شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين
4 - ايدىڭ 30 - كۇنى ساعات 9دا اۆتونوميالى رايوندىق حالىق شيپاحاناسى قىزۋ امبولاتورياسىنىڭ ورىنباسار مەڭگەرۋشىسى نيۋ شياۋشان قىزمەت ورنىنا الدەقاشان كەلىپ بولدى، ول ”1 - مامىر“ كەزىندەگى كەزەكشىلىك كەستەسىنە ءبىراز وزگەرىس ەنگىزدى. ”مەرەكە - دەمالىس كۇنى ءبىز ءتىپتى دە بوساڭسىماۋىمىز، ءسوز جوق، جۇمىستاعى قىزمەتكەرلەردىڭ جەتكىلىكتى بولۋىنا كەپىلدىك ەتۋىمىز كەرەك“، - دەيدى نيۋ شياۋشان.
ساعات 10 مولشەرىندە نيۋ شياۋشاننىڭ تەلەفونى بەزىلدەي جونەلدى. ”جارايدى، قازىر بارايىن“. نيۋ شياۋشان قولىنداعى جۇمىسىن قويا تۇرىپ، تازالانعان اۋماقتا ساقتانۋ - قورعانۋ كيىمىن جەدەل كيىپ، 2 قابات بۋفەرلىك اۋماقتان ءوتىپ، قىزۋ امبولاتورياسىنا كىردى.
قىزۋ امبولاتورياسىنا 14 جاستاعى ءبىر بالا كەلىپتى، تاماعى جىبىرلاپ، دەمىككەن بالا اتا - اناسىنىڭ سەرىك بولۋىمەن ەمدەلۋگە كەلىپتى، ءتۇرلى تەكسەرۋدىڭ بارلىعى ورىندالىپ، ماسەلە بايقالماسا دا، بالا ءوزىن جايسىز سەزىنە بەرگەن. جاعدايدان تولىق حاباردار بولعان سوڭ، نيۋ شياۋشان دياگنوز قويۋ ۇيىنە كىرىپ، بالاعا جارتى ساعاتقا جۋىق پسيحيكالىق جەتەكتەۋ جۇرگىزدى، بالا ءوزىن ايتارلىقتاي ءتاۋىر بولىپ قالعانداي سەزىندى.
نيۋ شياۋشان بىلاي دەدى: ”كوپتەگەن ادامداردا ءىس جۇزىندە رۋحاني جاقتان ابىرجۋدان پسيحيكالىق شيرىعۋ اسەرى پايدا بولادى، شيپاگەرلەردە پسيحيكالىق ماسەلەگە ۇشىراپ جاتادى، باسقارۋشى رەتىندە، ءبىز، ءسوز جوق، دەر كەزىندە بايقاۋىمىز، دەر كەزىندە شەشۋىمىز كەرەك“.
1 - ايدىڭ 24 - كۇنى اۆتونوميالى رايوندىق حالىق شيپاحاناسى قىزۋ امبولاتورياسىن قۇرعاننان بەرى، نيۋ شياۋشان وسى جەردەن تاپجىلمادى، ول بىلاي دەدى: بۇل مەنىڭ بورىشىم جانە جاۋاپكەرشىلىگىم.
”1 - مامىر“ دەمالىسىندا دا نيۋ شياۋشان قىزمەت ورنىندا بولدى، ول بىلاي دەدى: ”شينجياڭدا قازىر جاڭا تيپتى ايدارشا ۆيرۋس وكپە قابىنۋ ىندەتى بويىنشا دياگنوزى تۇراقتاندىرىلعان ناۋقاستار جوق بولعانىمەن، ’الدىڭعى قاراۋىل‘ رەتىندە قىزۋ امبولاتورياسىنداعىلاردىڭ تيتتەي دە بوساڭسۋىنا بولمايدى. ءبىز 24 ساعات كەزەكشى بولۋدى جالعاستىرىپ، باستان - اياق ايرىقشا ساقتانۋ تانىمىن ساقتاپ، بىردە - ءبىر كۇماندى ناۋقاستى قاعىس قالدىرماي، ناۋقاستاردىڭ ەمدەلۋ حاۋىپسىزدىگىنە شىنايى كەپىلدىك ەتەمىز“.
