شوكىرات زاكىر تۇرپان قالاسىندا تەكسەرۋ - زەرتتەۋ جۇرگىزدى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 5 - ايدىڭ 1 - كۇنى تۇرپاننان حابارلايدى. 4 - ايدىڭ 30 - كۇنىنەن 5 - ايدىڭ 1 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر تۇرپان قالاسىنىڭ توقسۇن اۋدانى، گاۋچاڭ رايونى سياقتى جەرلەرگە بارىپ، كەلەلى نىسانداردى ىلگەرىلەتۋ، نەگىزدىك قۇرىلعى قۇرىلىسى، ساياحات كاسىبىن دامىتۋ، ەكولوگيالىق ورتانى قورعاۋ سياقتى قىزمەتتەرگە ناقتى تەكسەرۋ - زەرتتەۋ جۇرگىزدى. شوكىرات زاكىر مىنانى باسا دارىپتەدى: ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابى بويىنشا، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىن مىقتى يگەرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ، قوعامنىڭ ورنىقتى، اقاۋسىز دامۋىن بار كۇشپەن ىلگەرىلەتۋ كەرەك.
G30 ليانيۇنگاڭ - قورعاس جوعارى قارقىندى تاس جولىنىڭ شياۋساۋحۋدان ۇرىمجىگە دەيىنگى بولىگىن جاڭالاپ، كەڭەيتىپ سالۋ قۇرىلىسىنىڭ جۇمىس باسىندا جول تاپتاۋىش ماشينا ارلى - بەرلى جول تاپتاپ، قۇرىلىسشىلار قاۋىرت جۇمىس جۇرگىزىپ جاتقان بولاتىن. شوكىرات زاكىر ينجەنەريانى جوبالاۋ، قۇرىلىس جۇرگىزۋ جاعدايى، ورىن تەپكەن ماسەلە سياقتىلاردى ەگجەي - تەگجەيلى ۇعىستى. تۇرپان يارعۇل اۋەجايىن جاڭالاپ، كەڭەيتىپ سالۋ قۇرىلىسىنىڭ جۇمىس باسىندا، شوكىرات زاكىر اۋەجايدىڭ اينالىمعا ءتۇسۋ جاعدايىن ەگجەي - تەگجەيلى ۇعىسىپ، قۇرىلىس اياق الىسىن تەكسەردى. ول مىنانى باسا دارىپتەدى: نەگىزدىك قۇرىلعى قۇرىلىسى − شينجياڭنىڭ ەكونوميكالىق دامۋىنداعى ەڭ ۇلكەن كومەسكى كۇش ءارى ەكونوميكانىڭ ارتۋىن جەبەۋدەگى ماڭىزدى تۇتقا. ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، نىسان قۇرىلىسى سىندى وسى تەتىكتى مىقتى يگەرىپ، دامۋ تاسىلىنە بۇرىلىس جاساۋعا، جوعارى ساپالى دامۋعا تىرەك بولۋعا جەتەكشىلىك ەتىپ، ەكونوميكالىق، قوعامدىق دامۋعا مىعىم تەبىن ۇستەۋ كەرەك. تەز قارمانىپ، ۋاقىت ۇتىپ، قارقىنعا، ساپاعا، حاۋىپسىزدىككە الۋان ءتۇرلى شارالارمەن كەپىلدىك ەتىپ، نىساننىڭ ەرتە جۇرگىزىلۋىنە، ەرتە سالىنىپ بىتۋىنە، ەرتە ونىمدىلىك بەرۋىنە شىنايى كەپىلدىك ەتۋ كەرەك. ورايدى مىقتى يگەرىپ، جاعدايعا قاراي ىستەپ، قاتىناس نەگىزدىك قۇرىلعى قۇرىلىسىن جىبەك جولى ەكونوميكالىق بەلدەۋى وزەكتى رايونىنىڭ مىقتى ارقاۋى ەتىپ قۇرىپ شىعۋ كەرەك.
تەكسەرۋ - زەرتتەۋ جۇرگىزگەن كەزدە، شوكىرات زاكىر توقسۇن اۋدانىنىڭ ەكولوگيالىق مال شارۋاشىلىعى، ەنەرگيا، حيميا ونەركاسىبى، باتەريا، فارفور جابدىقتار سياقتى كاسىپ سالالارىنداعى ءتۇيىندى كاسىپورىنداردى ارالاپ، ءوندىرىس جۇرگىزۋ، تەحنيكا زەرتتەپ اشۋ، جۇمىستانۋعا جەتەكتەۋ، نەگىزگى ساتى پارتيا قۇرىلىسى سياقتى جاعدايلاردى ۇعىستى؛ تۇرپان قالاسى حوشانحۇڭ شاراپحاناسىندا، يارعۇل دەڭى. كارىز قۇدىعى قاينارى كورىنىس وڭىرىندە، كورىنىس ءوڭىرىنىڭ ىندەتتەن ساقتانۋ - تىزگىندەۋ قىزمەتى مەن ساياحات بازارى جاعدايىن تەكسەردى. ول مىنانى باسا دارىپتەدى: ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ كەرەك. ەكونوميكانىڭ دامۋ تاسىلىنە جەدەل بۇرىلىس جاساپ، ناقتى ەكونوميكانى شىنايى، ساپالىلاندىرۋ، كۇشەيتۋ كەرەك. كاسىپورىندارعا تيىمدىلىك جاساۋ ساياساتىن جان - جاقتى تياناقتاندىرىپ، جوعارى - تومەن بۋىنداعى كاسىپ سالالار مەن ورتا، شاعىن كاسىپورىنداردىڭ ءوندىرىس قۋاتىنا، ونىمدىلىككە جاپپاي جەتۋىن ىلگەرىلەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرىپ، ساياحات بازارىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك.
شوكىرات زاكىر ايدىنكولگە كەلىپ، ەكولوگيانى قورعاۋ جاعدايىن ارالاپ تەكسەردى، سونداي - اق سۋ جانۋارلارى تۇقىمىن كوبەيتۋ، سۋعا قويا بەرۋ قيمىلىنا قاتىناستى. ول مىنانى باسا دارىپتەدى: ايدىنكول − تۇرپان ويپاتى ەكولوگيالىق ورتا وزگەرىسىنىڭ ”بارومەترى“، ءار دارەجەلى، ءارقايسى تاراۋلار شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ايدىنكولدىڭ ەكولوگياسىن قورعاۋدى جانە ونى جونگە سالۋدى شىن مانىندە كۇشەيتىپ، قىزىل سىزىقتى، تومەنگى شەكتى ساقتاپ، كوگىلدىر كول تولقىعان، بالىعى شورشىعان كوركەم كورىنىستى بىرگە قۇرىپ، ايدىنكولدىڭ اناعۇرلىم كوپ بۇقارانى باقىتقا كەنەلتۋىنە مۇمكىندىك جاساۋ كەرەك.
اۆتونوميالى رايوننىڭ ورىنباسار ءتوراعاسى جاۋ چيڭ تەكسەرۋ - زەرتتەۋدە بىرگە بولدى.
