«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. 5 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 9 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «كەدەيلىكتەن دالمە - ءدال ارىلتۋدان قامال الۋ شايقاسىن ويداعىداي جۇرگىزۋ اڭگىمە ماجىلىسىندە سويلەنگەن ءسوزى» جاريالانادى.
ماقالادا مىنالار باسا دارىپتەلدى: كەدەيلىكتەن دالمە - ءدال ارىلتۋدان قامال الۋ شايقاسىن ويداعىداي جۇرگىزۋ پارتيا 19 - قۇرىلتايى العا قويعان ءۇش ءىرى قامال الۋ شايقاسىنىڭ ءبىرى، بۇل دەر كەزىندە جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋدا توتەنشە ماڭىزدى مانگە يە. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ءدوپ كەلگەن مىندەتتەردىڭ جاپالىلىعىن، اماليات بارىسىندا ورىن تەپكەن كورنەكتى ماسەلەلەردى جانە وسى ماسەلەلەردى شەشۋدىڭ كوكەي تەستىلىگىن سەرگەكتىكپەن تانىپ، يگەرىپ، بوساڭسىماي، توقىراماي، سالعىرتتىققا سالىنباي، كەدەيلىكتەن ارىلتۋدىڭ ساپاسىن ماڭداي الدى ورىنعا قويىپ، نازاردى اۋىر كەدەي وڭىرلەرگە شوعىرلاندىرىپ، كەدەيلىكتەن ارىلتۋدان قامال الۋ شايقاسىن تىڭعىلىقتى تۇردە العا ىلگەرىلەتۋ كەرەك.
ماقالادا مىنالار اتاپ كورسەتىلدى: ەلىمىزدىڭ كەدەيلىكتەن ارىلتۋدان قامال الۋدا قول جەتكىزگەن شەشۋشى سيپاتتى ىلگەرىلەۋشىلىكتەرىن جەتە تانۋ كەرەك. پارتيانىڭ 18 - قۇرىلتايىنان بەرى، پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋ تالابىن ارقاۋ ەتىپ، كەدەيلەردى سۇيەمەلدەۋ - وركەندەتۋ قىزمەتىن ”بەستى ءبىر تۇلعالاندىرۋ“ جالپىلىق ورنالاستىرۋىنا، ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ءتۇيىندى مىندەتى ەتىپ، ءبىر قىدىرۋ كەلەلى ورنالاستىرۋلار جانە جايعاستىرۋلار جاساپ، كەدەيلىكتەن ارىلتۋدان قامال الۋ شايقاسىن جاپپاي جۇرگىزىپ، ەلىمىزدىڭ كەدەيلىكتى ازايتۋ تاريحىنداعى ەڭ تاماشا ناتيجە جاراتىپ، كەدەي وڭىرلەردىڭ جەدەل دامۋىن جەبەپ، بۇكىل قوعامنىڭ كەدەيلەردى سۇيەمەلدەۋ قۋاتتى بىرىككەن كۇشىن قالىپتاستىرىپ، كەدەيلىكتەن ارىلتۋدان قامال الۋدىڭ جۇڭگوشا ءتۇزىم جۇيەسىن ورناتىپ، الەمنىڭ كەدەيلىكتى ازايتۋ ىسىنە جۇڭگونىڭ اقىل - پاراساتى مەن جۇڭگو جوباسىن ارنادى. كەدەيلىكتەن ارىلتۋدان قامال الۋ سەرپىنىنىڭ كۇشتىلىگى، كولەمىنىڭ كەڭدىگى، ىقپالىنىڭ تەرەڭدىگى بۇرىن بولماعان دارەجەگە جەتىپ، شەشۋشى سيپاتتى ىلگەرىلەۋشىلىكتەرگە قول جەتكىزىپ، كەدەي وڭىرلەر مەن كەدەي بۇقارانىڭ ءوندىرىس، تۇرمىس شارت - جاعدايىن كورنەكتى تۇردە جاقسارتىپ، ادامزاتتىڭ كەدەيلىككە قارسى تۇرۋ تاريحىنىڭ جاڭا تاراۋىن جازدى.
ماقالادا مىنالار اتاپ كورسەتىلدى: كەدەيلىكتەن ارىلتۋدان قامال الۋدىڭ ۇلى امالياتىندا ءبىز قىرۋار قۇندى تاجىريبە توپتادىق. ءبىرىنشى، پارتيانىڭ باسشىلىعىنا تاباندى بولىپ، ۇيىمدىق كەپىلدىكتى كۇشەيتۋ. ەكىنشى، دالمە - ءدال جالپى جوباعا تاباندى بولىپ، كەدەيلىكتەن ارىلتۋدىڭ ناقتى ونىمدىلىگىن جوعارىلاتۋ. ءۇشىنشى، ۇسىنىلىمدى ارتتىرۋعا تاباندى بولىپ، قارجىلىق قولداۋدى كۇشەيتۋ. ءتورتىنشى، قوعامدى اتتانىسقا كەلتىرۋگە تاباندى بولىپ، ءار جاقتىڭ كۇش - قۋاتىن ۇيىستىرۋ. بەسىنشى، تالاپتى قاتايتۋعا تاباندى بولىپ، شىنايى يگەرىپ، ناقتى ىستەۋدى ىلگەرىلەتۋ. التىنشى، بۇقارانىڭ تۇلعالىق ورنىنا تاباندى بولىپ، ىشكى قوزعاۋشى كۇشتى قاۋلاتۋ. وسى قۇندى تاجىريبەلەرگە ۇزاق ۋاقىت تاباندى بولۋ ءارى ۇزدىكسىز كەمەلدەندىرۋ جانە دامىتۋ كەرەك.
ماقالادا مىنالار اتاپ كورسەتىلدى: كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەگى قيىنشىلىقتار مەن سىن - سايىستاردى سەرگەكتىكپەن يگەرۋ كەرەك. كەدەيلىكتەن ارىلتۋدان قامال الۋدىڭ ناتيجەسى زور، ءبىراق ءدوپ كەلگەن قيىنشىلىقتار مەن سىن - سايىستار دا وراسان زور، شەشۋگە ءتيىستى كورنەكتى ماسەلەلەر دە ءالى بارشىلىق. كەدەيلىكتەن ارىلتۋدان قامال الۋ سوڭىنا تاياعان سايىن قيىن تۇيىندەر دە سولعۇرلىم كوبەيەدى. فورماشىلدىق، تورەشىلدىك، جالعاندىق، اپتىقپالىق، شايقاستان جالىعۋشىلىق، سونداي - اق كەرەناۋلىق، شىرىكتەسۋ جايتتەرى ءالى دە ءومىر سۇرۋدە. قيىنشىلىقتاردى تولىق مەجەلەپ، سىن - سايىستى اناعۇرلىم تولىق تانىپ، ءتۇرلى قيىنشىلىقتار مەن سىن - سايىستارعا توتەپ بەرۋ جانە جەڭۋ دايىندىعىن جاقسى ىستەۋ كەرەك.
ماقالادا مىنالار اتاپ كورسەتىلدى: كەدەيلىكتەن ارىلتۋدان قامال الۋ شايقاسىن جاپپاي ويداعىداي جۇرگىزۋ كەرەك. پارتيا ورتالىق كوميتەتىنىڭ جالپىلىق ورنالاستىرۋىنا جانە جايعاستىرۋىنا ساي، ۇيىمدىق باسشىلىقتى كۇشەيتىپ، نىسانا - ولشەمدەرگە تاباندى بولىپ، ءتۇزىلىس - مەحانيزمدى كۇشەيتىپ، دالمە - دالدىكتى مىقتى يگەرىپ، قارجى باسقارۋدى كەمەلدەندىرىپ، ستيل قۇرىلىسىن كۇشەيتىپ، كادرلاردى كەزەكپەن تاربيەلەۋگە ۇيىمداستىرىپ، ىشكى قوزعاۋشى كۇشتى قاۋلاتۋعا باسا ءمان بەرۋ كەرەك.
ماقالادا مىنالار باسا دارىپتەلدى: كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزسەك، جۇڭحۋا ۇلتىنىڭ مىڭداعان جىلداردان بەرگى تاقىر كەدەيلىك ماسەلەسى قازىرگى بۋىن بىزدەردىڭ قولىمىزدان تاريحي شەشىمىن تابادى. بۇل ءبىزدىڭ ومىرىمىزدەگى ۇلكەن باقىت. بىرگە قۇلشىنىپ، جۇڭحۋا ۇلتى، تۇتاس ادامزات ءۇشىن ماڭىزدى مانگە يە وسى ۇلى ءىستى بىرگە ورىندايىق. بۇكىل پارتيا، بۇكىل ەلدەگى ءار ۇلت حالقى ءبىر نيەتپەن سەلبەسىپ، قايراتتانا كۇرەس جۇرگىزسە بولعانى، كەدەيلىكتەن ارىلتۋدان قامال الۋ شايقاسىنىڭ جەڭىسىنە، ءسوز جوق، قول جەتكىزە الامىز.
