تيانشان تورى   ›   جاڭالىقتار   ›   ساياحات

دەمالىس كەزىندە كورىنىس وڭىرلەرى قاتىناسىنىڭ حاۋىپسىز، ءتارتىپتى بولۋىنا شىنايى كەپىلدىك ەتەدى

بۇكىل شينجياڭنىڭ جەر - جەرى ساقتانۋ - تىزگىندەۋدى الدىڭعى ورىنعا قويىپ

دەمالىس كەزىندە كورىنىس وڭىرلەرى قاتىناسىنىڭ حاۋىپسىز، ءتارتىپتى بولۋىنا شىنايى كەپىلدىك ەتەدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، لۋ فىڭباۋ، ەرىكتى ءتىلشى چىن حۇي 4 - ايدىڭ 30 - كۇنى ۇرىمجىدەن حابارلايدى. ”1 - مامىر“ دەمالىسىندا بۇكىل شينجياڭنىڭ جەر - جەرى قاتىناس قۇرالدارىندا، الەۋمەتتىك الاڭ، بەكەتتەردە اۋا الماستىرۋ، زارارسىزداندىرۋ قىزمەتىن ويداعىداي ىستەۋمەن بىرگە، ءارقايسى كورىنىس وڭىرلەرىنىڭ، كورىنىس تۇيىندەرىنىڭ ىندەتتەن ساقتانۋ - تىزگىندەۋ قىزمەتىن ەگجەي - تەگجەيلىلەندىرۋدى، ناقتىلاندىرۋدى كۇشەيتىپ، ساياحاتشىلاردىڭ حاۋىپسىز ساپارلاۋىنا كەپىلدىك ازىرلەدى.

  تالاپقا ساي، بۇكىل شينجياڭنىڭ ءارقايسى كورىنىس وڭىرلەرىنىڭ كۇندىك ساياحاتشى قابىلداۋ مولشەرى بەلگىلەنگەن ەڭ زور ساياحاتشى قابىلداۋ مولشەرىنىڭ %30ىنەن اسىپ كەتۋىنە بولمايدى.

  تيانشان بوعدا كولى كورىنىس ءوڭىرى ساياحاتشىلار اعىنىن ءونىمدى مەڭگەرۋ ءۇشىن، ساياحاتشىلاردىڭ ينتەرنەتتە ناقتى اتى - ءجون تۇزىمىمەن بەلەت الۋىن جولعا قويىپ، اۋماق ارالىق اۆتوكولىكتەرىندە ورىن قالدىرىپ وتىرۋدى اتقاردى. مۇنان تىس، كورىنىس ءوڭىرى قىزمەتكەرلەر مەن ەرىكتىلەردى كوبەيتىپ، ساياحاتشىلارعا 1.5 مەترلىك ارالىق قالدىرىپ ارالاۋدى ەسكەرتتى. كورىنىس ءوڭىرى كەرەكسىز ماسكى ارناۋلى قوقسىق ساندىعىن ورنالاستىردى.

  ساياحاتشىلار دۇنيە ءجۇزى سايتان كەرىش كورىنىس وڭىرىنە كىرگەندە دەنە تەمپەراتۋراسىن، ءسوز جوق، ولشەتۋى، ساياحاتتاعاندا، ءسوز جوق، جالپى بارىستا ماسكى تاعۋى كەرەك. كورىنىس ءوڭىرى ساياحاتشىلاردىڭ تۇتىنۋدا ەلەكتروندىق تولەۋدەن پايدالانۋىن دارىپتەپ، جالپى بارىستا ”جاناسپاۋىن“ ساقتادى.

  تيانشان تەمىر ۇلكەن اڭعارى كورىنىس وڭىرىندە ءاربىر ساياحاتشى كورىنىس وڭىرىنە كىرۋدەن بۇرىن، ءسوزسىز، سالاماتتىق كودىن كورسەتۋى كەرەك. كورىنىس ءوڭىرى ءار كۇنى بەلگىلەنگەن ۋاقىتتا اۋماق ارالىق اۆتوكولىگى مەن ساياحاتشىلارعا قىزمەت وتەۋ ورتالىعىنا زارارسىزداندىرۋ جۇرگىزەدى.

  قاتىناس جاعىندا، شينجياڭ تەمىر جولىنىڭ ءارقايسى ۆوكزال، پويەز ىستەرى ورىندارى ۆوكزال، پويەز جابدىقتارىن زارارسىزداندىرۋ قىزمەتىن بار كۇشپەن ويداعىداي ىستەپ، ءارقايسى ۆوكزالدارعا، پويەزدارعا تازالاۋ، اۋا الماستىرۋ جانە زارارسىزداندىرۋ ورىستەتىپ، ۆوكزالدان كىرىپ - شىعۋ، پويەز ءجۇرۋ بارىسىندا يكەمدى شارلاۋدى كۇشەيتىپ، ىندەتتەن ساقتانۋ - تىزگىندەۋدى ويداعىداي ىستەيدى.

  پويەزدىڭ ءجۇرۋى بارىسىندا، پويەز قىزمەتكەرلەرى ءار 2 ساعاتتا ۆاگوننىڭ ىشكى بولىگى، بەت - قول جۋۋ بولمەسى، دارەتحانا، قوقسىق ساندىعى، ورىندىق، ەسىك تۇتقاسى سياقتىلارعا زارارسىزداندىرۋ جۇرگىزەدى. پويەز سوڭعى ۆوكزالعا جەتىپ، قويماعا توقتاتىلعاننان كەيىن، ىندەتتەن ساقتانۋ تاراۋلارى بۇكىل پويەزعا زارارسىزداندىرۋ جۇرگىزەدى، تاعى بارلىق پويەزدىڭ اۋا رەتتەگىش سۇزگى تورىن جۋىپ تازالاپ، زارارسىزداندىرادى.

  ءۇرىمجى قالالىق الەۋمەتتىك قاتىناس توبى وزىنە قاراستى 2200دەن استام اۆتوبۋزدى زارارسىزداندىرۋ تەبىنىن ارتتىردى. اۆتوبۋزدار الاڭنان شىعۋدان بۇرىن، قايتىپ كەلگەننەن كەيىن زارارسىزداندىرىلۋدان تىس، ءارقايسى اۆتوبۋز ءجۇرۋ بارىسىندا زارارسىزداندىرىلىپ، اۋاسى الماستىرىلدى، جاقتاۋ، شىعىرىق سياقتى ءتۇيىندى جەرلەردى كۇنىنە كەمىندە 3 رەت زارارسىزداندىرۋعا كەپىلدىك ەتتى.

  بۇكىل شينجياڭداعى ءارقايسى اۆتوكولىك جولاۋشى تاسىمال بەكەتتەرى ءار كۇنى ۋاقىت بەلگىلەمەي زارارسىزداندىردى، جولداعى جولاۋشى تاسمال اۆتوكولىكتەرىنە جولعا شىعۋدان بۇرىن جانە قايتىپ كەلگەننەن كەيىن تازالاۋ، زارارسىزداندىرۋ سياقتى قىزمەتتەردى ىستەدى.

  ءۇرىمجى جوعارى جىلدامدىقتى تەمىر جول حالىقارالىق اۆتوكولىك جولاۋشى تاسىمال بەكەتى ىشىندە قىزمەتكەرلەر ۋاق - ۋاق بەلەت ساتۋ زالى مەن كولىك كۇتۋ زالىنا زارارسىزداندىرۋ سۇيىقتىعىن شاشىپ تۇردى ءارى زارارسىزداندىرۋ سۇيىقتىعى ارقىلى جاقتاۋ، تۇتقا سياقتىلاردى مۇقيات ءسۇرتىپ تازالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى