تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

دەمالىستا دا ”شايقاستى“ توقتاتپادى

− رايونىمىزداعى پارتيالى كادرلاردىڭ كەدەيلىكتەن ارىلتۋدىڭ ءبىرىنشى شەبىندە تاپجىلماعاندىعى جونىندە كورگەن - بىلگەندەرىمىز

شينجياڭ گازەتىنىڭ جالپىلىق اقپارات قۇرالدارى ءتىلشىسى

  ”1 - مامىر“ دەمالىسىندا رايونىمىزدىڭ كەدەيلىكتەن ارىلتۋدان قامال الۋدىڭ ءبىرىنشى شەبىندە قايراتتانا شايقاس جاساپ جاتقان پارتيالى كادرلار دەمالىستارىنان ىرىقتىلىقپەن كەشىپ، ءبىرىنشى شەپتەن تاپجىلمادى، ولار تاڭ اتقاننان كۇن باتقانعا دەيىن جان - جاققا شاپقىلاپ، شارۋالاردىڭ ۇيىنە، زاۆودتارعا، اتىز باستارىنا باردى... كەدەي بۇقارامەن بىرگە ەڭبەك ەتىپ، كىرىستى ارتتىرىپ، اۋقاتتانۋدىڭ ادىستەرىن بىرگە اقىلداسىپ، كەدەي بۇقارانىڭ ەڭ اسىققان، ەڭ ۋايىمداعان، ەڭ كوكسەگەن ماسەلەلەرىن بۇكىل ىنتا - پەيىلىمەن شەشتى.

  ”قايشىنى مىقتى ۇستاپ، قولدى قوزعالتپاي، سىزىپ قويعان سىزىقتان كوز جازباي، ءبىر جولدا تەز كەسۋ كەرەك...“ 5 - ايدىڭ 1 - كۇنى تاڭعى جيىن اياقتالا سالىسىمەن، ابدىرەيىم ابدۇۋالي ءبىر ۇرتتام سۋ ىشۋگە دە ۇلگىرمەي، قىستاق تۇرعىندار كوميتەتىنەن 900 مەتر جەردەگى شينشيڭ كيىم - كەشەك سەرىكتەستىگىنە توتە بارىپ، جۇمىسقا ورنالاسقانىنا ۇزاق بولماعان قىزمەتكەرلەردىڭ تىگىنشىلىك، كەزدەمەلەردى ءپىشۋ قىزمەتىنە جەتەكشىلىك ەتتى.

  ابدىرەيىم قاعىلىق اۋدانى اۋىل - قىستاق سەلبەستىك شارۋاشىلىعى تيجارات باسقارۋ مەكەمەسىنىڭ وسى اۋداننىڭ لوق اۋىلى كاڭكەچىك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى.

  ”شينشيڭ كيىم - كەشەك سەرىكتەستىگى قىستاعىمىزدىڭ ساۋداگەر شاقىرىپ، قارجى ەنگىزگەن كاسىپورنى، قىستاعىمىزدان ارحيۆ تۇرعىزىلىپ، كارتچكالاندىرىلعان 170 كەدەيدى جۇمىسقا قابىلدادى. ءونىم ءوتىمدى بولعاندىقتان، سەرىكتەستىك ۇزدىكسىز جاڭا قىزمەتكەر قابىلداۋدا. جاڭا قىزمەتكەرلەردىڭ تەز ارادا قىزمەتكە ۇيلەسۋىنە مۇمكىندىك جاساۋ ءۇشىن، ءبىز قىزمەتتە، تۇرمىستا ولارعا كوڭىل ءبولۋىمىز جانە كومەكتەسۋىمىز كەرەك“، - دەدى ابدىرەيىم.

  تۇستە ابدىرەيىم ەلەكترسيكلگە ءمىنىپ، اشىلۋ الدىندا تۇرعان ”ون كىشكەنە دۇكەنگە“ زىمىراپ جەتىپ باردى. ”ءارقايسى دۇكەندەردىڭ شىراقتارى، توك جولدارى تەكسەرىلدى مە؟ كۇن ىسىپ كەلەدى، دۇكەننىڭ الدىنداعى كۇنشاتىردىڭ ۇلكەنىن الۋ كەرەك...“ ابدىرەيىم قىزمەتكەرلەردەن جان - جاقتى سۇراستىردى جانە قاداعالاپ تاپسىردى.

  پايدالانۋعا بەرىلگەلى تۇرعان ”ون كىشكەنە دۇكەن“ بيىل كاڭكەچىك قىستاعىنىڭ قىستاق تۇرعىندار كوميتەتى قىستاق تۇرعىندارىنىڭ تالابىمەن كوبەيتىپ اشقان دۇكەندەردىڭ ءبىرى، بىلتىر اشىلىپ، ەكونوميكالىق ونىمدىلىك بەرە باستاعان 10 دۇكەندى قوسقاندا، قازىر وسى قىستاقتا جالپى 20 دۇكەن اشىلىپ، شارۋاشىلىق قۇرۋ كوشەسىن قالىپتاستىردى. ”ءاربىر دۇكەننىڭ ءوز ەرەكشەلىگى بار، جاستاردىڭ شارۋاشىلىق قۇرۋىنان ۇلگى كورسەتۋ دۇكەنى دە، وتباسىلارىن بىرلىك ەتكەن ەرلى - زايىپتىلار دۇكەنى دە بار“، - دەدى ابدىرەيىم.

  5 - ايدىڭ 1 - كۇنى گۇما اۋدانى كەدەيلەردى سۇيەمەلدەۋ كەڭسەسىنىڭ مەڭگەرۋشىسى يوۋ ۋيبين كەدەيلەردى سۇيەمەلدەۋ ماتەريالدارى تولتىرىلعان قول سومكەسىن الىپ، جولعا شىقتى. وسى كۇنى ول گۇما اۋدانى پيشينا اۋىلى مەن باشلاڭگار اۋىلىنا بارىپ كەدەي وتباسىلارىنىڭ ساياساتتان يگىلىكتەنۋ، وتباسىلىق شارۋاشىلىعى سياقتى جاعدايلارىن ۇعىسىپ، كومەكتەسۋ، سۇيەمەلدەۋ شارالارىن يكەمدى رەتتەيدى، قاداعالايدى.يوۋ ۋيبين بىلاي دەدى: ”كەدەيلەردى سۇيەمەلدەۋ قىزمەتىندە ەڭ ماڭىزدىسى كەدەي وتباسىلارىمەن ’جۇرەكتەس‘ بولۋ. بۇقارالىق قىزمەتتى ىستەۋدە تيتتەي جالعاندىق جاساۋعا جول بەرۋگە بولمايدى، ءسوزسىز، بارلىق ۇيگە كىرىپ، بارلىق ءۇيدىڭ جاعدايىن ءبىلۋ كەرەك“.

  ساعات 21دە يوۋ ۋيبين مەن قىزمەتتەستەرى باس قوسىپ ەكىنشى كۇنگى كەدەيلەردى سۇيەمەلدەۋ قىزمەتىن اقىلداستى.

  5 - ايدىڭ 1 - كۇنى تاڭەرتەڭ قىزىلسۋ قىرعىز اۆتونوميالى وبلىستىق سۋ يگىلىگى مەكەمەسىنىڭ اتۇش قالاسى كاتتايلاق اۋىلى چوقچى قىستاعىندا تۇراتىن كەدەيلەردى سۇيەمەلدەۋ ارناۋلى شۋجيى ابدىرەشيت ايسا تاڭ بوزىنان تۇرىپ، قىستاق تۇرعىندارىنىڭ مال قوراسىنا كەلىپ، سيىر مەن قويلارىنىڭ جەمدەلۋ جاعدايىن كوردى.

  ”ءبىزدىڭ اۋىلدىڭ قوي ەتىنىڭ ساپاسى جاقسى، ءدامى دە ايتارلىقتاي، سوندىقتان ءبىز قىستاقتا باعىمشىلىق كاسىبىن دامىتۋعا توتەنشە ءمان بەرىپ كەلەمىز“، - دەدى ابدىرەشيت.

  ”ۋاي، ابدىرەشيت شۋجي، باققان قويىمىزدىڭ قانداي ەكەنىن ءبىر كورىپ، پىكىر بەرىپ قايتپايسىز با“. تۇستە تاماق ءىشىپ وتىرعان ابدىرەشيت قىستاق تۇرعىنى ماريامگۇل مامەت ابىلانىڭ تەلەفونىن العان سوڭ، شىنى - ساقپىسىن قويا سالىپ، دەرەۋ جونەلدى.

  ماريامگۇل قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسى. ابدىرەشيت ونىڭ ءۇيىنىڭ جاعدايىن بىلگەننەن كەيىن كوپ كومەك كورسەتتى. 2019 - جىلى ماريامگۇل 15 مىڭ يۋاندىق قوي قورا سالۋ نىسانى ساياساتىنان يگىلىكتەنىپ قالماستان، تاعى كەدەيلەردى سۇيەمەلدەۋ قويىن الدى. بىلتىر ماريامگۇل وتباسىنىڭ جىلدىق كىرىسى 30 مىڭ يۋاننان استى.

  ”3 - ايدا ءبىز كەدەيلەردى سۇيەمەلدەۋ بويىنشا 165 سيىردى وتباسىلارىنا جەتكىزۋ نىسانىن اتقارىپ، قىستاعىمىزدىڭ سيىر، قوي بورداقىلاۋ باسىمدىعىنان تولىق پايدالانىپ، باسقارۋدى، قىزمەت وتەۋدى ويداعىداي ىستەۋمەن بىرگە، ساتۋ ارناسىن كەڭەيتىپ، قىستاق تۇرعىندارىنىڭ كىرىستەرىن ارتتىرۋىنا دەم بەردىك“، - دەدى ابدىرەشيت.

  ”ەككەن قىزاناق مايسالارىڭنىڭ اراسى جاقىن ەكەن، قورەكتىك جەتىسپەۋدەن كەيىن قىزاناق تۇيىندەۋگە ىقپال جاساۋى مۇمكىن“. 5 - ايدىڭ 1 - كۇنى باي اۋدانى ياتۇر اۋىلى يەڭىلاڭگار قىستاعىنىڭ ورىنباسار مەڭگەرۋشىسى جاڭ شيانبين قىستاق تۇرعىندارىنا كوكونىس ەگۋ تەحنيكاسىنا جەتەكشىلىك ەتۋمەن قاربالاس.

  قازىر ءدال كوكونىس ەگەتىن مەزگىل، سونداي - اق جاڭ شيانبيننىڭ ەڭ قاربالاس كەزى، ءۇي بىتكەننىڭ ءبارىن ارالاپ، قىستاق تۇرعىندارىنىڭ كوكونىس ەگۋ جاعدايىن كورىپ، قىستاق تۇرعىندارىنىڭ ءتۇرلى كوكونىس مايسالارىن ەگۋىنە ءجون سىلتەيدى.

  1989 - جىلى جاڭ شيانبين وتباسى سىچۋاننان يەڭىلاڭگار قىستاعىنا كەلگەن، جاپا - ماشاقاتقا ءتوزىمدى، تەحنيكاعا جەتىك ول ەگىن سالىپ اۋقاتتاندى. 2018 - جىلى 7 - ايدا قىستاقتاعى اشىق سايلاۋدا ول قىستاقتىڭ عىلىم - تەحنيكا جۇمىستارىن باسقاراتىن ورىنباسار مەڭگەرۋشى بولىپ سايلاندى.

  ”قىستاق تۇرعىندارى ماعان سەنگەن ەكەن، مەن جاۋاپكەرشىلىگىمدى ارقالاي ءبىلۋىم كەرەك. قازىر ءدال ءۇي بىتكەننىڭ ەڭ قاربالاس كەزى، مەن ءجيى ارالاپ تۇرسام، قىستاق تۇرعىندارىنىڭ كىرىسى دە ارتا تۇسەدى“، - دەدى جاڭ شيانبين.

  (ءتىلشىلەر شيا چيڭ، قاشقار تىلشىلەر پۋنكتىنەن پان يانيۇن، ۋاڭ جىحىڭ، حوتان تىلشىلەر پۋنكتىنەن شى يىڭيىڭ، قىزىلسۋ وبلىسى تىلشىلەر پۋنكتىنەن زۇلفيا، ەرىكتى ءتىلشى نيۋ حاييان جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى