رايونىمىز عىلىم - تەحنيكاعا فينانستىق كەشەندى قىزمەت وتەۋ تۇعىرىن قۇرادى
شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان 5 - ايدىڭ 1 - كۇنى ۇرىمجىدەن حابارلايدى. ”قارىز الۋعا ءوتىنىش بەرۋدەن قارجىنىڭ ەسەپكە كىرۋىنە دەيىن ءبىر اپتا عانا ۋاقىت كەتتى، كاسىپورىنداردىڭ جۇمىستى، ءوندىرىستى قالپىنا كەلتىرگەننەن كەيىنگى قارجى قىسىمىن بارىنشا جەڭىلدەتتى“. 4 - ايدىڭ 29 - كۇنى ءۇرىمجى ميڭحۋا زەردەلى ەلەكترون عىلىم - تەحنيكا شەكتى سەرىكتەستىگىنىڭ ورىنباسار باس ديرەكتورى شۋە جينرۇڭ بانكەنىڭ جوعارى جۇمىس ونىمدىلىگىن القادى.
ميڭحۋا سەرىكتەستىگى − مەملەكەت دارەجەلى جوعارى، جاڭا تەحنيكالىق كاسىپورىن، ىندەتتىڭ ىقپالىنا ۇشىراعاندىقتان، كوپتەگەن ونىمدەردىڭ تاپسىرىلۋى كەشەۋىلدەپ، كاسىپورىندا قارجى تاپشىلىعى جارىققا شىقتى. جۇمىستى، ءوندىرىستى قالپىنا كەلتىرگەننەن كەيىن، سەرىكتەستىك بانكەدەن قارىز اقشا الۋعا ءوتىنىش ەتۋدى ويلاستىردى، الايدا قايتكەندە جوعارى ونىمدىلىكتە، قولايلى تۇردە قارىز اقشا ءوتىنىش ەتىپ، سەرىكتەستىكتىڭ قىسىلتاياڭ جاعدايىن شەشۋ ۇلكەن ماسەلەگە اينالدى.
جۋىردا شينجياڭ عىلىم - تەحنيكاعا فينانستىق قىزمەت وتەۋ ورتالىعى ۇيىمداستىرعان ءبىر رەتكى ارناۋلى فينانستىق سۇيەمەلدەۋ ساياساتى مەن ارناۋلى امانات - قارىز قىزمەت وتەۋىنە باعىتتالعان جەلىدە باۋلۋ وسى سەرىكتەستىك ءدوپ كەلگەن قيىن ماسەلەنى شەشتى. ”ءبىز عىلىم - تەحنيكالىق كاسىپورىندارعا باعىتتالعان قانداي امانات - قارىز سۇيەمەلدەۋ ساياساتى بار ەكەندىگى، عىلىم - تەحنيكالىق كاسىپورىنداردىڭ قارىز اقشانى قالاي ءوتىنىش ەتەتىندىگى، فينانس قۇرىلىمدارىنىڭ عىلىم - تەحنيكالىق كاسىپورىندارعا ۇيلەسەتىن قانداي ونىمدەرى بار ەكەندىگى سياقتىلاردى ۇعىستىق“. شۋە جينرۇڭ بىلاي دەدى: باۋلۋعا قاتىناسىپ بولعاننان كەيىن، سەرىكتەستىك دەرەۋ قارىز اقشا ءوتىنىشىن تاپسىردى. جەلىدە ءوتىنىش ەتۋ، تەكسەرىپ بەكىتۋ ارقىلى ءبىر اپتادان كەيىن 2 ميلليون يۋاننان استام قۇرالعان قارجى ەسەپكە ءساتتى كىردى، قازىر بۇل سوما قامداۋشى ساۋداگەرلەر مەن جاڭا نىسانداردىڭ قۇرىلىس باستاۋىنا جۇمسالدى.
ميڭحۋا سەرىكتەستىگى سياقتى قارىز اقشا ءوتىنىش ەتكەن عىلىم - تەحنيكالىق كاسىپورىنداردىڭ قاتارى نەداۋىر كوپ. عىلىم - تەحنيكالىق كاسىپورىنداردىڭ دامۋىنا اناعۇرلىم جاقسى قىزمەت وتەپ، جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى قۇرىلىسىن اناعۇرلىم جەدەلدەتۋ ءۇشىن، 2018 - جىلى اۆتونوميالى رايوندىق عىلىم - تەحنيكا مەڭگەرمەسى شينجياڭ عىلىم - تەحنيكاعا فينانستىق قىزمەت وتەۋ ورتالىعىن قۇرعان بولاتىن، بۇل رايونىمىزداعى عىلىم - تەحنيكالىق كاسىپورىندارعا ارناۋلى قىزمەت وتەيتىن تۇڭعىش قازىنالىق كەڭەس بەرۋ قۇرىلىمى جانە كەڭەسشى دەلدالدىق قۇرىلىم، سونداي - اق رايونىمىزداعى عىلىم - تەحنيكاعا فينانستىق الەۋمەتتىك قىزمەت وتەۋ جۇيەسى قۇرىلىسىنىڭ العاشقى قادامدا قالىپتاسقاندىعىن اڭعارتادى.
شينجياڭ عىلىم - تەحنيكاعا فينانستىق قىزمەت وتەۋ ورتالىعى قۇرىلعاننان كەيىن، قىزمەت وتەۋ ۇجىمى عىلىم - تەحنيكالىق ورتا، شاعىن كاسىپورىندارعا بارىپ، تەكسەرۋ - زەرتتەۋ جۇرگىزىپ، شينجياڭ عىلىم - تەحنيكاعا فينانستىق كەشەندى قىزمەت وتەۋ تۇعىرىن قۇرىپ، عىلىم - تەحنيكا مەن فينانستى سايكەستىرۋ جينالىسى جانە عىلىم - تەحنيكا، جاڭالىق اشۋ بولەگى بويىنشا جارناسىن بازارعا شىعارۋعا ارناۋلى باۋلۋ سياقتى قيمىلداردى وتكىزىپ، عىلىم - تەحنيكالىق كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ سياقتى ماسەلەلەردى ءونىمدى باسەڭدەتتى. قازىر وسى ورتالىقتا قۇرىلعان شينجياڭ عىلىم - تەحنيكاعا فينانستىق كەشەندى قىزمەت وتەۋ تۇعىرى جەلىگە شىعارىلىپ، ىسكە قوسىلدى. تۇعىر جەلىدە جانە جەلىدەن تىس جۇمىس جۇرگىزۋ ۇلگىسىن قولدانىپ، جەلىدە بۇكىل شينجياڭنىڭ عىلىم - تەحنيكالىق كاسىپورىندارىنىڭ ينفورماتسيا قويماسىن، جاڭالىق اشۋ، شارۋاشىلىق قۇرۋ قويماسىن قۇرىپ جانە بىرىكتىرىپ، كاسىپورىندارعا عىلىم - تەحنيكا، فينانس ساياساتتارىن ۇگىتتەپ، كاسىپورىنداردىڭ قارجى قۇراۋ قاجەتىن جاريالاپ، فينانس قۇرىلىمدارىنىڭ عىلىم - تەحنيكا فينانس ونىمدەرىن تانىستىرىپ، ۇكىمەت، فينانس قۇرىلىمدارى، قارجى قوسۋ قۇرىلىمدارى، دەلدالدىق قۇرىلىمدار جانە عىلىم - تەحنيكالىق كاسىپورىندار اراسىندا پىكىر اۋىستىراتىن، تۇيىلىستىرەتىن قىزمەت وتەۋ تۇعىرىن ورناتىپ، تۇرلىشە دامۋ ساتىسىنداعى عىلىم - تەحنيكالىق كاسىپورىندارعا جەلىدە، جەلىدەن تىس ءبىر بەكەت فورماسىندا، جان - جاقتى، دارالانعان، ارنايىلانعان قىزمەت وتەيدى. قازىرگە دەيىن شينجياڭ عىلىم - تەحنيكاعا فينانستىق قىزمەت وتەۋ ورتالىعى ءتۇرلى قارجى قۇراۋ كەلىسىمدەرىنەن 30 نەشەسىن جاساپ، قارجى قۇراۋ سوماسى 100 ميلليون يۋاننان استى.
اۆتونوميالى رايوندىق عىلىم - تەحنيكا مەڭگەرمەسى بايلىقتى ورنالاستىرۋ جانە باسقارۋ باسقارماسىنىڭ باستىعى جاڭ يۇي بىلاي دەدى: كەلەسى قادامدا قىزمەت وتەۋدى ۇزدىكسىز كەمەلدەندىرىپ، اناعۇرلىم جوعارى ءونىمدى، ناقتى جۇمىستارمەن اينالىساتىن قارجى قوسۋدى، قارجى قۇراۋدى ۇشتاستىرۋ تۇعىرىن قۇرىپ، عىلىم - تەحنيكالىق كاسىپورىنداردىڭ قارجى قوسۋ، قارجى قۇراۋ ورتاسىن ازىرلەپ جانە جاقسارتىپ، عىلىم - تەحنيكا جەتىستىكتەرىن ءساتتى كادەگە جاراتۋدى جەبەۋ ءۇشىن، عىلىم - تەحنيكالىق كاسىپورىنداردىڭ جوعارى ساپادا دامۋىنا فينانستىق قولداۋ كورسەتەمىز، سونىمەن بىرگە رايونىمىزدىڭ عىلىم - تەحنيكاعا فينانستىق قىزمەت وتەۋ ساياساتىنىڭ جاسالۋىنا پايدالانۋ ماتەريالدارىن ازىرلەيمىز.
