تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

 اپەكەلى - سىڭلىلەر قول ۇستاسىپ باقىتتى ءومىردى كەستەلەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى سۇڭ يا - ۋىن

  4 - ايدىڭ 30 - كۇنى جىڭ اۋدانى باجياحۋ ەگىس الاڭى ايەلدەردىڭ شارۋاشىلىق قۇرۋ جەتىلدىرۋ بازاسىنداعى ”مەيىرباندىق ي - ۋ كەڭىستىگى“ تىگىنشىلىك دۇكەنىندە ريزۋانگۇل راحىمان ءبىر قولىنا ءپىشۋ - تىگۋ سىزعىشىن الىپ، ءبىر قولىنداعى بورمەن كەزدەمەگە شەبەرلىكپەن بەلگى سالىپ جاتتى. ”قاراڭىز، مىناۋ اپەكەم ليۋ حۋاعا ارنايى تاڭداعان كەزدەمە، مەن وعان ءوز قولىممەن تاماشا اتلاس كويلەك تىگىپ بەرەمىن، ول كيىپ السا، ءسوز جوق، ادەمى بولىپ كەتەدى“، - دەدى تىلشىگە ريزۋانگۇل جۇمىسىمەن قاربالاس بولا ءجۇرىپ.

  ريزۋانگۇل باجياحۋ ەگىس الاڭىنىڭ قىزمەتشىسى، سول توڭىرەككە تانىمال تىگىنشى ايەل. بۇل كۇندەرى وتباسى ايەلىنەن اۋقاتتانۋعا باستاۋشىعا اينالعان ول ”مەيىرباندىق ي - ۋ كەڭىستىگى“ تىگىنشىلىك دۇكەنىن اشىپ وتىر، دۇكەن ونشالىق ۇلكەن بولماعانىمەن، ونىڭ ارمانىن ارقالاپ وتىر.

  وزىندەگى بۇرىلىستى اۋىزعا العاندا، ريزۋانگۇل تەبىرەنە بىلاي دەدى: ”بۇنىڭ بارىندە جۇپ قۇراعان تۋىسىم ليۋ حۋاعا مىڭ العىس، ول مەنى اۋقاتتانۋ جولىنا باستاعان“.

  ليۋ حۋا جىڭ اۋدانى دەنساۋلىق ساقتاۋ، سالاماتتىق كوميتەتىنىڭ كادرى، 3 جىلدىڭ الدىندا ول ريزۋانگۇلمەن جۇپ قۇراپ تۋىس بولعان.

  ۇعىسا كەلە ليۋ حۋا ريزۋانگۇل وتباسىنىڭ ەگىن ەگىپ كۇن كورەتىندىگىن، جىلدىق تابىسى 20 مىڭ يۋاننان اسپايتىندىعىن بىلەدى. ”ۇيدەگى جەردى اينالىمعا سالساڭدار، جەردى اينالىمعا سالۋدىڭ وزىنەن جىلىنا 10 مىڭ يۋاننان كوپ كىرىس كىرەدى، ەرلى - زايىپتى ەكەۋىڭ باسقا جۇمىس ىستەسەڭدەر، تابىستارىڭ قالايدا قازىرگىدەن كوپ بولادى“، - دەيدى ليۋ حۋا ريزۋانگۇلگە.

  ليۋ حۋانىڭ ءسوزى ريزۋانگۇلدىڭ جۇرەگىندەگى شارۋاشىلىق قۇرۋ ۇشقىنىن قاۋلاتتى. كوپ رەت ىشكەرىلەي پىكىرلەسە كەلە ليۋ حۋا ريزۋانگۇلدىڭ كۇيەۋىنە ۇيدە سيىر، قوي باعىمشىلىعىمەن شۇعىلدانۋعا، كيىم، كەستە تىگەتىن ونەرى بار ريزۋانگۇلگە تىگىنشىلىك دۇكەنىن اشۋعا كەڭەس بەرەدى.

  دۇكەن اشۋعا اقشا تاپشى بولعاندا، ليۋ حۋا ولاردىڭ قارىز الۋىنا كومەكتەسەدى؛ جابدىق كەم بولعاندا، ليۋ حۋا جابدىق ساتىپ الۋ تۋرالى بايلانىس جاساۋعا قول ۇشىن بەرەدى... ءسويتىپ، ليۋ حۋانىڭ كومەگىندە ريزۋانگۇل تىگىنشىلىك دۇكەنىن اشادى.

  العاشىندا تىگىنشىلىك دۇكەنىنىڭ پايداسى كوڭىلدەگىدەي بولمايدى، وزگەرتۋ قيىن كيىمدەر كوپ كەلىپ تۇرادى. ريزۋانگۇل قيىنشىلىققا جولىققان سايىن، ليۋ حۋا ونى جۇباتىپ، ونان سوڭ دەرەۋ باۋلۋ كۋرستارىمەن سويلەسىپ، ريزۋانگۇلدىڭ تىگىنشىلىك، كەستەشىلىك ونەردى جۇيەلى تۇردە ۇيرەنۋىنە مۇمكىندىك جاسايدى.

  ”باستابىندا مەن تىگىنشىلىكتىڭ قاراپايىم تۇرلەرىن عانا بىلەتىنمىن، اپەكەم جان - جاقتى ويلاستىراتىن ادام ەكەن، مەنىڭ باۋلۋ كۋرسىنا بارىپ ۇيرەنۋىمە كومەكتەستى. قازىر مەن كوپتەگەن تەحنيكا ۇيرەنىپ الدىم، دۇكەندە جۇرگىزەتىن جۇمىستىڭ تۇرلەرى بارعان سايىن كوبەيىپ، تابىسىم كۇن سايىن مولايىپ كەلەدى“، - دەيدى ريزۋانگۇل كۇلىپ.

  ىسىلعان كەستەشىلىك جانە تىگىنشىلىك ونەرى ريزۋانگۇلگە ءبىر توپ ادال الارمان سيلادى. تىگىنشىلىك دۇكەنى دە بۇرىن جاي عانا كەستەلى جاستىق، كورپەنىڭ تىسى، داستارقان سياقتىلاردى تىگۋدەن كويلەك، مامىق شاپان سياقتىلار تىگۋگە دەيىن كەڭەيدى. دۇكەندەگى تاپسىرىستىڭ مولايۋىنا مەڭزەس، ريزۋانگۇل تىگىنشىلىك تەحنيكاسىن جانىنداعى اپەكە - سىڭلىلەرىنە ۇيرەتىپ، دۇكەنىنە تاعى 3 قىزمەتشى الدى.

  ”قازىر مەن ايىنا، از دەگەندە، 4000 يۋاننان استام تۇراقتى كىرىس كىرگىزەمىن، وعان باعىمشىلىق پەن جەردى اينالىمعا سالۋدىڭ تابىسىن قوسقاندا، وتباسىمىزدىڭ ءبىر جىلعى تابىسى 150 مىڭ يۋان اينالاسىنا جەتەدى. قازىر وتباسىمىزدىڭ تۇرمىسى بارعان سايىن جاقسارىپ كەلەدى“، - دەيدى ريزۋانگۇل.

  ريزۋانگۇل قازىر وزىنە سەنىمدى، بۇرىنعىدان دا اشىق - جارقىن. ”اپەكەمنىڭ ىنتالاندىرۋى مەن كومەگى بولماسا، دۇكەن اشىپ شارۋاشىلىق قۇرۋعا باتىلىم بارماۋشى ەدى، قازىر مەن ءوز قوس قولىممەن باقىتتى ءومىر ءسۇرىپ جاتىرمىن، مۇنىمدى ايرىقشا ماقتانىش ەتەمىن“، - دەيدى ول.

  3 جىل ءدام - تۇزى ايقاسقان اپەكەلى - سىڭلىلەردىڭ كوڭىلى ءبىر - بىرىنە جاقىنداي ءتۇستى. دۇكەننىڭ بۇدان كەيىنگى ساۋداسى جونىندە اپەكەلى - ءسىڭلى ەكەۋى تىڭ جوسپار دا قۇرىپ قويىپتى. ”ءبىز بيىل تاعى 3 − 5 تىگىن ماشيناسىن قوسىپ، نيەت ەتكەن اناعۇرلىم كوپ اپەكەلى - سىڭلىلەردى تىگىنشىلىك دۇكەنىنە قوسىلۋعا جەتەكتەسەك، كوپشىلىك بىرگە كىرىستى ارتتىرىپ، اۋقاتتانۋ جولىنا تۇسسەك دەپ وتىرمىز“، - دەيدى ليۋ حۋا.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.