ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ۇدايىلانعان شارالارىن كەمەلدەندىرۋدى اقىلداستى، ورنالاستىردى، حۋبەي ولكەسىنىڭ ەكونوميكالىق، قوعامدىق دامۋىنا قولداۋ كورسەتۋ جونىندەگى ءبىرسىپىرا ساياساتتى اقىلداسىپ بەلگىلەدى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 4 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 4 - ايدىڭ 29 - كۇنى ءماجىلىس اشىپ، ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاساپ، ىندەتتەن ساقتانۋ - تىزگىندەۋدىڭ ۇدايىلانعان شارالارىن كەمەلدەندىرۋدى اقىلداستى، ورنالاستىردى، حۋبەي ولكەسىنىڭ ەكونوميكالىق، قوعامدىق دامۋىنا قولداۋ كورسەتۋ جونىندەگى ءبىرسىپىرا ساياساتتى اقىلداسىپ بەلگىلەدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتىنىڭ پارمەندى باسشىلىعىندا جانە ءار جاقتىڭ زور كۇشپەن قولداپ - قۋاتتاۋىندا، حۋبەي حالقىنىڭ، اسىرەسە، ۋحان حالقىنىڭ بەلسەنە ات سالىسۋى مەن سايكەسۋىندە، اسا ماشاقاتتى، قاجىرلى قۇلشىنىستار ارقىلى حۋبەيدى قورعاۋ شايقاسىندا، ۋحاندى قورعاۋ شايقاسىندا شەشۋشى ناتيجەگە قول جەتتى، بۇكىل ەل ىندەتتەن ساقتانۋ - تىزگىندەۋ توسقاۋىل شايقاسىندا ماڭىزدى ستراتەگيالىق ناتيجەگە قول جەتكىزدى. بۇل، شىنىندا، وڭاي - وسپاق قولعا كەلگەن جوق. قازىر شەكارا سىرتىنداعى ىندەتتىڭ سۇراپىل ارتۋ كۇيى ءالى جالعاسۋدا، ەلىمىزدىڭ سىرتتان كىرۋدەن ساقتانۋ قىسىمى ۇزدىكسىز ارتىپ، ەل ىشىندەگى ىندەتتىڭ قايتالانۋىنان ساقتانۋدىڭ كۇردەلىلىگى كۇشەيە ءتۇستى. ىندەتتەن ساقتانۋ - تىزگىندەۋ سىندى ارقاۋدى، ءسوز جوق، ءار دايىم مىقتاپ شيراتۋ كەرەك، قول جەتكەن ناتيجەنى سەلگە كەتىرۋگە استە بولمايدى. وڭىرلەر، تاراۋلار ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن باعىتتامالى تۇردە كۇشەيتىپ، ساقتانۋ - تىزگىندەۋ شايقاسىنىڭ تابىسىن ۇزدىكسىز بەكەمدەپ، ەكونوميكالىق، قوعامدىق ءتارتىپتىڭ جالپى بەتتىك قالپىنا كەلۋىنە پارمەندى كەپىلدىك ازىرلەپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدىڭ نىسانالارىن، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: ءتۇيىندى وڭىرلەردىڭ، ءتۇيىندى قاۋىمنىڭ ىندەتتەن ساقتانۋ - تىزگىندەۋ قىزمەتىن ويداعىداي يگەرۋ كەرەك. حيلۇڭجياڭ ولكەسى ساقتانۋ - تىزگىندەۋ قىزمەتىن، شارالارىن كەمەلدەندىرىپ جانە كۇشەيتىپ، ساڭلاۋلاردى جەدەل اداقتاپ تەكسەرىپ، ولقىلىقتاردى تولىقتاۋ، اسىرەسە، شيپاحانادا جۇعىمدالۋدان ساقتانۋ - تىزگىندەۋدى كۇشەيتىپ، مەديتسينالىق قۇتقارۋ - ەمدەۋدى بار كۇشپەن ويداعىداي ىستەۋ كەرەك. حۋبەي ولكەسى مەن ۋحان قالاسى الەۋمەتتىك اۋماقتاعى ساقتانۋ - تىزگىندەۋدى ۇزدىكسىز كۇشەيتىپ، شۇعىل جاعدايعا توتەپ بەرۋ جوباسىن كەمەلدەندىرىپ، ەمدەلىپ جازىلعان ناۋقاستارعا كوڭىل ءبولۋدى جانە كومەك كورسەتۋدى كۇشەيتۋ كەرەك. بەيجيڭ قالاسى ءتۇيىندى ساقتانۋ - تىزگىندەۋ مىندەتتەرىن ۇزدىكسىز تياناقتاندىرۋ كەرەك. جەر - جەر ىندەتتەن ساقتانۋ - تىزگىندەۋدىڭ ۇدايىلانعان شارالارىن تياناقتاندىرىپ جانە كەمەلدەندىرىپ، ادامداردى باسقارۋ - مەڭگەرۋ مەن سالاماتتىقتى قاداعالاۋ - ولشەۋدىڭ قاجەتتى شارالارىنا ۇزدىكسىز تۇردە تاباندى بولىپ، كاسىپورىنداردىڭ، ءىسورىندارىنىڭ جانە ءتۇرلى الەۋمەتتىك الاڭ - ورىنداردىڭ ساقتانۋ - تىزگىندەۋ تالاپتارىن تياناقتاندىرۋىنا جەتەكشىلىك ەتىپ، بۇقارانى قاجەتتى جەكە ساقتانۋ - قورعانۋدى ويداعىداي ىستەۋگە جەتەكتەۋ كەرەك. ”1 - مامىر“ كەزىندە قاتىناس قۇرالدارى مەن الاڭ - بەكەتتەردەگى زارارسىزداندىرۋ، اۋا الماستىرۋ سياقتى قىزمەتتەردى ويداعىداي ىستەپ، كورىنىس وڭىرلەرىندەگى ىندەتتەن ساقتانۋ - تىزگىندەۋدى كۇشەيتۋ كەرەك. مەكتەپتەردىڭ وقۋدى، ساباقتى قالپىنا كەلتىرۋىن ءتارتىپتى ىلگەرىلەتىپ، مەكتەپتەردىڭ تۇلعالىق جاۋاپكەرشىلىگىن ناقتىلاپ، وقىتۋشى - وقۋشىلاردىڭ دەنە، پسيحيكا اقاۋسىزدىعىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: سىرتتان كىرۋ حاۋىپ - قاتەرىنەن ساقتانۋ - تىزگىندەۋ قىزمەتىن باعىتتامالى تۇردە كۇشەيتىپ، شەكارا سىرتىنداعى ەلىمىز ازاماتتارىنا كوڭىل ءبولۋدى، قامقورلىق جاساۋدى ۇزدىكسىز كۇشەيتىپ، شەكارا وتكەلىندەگى ساقتانۋ - تىزگىندەۋدىڭ جانە شەكارادان كىرگەندەردى شوعىرلى اۋاشالاۋدىڭ قورعانىس شەبىن مىقتاپ ساقتاپ، سىرتتان كىرۋدەن ساقتانۋدىڭ دالدىگى مەن ونىمدىلىگىن جوعارىلاتۋ كەرەك. ىندەتتەن ساقتانۋ - تىزگىندەۋدىڭ حالىقارالىق سەلبەستىگىن تەرەڭدەتىپ، قاتىستى مەملەكەتتەرگە قولدان كەلگەنشە كومەك بەرۋدى جالعاستىرىپ، ىندەتتەن ساقتانۋ - تىزگىندەۋ زاتتىق ماتەريالدارىنىڭ ساپاسىن باقىلاۋ - باسقارۋدى كۇشەيتىپ، ىندەتكە قارسى اتتانۋدىڭ حالىقارالىق سەلبەستىگى ءۇشىن ۇزدىكسىز بەلسەندى ۇلەس قوسۋ كەرەك.
ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ بارىسىندا حۋبەي ولكەسىنىڭ، اسىرەسە، ۋحان قالاسىنىڭ حالقى اسا زور ۇلەس قوسىپ، اسا ۇلكەن قۇرباندىق بەردى، ەكونوميكالىق، قوعامدىق دامۋ مەن حالىق تۇرمىسىن قامتاماسىز ەتۋدە ءدوپ كەلگەن قيىنشىلىق ءبىرشاما اۋىر. پارتيا ورتالىق كوميتەتى حۋبەي ولكەسىنىڭ ەكونوميكالىق، قوعامدىق دامۋىنا قولداۋ كورسەتۋ جونىندە ءبىرسىپىرا ساياساتتى اقىلداسىپ بەلگىلەپ، قازىنا - سالىق، فينانس جانە امانات - قارىز، قارجى قوسۋ جانە سىرتقى ساۋدا سياقتى جاقتارداعى ناقتى شارالاردى ايقىندادى. قاتىستى تاراۋلار حۋبەي ولكەسىمەن بىرلەسە وتىرىپ ۇيىمداستىرۋ، اتقارۋ جۇمىستارىن مۇقيات، مىقتى يگەرىپ، جەدەل تىڭعىلىقتى تياناقتاندىرۋ كەرەك.
ءماجىلىس مىنالاردى باسا دارىپتەدى: حۋبەي ولكەسىندەگى ءار دارەجەلى پارتكوم مەن ۇكىمەت باس شۋجي شي جينپيڭنىڭ ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ىرىقتىلىقپەن ىسكەرلىك كورسەتىپ، قايراتتانا ءىس تىندىرىپ، قالىڭ كادرلار مەن بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ءوندىرىستىڭ، تۇرمىستىڭ قالىپتى ءتارتىبىن جەدەل قالپىنا كەلتىرىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرۋ كەرەك. تۇرعىنداردىڭ جۇمىستانۋىن قامتاماسىز ەتۋ، حالىقتىڭ نەگىزگى تۇرمىسىن قامتاماسىز ەتۋ قىزمەتىن كۇش سالا ويداعىداي ىستەپ، بۇقارانىڭ جۇمىستانۋ، قوعامدىق قامسىزداندىرۋ، ەمدەۋ قامسىزداندىرۋى، وقۋعا ءتۇسۋ سياقتى جاقتارداعى ناقتى قيىنشىلىقتارىن شەشۋىنە كومەكتەسىپ، ەرەكشە قيىنشىلىعى بار بۇقارانى تولىق قامتاماسىز ەتۋ ساياساتىن ويداعىداي تياناقتاندىرۋ كەرەك. كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، كەدەي حالىقتىڭ تۇگەلدەي كەدەيلىكتەن ارىلۋىنا شىنايى كەپىلدىك ەتۋ كەرەك. جۇمىستى، ءوندىرىستى، بازاردى، تيجاراتتى جەدەل قالپىنا كەلتىرىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ جولىققان قيىنشىلىقتارىن شەشۋىنە كومەكتەسىپ، اۆتوموبيل جاساۋ، ەلەكتروندىق ينفورماتسيا، جاڭا ماتەريال، بيولوگيالىق ءدارى - دارمەك سياقتى تىرەكتى كاسىپتەردىڭ قايتا دامۋىن جەبەپ، ەكونوميكانىڭ نەگىزگى اۋقىمىن ورنىقتىرۋ كەرەك. ءبىر توپ ەلەۋلى نىسانداردى ىسكە قوسىپ، ءداستۇرلى نەگىزدىك قۇرىلعىلار مەن 5G، جاساندى زەردە سياقتى جاڭا تيپتى نەگىزدىك قۇرىلعىلار قۇرىلىسىن جەدەلدەتۋ كەرەك. ەرتە پىساتىن كۇرىش سياقتى اۋىل شارۋاشىلىعى ءوندىرىسىن جەدەل يگەرىپ، اۋىل شارۋاشىلىعى ونىمدەرىنىڭ ساتىلىم ارنالارىن كەڭەيتىپ، شارۋالاردىڭ كىرىستى ارتتىرۋىن جەبەۋ كەرەك. الەۋمەتتىك دەنساۋلىق ساقتاۋ سياقتى شۇعىل جاعدايعا توتەپ بەرۋ جۇيەلەرى قۇرىلىسىن كۇشەيتىپ، ەلەۋلى توسىن وقيعالارعا توتەپ بەرۋ قابىلەتىن جوعارىلاتۋ كەرەك.
ءماجىلىس باسقا دا ىستەردى اقىلداستى.
