ءتۇيىندى تاس جول نىسانى قۇرىلىسشىلارى:
ۇستەمەلەپ ىستەپ قۇرىلىس ۋاقىتىن ۇتامىز
شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ
5 - ايدىڭ 1 - كۇنى قۇمىل قالاسى يجوۋ رايونى شينمين 6 - جولى قۇمىل قالا تۇرعىندارىنا قىزمەت وتەۋ ورتالىعىنىڭ ينجەنەريا قۇرىلىس ورنىندا قۇرىلىسشىلار عيماراتتىڭ توبەسىندە قۇرىلىس جۇرگىزۋدە. سۋرەتتى لي حۋا تۇسىرگەن
”’قارا تورى اعاي‘ انا جەردى شىڭداۋ ماشيناسى رەمونتتالىپ بولدى، جۇمىس ورنالاستىرىڭىز“. 4 - ايدىڭ 30 - كۇنى تۇستەن بۇرىن S21 التاي - ءۇرىمجى تاس جولىنىڭ 8 - بولىگىندەگى جۇمىس ورنىندا باسقالار ”قارا تورى اعاي“ دەپ اتايتىن نىسان باسقارۋشىسى حو يۇڭچاۋ قىزمەتتەسىنىڭ شاقىرعانىن ەستىگەننەن كەيىن، دەرەۋ بارىپ ماشينانىڭ جاعدايىن تەكسەردى ءارى جۇمىس ورنالاستىردى.
بيىل 36 جاستاعى حو يۇڭچاۋ 2006 - جىلى تاس جول قۇرىلىسى كاسىبىنە ارالاسقاننان بەرى، 7 دە 8 ءتۇيىندى تاس جول نىسانىنا قاتىناستى، دالادا كۇن ورتەنىپ تۇر، ونىڭ بەتى كۇنگە كۇيىپ قارايىپ كەتكەندىكتەن، كوپشىلىك قالجىڭداپ ونى ”قارا تورى اعاي“ دەپ اتايدى. 2017 - جىلى ول شينجياڭعا كەلىپ جوعارى قارقىندى تاس جولدى وزگەرتىپ، كەڭەيتىپ سالۋ ينجەنەرياسىنا قاتىناستى، بيىل S21 التاي - ءۇرىمجى تاس جول نىسانىنا كەلدى.
S21 التايدان ۇرىمجىگە دەيىنگى تاس جول قۇرىلىسى ورنىندا تاسىمال اۆتوكولىكتەرى قايشالىسادى، قازىق قاعاتىن 3 ماشينا، جەردى شىڭدايتىن ءبىر ماشينا جولدا جۇمىس ىستەۋدە. ”ءبىزدىڭ قازىق قاعاتىن 7 ماشينامىز قۇراستىرىلۋ ۇستىندە، قۇراستىرىلىپ بولعاننان كەيىن دەرەۋ جۇمىسقا سالىنادى“، - دەدى حو يۇڭچاۋ.
S21 التايدان ۇرىمجىگە دەيىنگى تاس جول اۆتونوميالى رايوننىڭ ءتۇيىندى تاس جول قۇرىلىسى نىسانى، ىندەت سەبەبىنەن زايا كەتكەن ۋاقىتتى ۇتۋ ءۇشىن، بارلىق قۇرىلىسشىلار ۇستەمە جۇمىس ىستەپ، قۇرىلىس ۋاقىتىن ۇتۋدا.
”ءبىز قۇرىلىسشىلار 3 كەزەككە ءبولىنىپ، 24 ساعات بويى دامىلسىز جۇمىس ىستەپ جاتىرمىز“. حو يۇڭچاۋ ” ’1 - مامىر‘ كەزىندە كوپشىلىك جۇمىس ورنىنان تاپجىلمادى، اۋا رايى جار بەرسە، ءبارىمىز ءوز جۇمىس ورنىمىزدا ۇستەمە جۇمىس ىستەپ، نىساندى ۋاعىندا بىتىرۋگە قۇلشىنامىز“ دەدى.
تۇسكى استان كەيىن، حو يۇڭچاۋ ىدىس - اياعىن قويا سالدى دا، دەم الۋعا دا مۇرساسى كەلمەي قاربالاس قۇرىلىس مىندەتىنە كىرىسىپ كەتتى. ”جاقىننان بەرى اۋا رايى جاقسى، قۇرىلىس جۇرگىزۋگە ۇيلەسەدى، ۋاقىتتى مىقتى ۇستاپ جۇمىس ىستەۋىمىز كەرەك“، - دەدى ول.
