تيانشان تورى   ›   ۇيرەنۋ   ›   شولۋ

ەڭبەكشىل قوس قولىمىزبەن جاپپاي دوڭگەلەك داۋلەتتىلىكتىڭ ايبىندى كارتيناسىن سالايىق

شينجياڭ گازەتىنىڭ شولۋشىسى

  ومىردەگى اسىل ارماندار تەك ەڭبەك ارقىلى عانا ىسكە اسادى؛ تىرشىلىكتەگى بارلىق شۇعىلالى ناتيجەلەر ەڭبەك ارقىلى عانا سومدالادى. كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ جىلىندا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ ساتىندە كەلگەن ”1 - مامىر“ حالىقارالىق ەڭبەكشىلەر مەرەكەسى اناعۇرلىم مانگە يە، ەڭبەك بەينەلەرى كوركەمدىگىن اناعۇرلىم ايشىقتاپ، ەڭبەك قۇنى ءتىپتى دە كورنەكتىلەنىپ، ەڭبەك رۋحى بارعان سايىن نۇرلانا ءتۇستى.

  ۇلىلىق قاراپايىمدىلىقتا، قاراپايىمدىلىق ۇلىلىقتى سومدايدى. كوپ جاعدايدا بىزگە ەڭ تەرەڭ اسەر قالدىراتىنى ءدال سول ەڭ قاراپايىم ەڭبەكشىلەر. ىندەت كەزىندە رايونىمىزداعى ەمدەۋ قىزمەتكەرلەرى دارقان سۇيىسپەنشىلىكپەن، جورىققا اتتانىپ، ىندەتپەن كۇرەستىڭ ەڭ الدىڭعى شەبىندە باستان - اياق اتويلادى؛ الەۋمەتتىك اۋماق قىزمەتكەرلەرى قارلى بورانعا قاراماستان، كۇن - ءتۇن دەمەي، وتباسىلارىن ارالاپ، تەكسەرۋ جۇرگىزىپ، ولاردى كۇزەتتى؛ كاسىپورىنداعى جۇمىسشى - قىزمەتكەرلەر جۇمىس ورىندارىنان تاپجىلماي، ۇستەمەلەپ ىستەپ، زاتتىق ماتەريالدارمەن قامتاماسىز ەتۋگە، ەكونوميكانىڭ قايتا سەرپىلۋىن تەزدەتۋگە بويىنداعى قۋاتىن ارنادى؛ جەدەل جەتكىزۋشى جىگىتتەر كوشە - كوشەنىڭ تۇكپىر - تۇكپىرىن ارالاپ، سان مىڭداعان وتباسىلارىنا شۇعىل قاجەتتى تۇرمىستىق بۇيىمداردى جەتكىزدى... ءاربىر ادام قوجايىندىق بەينەمەن، قاجىرلى ەڭبەك پەن بوداۋ ارقىلى بىرلەسىپ ساقتانۋ، بىرلەسىپ تىزگىندەۋدىڭ، بۇقارالىق ساقتانۋ، بۇقارالىق تىزگىندەۋدىڭ بەرىك قورعانىس شەبىن تۇرعىزىپ، جۇمىستىڭ، ءوندىرىستىڭ قالپىنا كەلۋىنە شارت - جاعداي ازىرلەدى. ولاردىڭ بويىنان ”ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم“ دەگەن قيسىن وسىنداي جاندى تۇردە ايگىلەندى.

  رۋحاني كۇش ۇزاق ۋاقىتتىق تاريحي ۇدەرىستە ۇزدىكسىز كورىنىس بەرەدى، اسىرەسە، قىسىلتاياڭ ساتتە ەنەرگيا تاراتىپ جان - جاعىنا ساۋلە شاشادى. توسىن تۋىلعان ىندەت الدىندا، رايونىمىزداعى ءار سالا، ءار كاسىپتەگى ەڭبەكشىلەر وتاندى ءسۇيۋ، شينجياڭدى ءسۇيۋ، بىر نيەت، ءبىر تىلەكتە ىنتىماقتاسۋ رۋحىن، قيىندىقتى بىلەك بىرىكتىرە ەڭسەرۋ ءوزارا قارايلاسۋ سۇيىسپەنشىلىگىن، باتىل كۇرەسۋ، باتىل جەڭىسكە جەتۋ قايسارلىعىن، باتىل جاۋاپكەرشىلىك ارقالاۋ، ۇلەس قوسۋعا پەيىل بولۋ قاسيەتىن، قارىم - قاتىناس جاساپ سايكەسۋ، شەبەرلىكپەن ءبىر تۇتاس جوسپارلاۋ اقىل - پاراساتىن ايگىلەپ، بۇكىل ەلدىڭ جەر - جەرىندەگى ەڭبەكشىلەرمەن بىرگە كۇرەس امالياتىندا ەڭبەك رۋحىنا جاڭا ءداۋىر ءمانىن قوستى. مۇنداي ەڭبەك رۋحى ءبىزدى قيىندىقتان تايسالماۋ، بوران - شاشىنعا مويىماۋ باتىلدىعىنا يە ەتىپ، ءبىزدىڭ كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋىمىزدىڭ، جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزۋىمىزدىڭ قىمباتتى رۋحاني كۇشىن قۇرادى.

  ىندەت اكەلگەن ءتيىمسىز ىقپال الدىندا، كەدەيلىكتەن ارىلتۋدان قامال الۋ، ەكونوميكالىق، قوعامدىق دامۋ، ورنىقتىلىقتى قورعاۋ قىزمەتتەرىن ءبىر تۇتاس جوسپارلاپ جاقسى ىستەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارى مەن مىندەتتەرىنىڭ ورىندالۋىنا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ ءاربىر ەڭبەكشىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ تاڭداۋلى ءداستۇرىن ساۋلەلەندىرىپ، قاجىرلىلىقپەن ەڭبەك ەتۋ، جاسامپازدىق جاراتۋعا شەبەر بولۋ سىندى تاڭداۋلى قاسيەتتەن جازباي، وسكەلەڭ قوجايىندىق رۋحپەن وزدەرىنىڭ جۇمىس ورىندارىندا ۋاقىتتى يگەرىپ، جارعاق قۇلاعى جاستىققا تيمەي كۇرەسىپ، شوگەلدىلىكپەن ىستەپ تابىسقا جەتىپ، جاڭا داۋىردەگى ەڭبەكشىلەر جىرىن اسقاقتاتىپ، جاڭا ءداۋىر ەڭبەكشىلەرىنىڭ جاڭا داڭقىن جازۋىن اسىرەسە قاجەت ەتەدى.

  ەڭبەكشىلەردىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋدا، ءسوز جوق، ەڭبەكشىلەرگە اناعۇرلىم پايدا جەتكىزۋ كەرەك، بۇل ەلىمىزدىڭ سوتسياليستىك ءتۇزىمىنىڭ ءتۇبىرلى تالابى ءارى جاپپاي دوڭگەلەك داۋلەتتى قوعام ورناتۋداعى تاقىرىپتىق ءمان. ىندەتتىڭ ەكونوميكا مەن قوعامعا سوققىسى الدىندا، جۇمىستاندىرۋدى الدىمەن ويلاستىرۋ ساياساتىن اتقارىپ، ورنىقتى جۇمىستاندىرۋ شاراسىن جاپپاي تياناقتاندىرىپ، حالىق تۇرمىسىنداعى ناقتى ىستەردى تىڭعىلىقتى ىستەپ، ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. تۇرمىسىندا قيىنشىلىعى بار جۇمىسشى - قىزمەتكەرلەرگە ىرىقتىلىقپەن كوڭىل ءبولىپ، ”كوجە قاتىعىنىڭ“ بار - جوقتىعىن، ”استىعىنىڭ“ بار - جوقتىعىن، ”اقشاسىنىڭ“ بار - جوقتىعىن ناقتى ۇعىسىپ، ولاردىڭ ءىس جۇزىندىك قيىنشىلىقتارىن دەر كەزىندە شەشۋ كەرەك. ۇكىمەت، جۇمىسشى ۇيىمى، كاسىپورىن بىرگە ات سالىساتىن اقىلداسۋ - سايكەستىرۋ مەحانيزمىن كەمەلدەندىرىپ، جۇمىسشى - قىزمەتكەرلەردى مۇددەلەرىن، تالاپ - تىلەكتەرىن زاڭ بويىنشا بايىپتى، ءتارتىپتى تۇردە بەينەلەۋگە جەتەكتەپ، جاراسىمدى ەڭبەك قاتىناسىن ورناتىپ، ەڭبەكشىلەردىڭ ابىرويمەن ەڭبەك ىستەۋىنە، جاپپاي دامۋىنا كومەكتەسۋ كەرەك.

  ءداۋىر بيىگىندە تۇرىپ تاريحقا كوز جىبەرسەك، ەڭبەك ادامزات وركەنيەتىن العا باستىرعان؛ جۇڭحۋا ۇلتىنىڭ ۇلى گۇلدەنۋىنىڭ ساپارىنا قايىرىلا قاراساق، ەڭبەك ارمانعا اپاراتىن بەرىك باسپالداقتى قالاعان. جاپپاي دوڭگەلەك داۋلەتتى قوعام ورناتۋدا ءاربىر ەڭبەكشى كەم بولسا بولمايتىن باستى رول اتقارادى. ەڭبەكتى قۇرمەتتەپ، ءبىلىمدى قۇرمەتتەپ، دارىندىلاردى قۇرمەتتەپ، جاسامپازدىقتى قۇرمەتتەپ، قايتپاس تاباندىلىقتى ساقتاعاندا، تولىق جەڭىسكە جەتپەيىنشە شەپتەن قايتپايتىن بەرىك سەنىمدى بەكەمدەگەندە، قانشا جاپا - ماشاقات، حاۋىپ - قاتەر بولعان سايىن سولعۇرلىم العا ىلگەرىلەيتىن جىگەر - قايراتتى قاۋلاتقاندا عانا، ءبىز، ءسوز جوق، ەڭبەكشىل قوس قولىمىزبەن جاپپاي دوڭگەلەك داۋلەتتىلىكتىڭ ايبىندى كارتيناسىن سالا الامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.