وزەكتى رايون قۇرىلىسىنىڭ ىلگەرىلەۋ احۋالىنان جاساعان مالىمەتتى تىڭداپ، قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، رەفورمانى تاباندىلىقپەن جاپپاي تەرەڭدەتىپ، پارتيا ورتالىق كوميتەتى ورنالاستىرعان ءتۇرلى رەفورما مىندەتتەرىنىڭ شينجياڭدا ەگجەي - تەگجەيلى، ناقتى، تىڭعىلىقتى تياناقتانۋىن ىلگەرىلەتۋ كەرەك. تومەنگى شەكتە ويلاۋدان جازباي، رەفورما زاڭدىلىعى جونىندەگى تانىمدى تەرەڭدەتىپ، ءتۇزىم ابزالدىلىعىنان پايدالانىپ، حاۋىپ - قاتەرلەردىڭ، سايىستاردىڭ سوققىسىنا توتەپ بەرۋ قابىلەت دەڭگەيىن جوعارىلاتۋ كەرەك. جۇيەلى شوعىرلاندىرۋدى كۇشەيتىپ، ”التىنى ورنىقتىرۋ“ قىزمەتىن جاقسى ىستەۋدى، ”التىنى قامتاماسىز ەتۋ“ مىندەتىن تياناقتاندىرۋدى ارقاۋ ەتىپ، حاۋىپ - قاتەردەن ساقتاناتىن، نەگىز قالايتىن، حالىق تۇرمىسىنا تيىمدىلىك جاسايتىن، ۇزاق بولاشاققا پايدالى رەفورمالاردى ورگانيكالى تۇردە بىرلىككە كەلتىرىپ، ءارقايسى رەفورما شارالارىنىڭ ورگانيكالى ۇشتاسۋىن، توعىسا ساباقتاسۋىن ىلگەرىلەتۋ كەرەك. ءتۇيىندى رەفورمانى تەرەڭدەتىپ، رەفورما ارقىلى ءتۇزىم قۇرىلىسى مەن جونگە سالۋ ونىمدىلىگىنىڭ اناعۇرلىم بىتە قايناسا توعىسۋىن جەبەپ، رەفورما ارقىلى ەكونوميكالىق دامۋدىڭ ومىرشەڭدىك كۇشىن قاۋلاتىپ، رەفورما ارقىلى جوعارى ساپالى دامۋدى جەبەۋ كەرەك. رەفورما جاۋاپكەرشىلىگىن قاتايتىپ، ”قۇرىلىس اترەتى باستىعى“ مىندەتىن جاقسى وتەپ، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە العا قويىلعان ماڭىزدى سالالارداعى جانە شەشۋشى بۋىندارداعى رەفورمالاردىڭ شەشۋشى جەتىستىككە جەتۋىنە شىنايى كەپىلدىك ەتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى ورنالاستىرعان رەفورمالاردا جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: ”ءبىر بەلدەۋ، ءبىر جولدى“ قۇرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇنيە ءجۇزى اۋقىمىنىڭ تەرەڭ وزگەرىسىنە ىرىقتىلىقپەن توتەپ بەرۋ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاۋ جونىندە جاساعان كەلەلى ستراتەگيالىق شەشىمى. باس شۋجي شي جينپيڭ تىكە جوسپارلاپ، تىكە ورنالاستىرىپ، تىكە ىلگەرىلەتىپ، ”ءبىر بەلدەۋ، ءبىر جول“ قۇرىلىسىندا سۇبەلى ناتيجەلەرگە قول جەتكىزۋگە جەتەكشىلىك ەتتى جانە ىلگەرىلەتتى. يدەيا مەن ارەكەتتى باس شۋجي شي جينپيڭنىڭ ”ءبىر بەلدەۋ، ءبىر جول“ قۇرىلىسى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جىبەك جولى ەكونوميكالىق بەلدەۋى وزەكتى رايونىن قۇرۋدىڭ كەلەلى ماڭىزىن جەتە تانىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جوعارى ساپادا ىلگەرىلەتۋ كەرەك.
ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋدەي قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، ”ءبىر بەلدەۋ، ءبىر جولدى“ بىرگە قۇرۋ ۇلكەن ارناسىمەن بەلسەنە توعىسىپ، شينجياڭنىڭ ءىس جۇزىندىك جاعدايىن تياناق ەتىپ، ورايدى مىقتى يگەرىپ، قولايلى جاعدايدان پايدالانىپ العا ىلگەرىلەپ، ۋاقىتتى ۇتا قيمىلداپ، ناقتى يگەرىپ، شىنايى ىستەپ، وزەكتى رايون قۇرىلىسىنىڭ جاڭا جاعدايىن كۇش سالا جاراتىپ، ەكونوميكانى دامىتۋدىڭ جاڭا ءورىسىن اشىپ، شينجياڭ ەكونوميكاسىنىڭ جوعارى ساپالى دامۋىن ىسكە اسىرۋعا پارمەندى تىرەك ازىرلەۋ كەرەك. بىرىنشىدەن، كەلەلى ورايدى يگەرىپ، شينجياڭ جىبەك جولى ەكونوميكالىق بەلدەۋى وزەكتى رايونىن قۇرۋ ەلەۋلى ستراتەگيالىق ورايىن، قىمباتتى ساياساتتىق ورايدى جانە وزگەشە تاريحي ورايدى مىقتاپ يگەرىپ، مەملەكەتتىڭ جالپى تۇلعالىق نىساناسىمەن تىعىز ۇشتاستىرىپ، ورنىقتىلىقتىڭ پايداسىن جانە رەفورمانىڭ پايداسىن ۇزدىكسىز جارىققا شىعارىپ، وزەكتى رايوننىڭ ەلەۋلى نىسان قۇرىلىستارىن جانە ءتۇيىندى كاسىپ سالالارىنىڭ دامۋىن بەلسەنە ىلگەرىلەتىپ، مەملەكەتتىڭ ”ءبىر بەلدەۋ، ءبىر جول“ قۇرىلىسى كەلەلى جاعدايىنا قىزمەت وتەۋ بارىسىندا وزەكتى رايون قۇرىلىسىنىڭ اقاۋسىز دامۋىن ىسكە اسىرۋ كەرەك. ەكىنشىدەن، نىسانا - تالاپتاردى ايقىنداپ، رايونىمىزدىڭ وزگەشە ورىن ابزالدىلىعىن، بايلىق ابزالدىلىعىن، ورتا ابزالدىلىعىن، ەسىك اشۋ ابزالدىلىعىن، تەبىندەۋ ابزالدىلىعىن تولىق ساۋلەلەندىرىپ، ”ءبىر پورتتى“، ”ەكى رايوندى“، ”بەس ۇلكەن ورتالىقتى“، ”شەكارا وتكەلى ەكونوميكالىق بەلدەۋىن“ ءتۇيىن ەتكەن وزەكتى رايون قۇرىلىسىنىڭ سان - سالالى قىزمەتتەرىن تياناقتاندىرۋدى، ناقتى، ەگجەي - تەگجەيلى، تىڭعىلىقتى ىلگەرىلەتىپ، ءبىر توپ شەشۋشى، جەتەكشى، كورنەكتى ناتيجەلەردىڭ قالىپتاسۋىن ۇزدىكسىز ىلگەرىلەتىپ، ىشپەن سىرتقا جان - جاقتى ەسىك اشقان جاڭا جاعدايدى قۇلشىنا قالىپتاستىرۋ كەرەك. ۇشىنشىدەن، ءتۇيىندى مىندەتتەردى تياناقتاندىرىپ، جۇڭگو - ەۆروپا كەزەكشى پويەزىنان جاقسى پايدالانىپ، بايلىقتى بىرىكتىرۋدى كۇشەيتىپ، كاسىپ سالاسىنىڭ دامۋىن ىلگەرىلەتىپ، ءۇرىمجى حالىقارالىق قۇرلىق پورت رايونى قۇرىلىسىن جەدەل ىلگەرىلەتۋ؛ ساياسات ابزالدىلىعىن ساۋلەلەندىرىپ، باقشا رايونى كاسىپ سالاسىن زورايتىپ، رەفورما جاساۋدى، جاڭالىق اشۋدى تەرەڭدەتىپ، قورعاس، قاشقار ەكونوميكالىق اشۋ رايونى قۇرىلىسىن جەدەل ىلگەرىلەتۋ؛ ءتۇيىندى نىسان قۇرىلىسىن تىرەك ەتىپ، قاتىناس تورابى ورتالىعى، ساۋدا - زات اينالىمى ورتالىعى، ەمدەۋ قىزمەت وتەۋ ورتالىعى، مادەنيەت، عىلىم - تەحنيكا، وقۋ - اعارتۋ ورتالىعى، وڭىرلىك فينانس ورتالىعى قۇرىلىسىن جەدەل ىلگەرىلەتۋ؛ پارىقتى تۇردە سايكەستى دامىتۋدان جازباي، كەدەننەن وتكىزۋ قابىلەتى قۇرىلىسىن كۇشەيتىپ، شارپۋ، جەتەكتەۋ قابىلەتىن ساۋلەلەندىرىپ، ”شەكارا وتكەلى ەكونوميكالىق بەلدەۋى“ قۇرىلىسىن جەدەل ىلگەرىلەتۋ كەرەك.
ءماجىلىس مىنالاردى اتاپ كورسەتتى: ءار دارەجەلى پارتكومدار مەن ۇكىمەتتەر پارتيا مەن مەملەكەتتىڭ كەلەلى جاعدايىن تياناق ەتىپ، وزەكتى رايون قۇرىلىسىن ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋدىڭ، سىرتقا ەسىك اشۋ دەڭگەيىن جاپپاي جوعارىلاتۋدىڭ، ەكونوميكانىڭ جوعارى ساپالى دامۋىن جەبەۋدىڭ كەلەلى شاراسى ەتۋدەن جازباي، كورنەكتى ورىنعا قويىپ، ماڭىزدى كۇن تارتىپكە ەنگىزۋ كەرەك، جەر - جەر، تاراۋلار ابزالدىلىقتارىن ساۋلەلەندىرىپ، سايكەسە بىرلەسىپ قيمىلداپ، تىعىز سەلبەسىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدىڭ مىعىم بىرىككەن كۇشىن ۇيىستىرۋ كەرەك. مەملەكەتتىڭ ساياساتىنان ويداعىداي پايدالانىپ، جوبالاردىڭ ۇشتاسۋىن ىلگەرىلەتىپ، ساۋدا - تيجارات ورتاسىن ساپالىلاندىرىپ، شينجياڭعا كومەكتەسۋ ابزالدىلىعىنان جاقسى پايدالانىپ، ۇگىتتەۋدى، تانىستىرۋدى كۇشەيتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن كۇش سالا ىلگەرىلەتۋدە ناقتى ناتيجەلەرگە قول جەتكىزۋ كەرەك.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، جاڭ چۇنلين قاتارلىلار ماجىلىسكە قاتىناستى.
